طبعا كلة عايز يعرف انا انجزت اة

انا عملت سقف العربية واقع بقالة 3 سنين وانا مطنش

قلت مبدهاش ونزلت رحت لكذا سروجى فى كذا سعر سمعتة من اول 350 الى 500 اسعار وهمية بجد
المهم

رحت نزلت وسط البلد جبت قماش السقف ولقيت انواع كتير
صينى - تركى - اسبانى - امريكى المهم اشتريت اغلاء حاجة وكانت الامريكى المتر 25 ج جبت متر ونص ب37 ونص وجبت علبتين كولة شعلة 9 ج العلبة 18 ج العلبتين وجبت فرشة 3 ج

يعنى المجموع
58 ونص قول 60 ج بس ابقا راضى الرجالة

وابتداء الشغل

اولا فكيت السقف من العربية وطلعتة البيت وشلت الفرش القديم ونضفت كويس اوى السقف من جوة مكان السفنج القديم ودية عملية مهمة جدا

اخد منى شغل سعتين وسبتة ينشف يوم كامل وركبتة من شوية والنتيجة رائعة بس انا وقعت فى غلطة وان ايدى كانت بتتوسخ من مكان تقفيل السقف بس انا نضفتة بفرشة وكلة تمام وفى حاجة كمان لو هتعملة فى البيت اعملة فى مكان مفتوح عشان ريحة الكولا هتخليك برنس البرنيس دة غير الكلام الناس قالى معاك فى البيت اكنك جايب مخدرات حد لقى يتكيف ببلاش عالم غريبة بجد

مين عايز يعمل السقف انتظرو منى الصور قريبا