الموضوع: الى خبراء الإسمارت كي

المشاركة الأصلية كتبت بواسطة sayed911

بسم الله الرحمن الرحيم !!

معلش يا جماعة اعذروني على تخلفي وكثرة اسئلتي ولكن ليس لي متجه آخر غير الله ثم انتم :D :D :D

انا بس حبيت اقولكم اني عملت الصيانة في توكيل جسر السويس صيانة الأربعين الف وتكلفت حوالي 1400 جنيه شاكب راكب :D :D
وكانت من اهم الحاجات اللي فيها تغيير زيت الفتيس !! وزيت الباور !!

التيل قالولي ها يكمل ان شاء الله للـ 50 والبوجيهات كمان في الـ 50 بعون الله ..

المهم انا مشكلتي كالتالي ...
من فترة لقيت تحذير في التابلوه كاتب
key battery low
قمت شايل المفتاح الأصلي !! ورحت منزل الإسبر اللي مشتغلش نهائيا من ساعة ما جبت العربية !!

نزلت بالعربية الكام يوم اللي فاتوا !!
الاقي بردوا كاتبلي في التابلوه !!
key battery low
الله !! طيب انا عايز اعرف حاجة من اتنين يا اما العربية مش شايفة انه تم تغيير المفتاح !! وانه المسج ده بيتشال !! يا اما المفتاح التاني ده كمان بطاريته خلصت مع انه لم يستخدم !! انا عاير بقى اعرف !! العربية محتاجة يتشال من عليها المسج ده ولا لا ؟ولا قصته ايه ؟؟

بالإضافة انا عايز اسئل هل من الممكن تركيب باك سينسور للعربية لأنه في التوكيل قالولي ملناش فيه !! وكنت مستني العربية تخلص فترة الضمان بتاعتها !! اركبه فين وعند مين وبكام !! وهل فيه لعب في الضفيرة ولا ها ياخد من الفانوس وبس ؟
وآخر سؤال بقى معلش انا رخم جدا !!!
هل فيه اوبشن انه لما العربية تتحرك يحصل لوك لكل ابواب زي السيراتو مثلا او الجين 2 نوع من انواع السيفتي فيه جهاز بيركب مثلا زي وحدات الرفع ولا ظروفه ايه القصة دي ؟
بس معلش اهم حاجة عندي قصة المفتاح دي لأني مقلق نها قوي خايف ليكون المفتاح الجديد فيص !! او يكون ببساطة المسج ده بيتسح من على التابلوه بطريقة معينة ..

يا عم سيد انت كل شوية تزعجنا كده ولا ايه
بهزر معاك طبعا,,انت تنور في اي وقت و تشرفنا كمان
اولا مبروك على الصيانة و عقبال ال 100 الف
ثانيا بالنسبة للمفتاح,كده محتاج تتغير البطارية بتاعته
و شوف كده راديو شاك او حد كويس
طب انت سألتهم في التوكيل على قصة المفتاح و لو سألتهم قالولك ايه؟؟
طبيعي زيت الفتيس يتغير عند ال 40 الف
لكن الغريب ان زيت باور يتغير!!!!!!!!!!
العربية الباور بتاعها كهرباء!!!!
انت ما سألتهمش على حكاية زيت الباور دي؟؟؟
بقولك ايه,انت حتديني التيل بتاعك ده على صيانة ال 50

ده مين اللي قالك بوجيهات على ال 50 ده؟؟؟!!!!!!!!!!!
يا سيد البوجيهات بلاتينيوم,,و بتتغير على ال 100 الف!!!!

بالنسبة للباركنج سينسور,مفيهوش مشكلة
و ممكن تركبه عند سبير كار او مودرن كار و كان فيه عضو مالك للعربية ركب عند مودرن كار و مفيش مشكلة الحمد لله

و تقريبا ملهوش دعوة بالضفيرة

بالنسبة ان السنتر يقفل اول ما العربية تمشي
ده كان نفسي يكون موجود فعلا
انا كان معايا افيو و ركبتلها انذار,كان هو بيعمل لوك اول ما العربية تمشي
فأعتقد انك ممكن تلاقي الاداة اللي تخلي العربية تعمل لوك لما تمشي ان شاء الله

