طبه الزيت بتنقط

**emadno1** · 01-05-2008 02:29 AM

ازيكم يا شباب انا كنت بغير زيت اول امبارح و الاخ الى فى البنزينه الله يعمر بيته فوتلى الطبه المهم قال لى ان الطبه عليها وردتين و شال واحدة علشان اول سنين فى الكارتيرة نعمو و ربط الطبه على كدة و رحت مشوارين بيها على كدة كانت زى الفل و بعدين قرصت عليها النهارده مشيت عليها شويه على 160 كم و بعدين ركنتها و نزلت بعديها بساعه واحد صاحبى بيقولى عربيتك بتنقط زيت لقيت فعلا بقعه صغيرة تحتها حركتها لقدام شويه و سبتها منزلتش زيت تانى
بس طبعا انا مش مطمن مش عارف اعمل ايه علشان امشى مطمن خاصه انى مسافر كمان يومين من الغردقه للقاهرة بس يكون حل نهائى مش مؤقت ناس هنا بيقولولى متشغلش بالك مش بتنقط كتير سافر و اعملها فى مصر و ناس بيقولولى اعملها هنا علشان تمشى مطمئن بس للاسف مفيش صنيعيه محترمه هنا كله عك

**ahmedsrs** · 01-05-2008 02:35 AM

بص على مقياس الزيت لو لقيته مضبوط عند شرطة max سافر عادى لو لقيته اقل متسفرش كده الأنوس بتاخد بالفلتر اربعة لتر الا ربع لو انت حاطط الجركن كله يبقى فى زيادة ومتقلقش

**m.farouk** · 01-05-2008 04:35 PM

تروح لخراط وتخلية يمشط السن بتاع الطبة علشان السنون الا نعمت ترجع تانى وهيغيرلك الطبة بوحدة اكبر

**badblood** · 02-05-2008 02:35 AM

اشتري طبة جديدة بالوردة بتاعتها

**emadno1** · 03-05-2008 01:05 AM

انا رحت بيها لواحد صنايعى النهادرة قلى على نفس الحل الى قاله الزميل Mfarouk
و قلى مش حينفع تجيب طبه استاندرد لان المكان بتاعها حيوسع و قلى العمليه دى سهله لان الكارتيرة المونيوم فمش بتحتاج فك و لا حاجه و قلى ان الزيت خلال اربع ايام منزلش و لسه على ال ماكس يبقى سافر بيها و اعمل الحكايه دى فى مصر
بعدها كان عندى مشوار فى سفاجا رحت و رجعت و كنت ماشى على 140 : 150 و لما رجعت ركنت العربيه ساعتين و لقيت برضه الزيت على ماكس رغم انها عملت بقعه زيت تحتيها قطرها حوالى 10 سم
انا بكرة نازل اجازه و اخيرا حاروح بيتنا فى القاهرة فياريت لو حد ممكن يعرف حد كويس يقولى عليه علشان اعملها عندة