المشاركة الأصلية كتبت بواسطة kholio

كدة تبقى بطارية الريموت عايزة تغيير وبطاريته بتتغير عند اي محل ساعاتي وفك الريموت سهل جدا
اما الريموت الجديد اكيد هو كمان بطاريته من الركنة باظت ومحتاجة تتغير هي كمان وانت حتى لو حصل وفضي منك الريموت في اي وقت ممكن تشغل العربية بالمفتاح الاسبير اللي في ظهر الريموت
اولا تشيل البلاستيكة اللي بتدور بيها وهتلاقى مكان المفتاح الحديد الاسبير تحتها تدخله في الكونتاكت وتدور وفي نفس الوقت يكون الريموت في ايدك هتدور العربية على طول ده في حالة ان بطارية المفتاح فضيت منك في اي وقت لغاية متغيرها

بالنسبة للسنسور بارك بيركب بمنتهى السهولة واللي هيركبه مش هييجي ناحية الضفيرة
ووحدات الرفع بردو سهل تركيبها عند اي محل بتاع كماليات سيارات
بالنسبة للسيفتي اللي بيقفل لوك البيبان بعد 20 كيلو متر في الساعة مش موجود في الشارك وانا شايف انه ملوش لازمة لان ممكن حضرتك لما تحب تقفل لوك البيبان تقفله بايدك


وانا معاك في اي حاجة محتاج تعرفها في العربية

خالد حبيبي
دايما انت كده تلحقني بالرد الجميل و المفصل
بس انت ما اخدش بالك يا خالد من حكاية زيت الباور دي!!!!
و كمان حكاية البوجيهات على 50 الف؟؟؟؟؟!!!!!!!!!
حاجة كمان يا خالد عاوز اسألك عليها
حكاية وحدات الرفع دي
اركب واحدة لكل باب ولا اتنين لكل جانب يمين و شمال؟؟؟؟؟

متشكر جدا لحضراتكم يا جماعة فعلا هوة القسم اللي بينجز فعلا :d :d :d

معلش زيت باور ايه اللي انا بقوله ده ههههههههه والله ما فاكر زيت ايه اصلي عملتها يوم الخميس بس هوا قالي الأول البوما في الـ 40 قولتله انا ex قالي يبقى في الخمسين !!! وعملوا كروسات للعجل !! ومنظف دورة كاملة وتنظيف تيل ومجاميعه !! تفتكرروا البوجيهات كويسة وافسكلهم ؟ اصل انا معرض هيا جدولها اللي بينزل من ميتسوبيشي بيتغير امتى بصراحة !!!
بالنسبة للسينسور بارك !! انا عايزكم ترشحولي مكان في مصر الجديدة مدينة نصر يكون ثقة ليكم اتعامل معاه ويكون شكله نضيف مش طالبة خالص شكر وحش :d ويجعله عامل !!
يعني دخلنا قسمكم مفيش اتفضل كباية شاي ولا حتى غدا ولا اي حاجة :d :d :d امال عقود ايه اللي بروتون مضياها مع ميتسوبيشي وتعاون ايه !! مفيش حتى كوباية شاي :d :d
وما يزال لغز التيل اللذي حير الملايين واقفا صامدا امامه !! والله العظيم انا الصنايعي كان واقف بيقولي هوة حضرتك مش بتدوس فرامل ؟؟ قولتله ليه قالي ده تيل الفابريكة صح ؟ قولتله اه ؟ قالي بتسافر بيها كتير طيب ؟ قولتله مرة في السنة بكبيروا قوي !! قالي امال ازاي تيل يقعد للـ 50 ولو بنفس اسلوبك ده احتمال 50% يكمل للـ 60 هههههههه انا والله بقيت مش قادر امسك نفسي من الدحك !! وها اعمل تقييم قريب جدا لتوكيل جسر السويس بصراحة لأنه عندهم عيوب وعندهم مميزات برضه محتاجة تتراجع !!
ماشيين بتشيك ليست على العربيات !! كل شئ تم تفقده بشكل سريع في السيارة !! الحجز سئ للغاية !! السرعة في الأداء كانت جيدة لحد كبير !! وعلى العموم كده انا ها اغير بطارية المفتاحين وربنا يسهل بقى ان شاء الله نشوفلها حل ..
ومتشكر جدا يا جماعة على المعلومات المفيدة جدا وطمنتوني على المفتاح الله يطمنكم ومنتظر موضوع السينسور بارك

استاذ خالد انا عارف انه السنتر بيغلق يدوي انا كنت عايزيه يغلق اوتو ( رفاهية بقى ) زي عربيات كتير بتعمل الحركة دي وكنت متخيل انها نوع من انواع السينسورز بيركب على عداد السبيد عشان يقفل العربية كنوع من انواع السيفتي عند الحركة !! :d تخيل بقى اني شوفت ناس مخنوقة من الحوار ده وعايزة تلغيه في عربياتها :d وفيه ناس زي حالاتي عايزاه وها تموت عليه :d

المشاركة الأصلية كتبت بواسطة sayed911

متشكر جدا لحضراتكم يا جماعة فعلا هوة القسم اللي بينجز فعلا :d :d :d

معلش زيت باور ايه اللي انا بقوله ده ههههههههه والله ما فاكر زيت ايه اصلي عملتها يوم الخميس بس هوا قالي الأول البوما في الـ 40 قولتله انا ex قالي يبقى في الخمسين !!! وعملوا كروسات للعجل !! ومنظف دورة كاملة وتنظيف تيل ومجاميعه !! تفتكرروا البوجيهات كويسة وافسكلهم ؟ اصل انا معرض هيا جدولها اللي بينزل من ميتسوبيشي بيتغير امتى بصراحة !!!
بالنسبة للسينسور بارك !! انا عايزكم ترشحولي مكان في مصر الجديدة مدينة نصر يكون ثقة ليكم اتعامل معاه ويكون شكله نضيف مش طالبة خالص شكر وحش :d ويجعله عامل !!
يعني دخلنا قسمكم مفيش اتفضل كباية شاي ولا حتى غدا ولا اي حاجة :d :d :d امال عقود ايه اللي بروتون مضياها مع ميتسوبيشي وتعاون ايه !! مفيش حتى كوباية شاي :d :d
وما يزال لغز التيل اللذي حير الملايين واقفا صامدا امامه !! والله العظيم انا الصنايعي كان واقف بيقولي هوة حضرتك مش بتدوس فرامل ؟؟ قولتله ليه قالي ده تيل الفابريكة صح ؟ قولتله اه ؟ قالي بتسافر بيها كتير طيب ؟ قولتله مرة في السنة بكبيروا قوي !! قالي امال ازاي تيل يقعد للـ 50 ولو بنفس اسلوبك ده احتمال 50% يكمل للـ 60 هههههههه انا والله بقيت مش قادر امسك نفسي من الدحك !! وها اعمل تقييم قريب جدا لتوكيل جسر السويس بصراحة لأنه عندهم عيوب وعندهم مميزات برضه محتاجة تتراجع !!
ماشيين بتشيك ليست على العربيات !! كل شئ تم تفقده بشكل سريع في السيارة !! الحجز سئ للغاية !! السرعة في الأداء كانت جيدة لحد كبير !! وعلى العموم كده انا ها اغير بطارية المفتاحين وربنا يسهل بقى ان شاء الله نشوفلها حل ..
ومتشكر جدا يا جماعة على المعلومات المفيدة جدا وطمنتوني على المفتاح الله يطمنكم ومنتظر موضوع السينسور بارك

استاذ خالد انا عارف انه السنتر بيغلق يدوي انا كنت عايزيه يغلق اوتو ( رفاهية بقى ) زي عربيات كتير بتعمل الحركة دي وكنت متخيل انها نوع من انواع السينسورز بيركب على عداد السبيد عشان يقفل العربية كنوع من انواع السيفتي عند الحركة !! :d تخيل بقى اني شوفت ناس مخنوقة من الحوار ده وعايزة تلغيه في عربياتها :d وفيه ناس زي حالاتي عايزاه وها تموت عليه :d

الشكر لله
انت قصدك تقريبا زيت الماتور بش زيت الباور,,انا اتخضيت برده باور ايه؟؟!!!!
بوجيهات ايه اللي تتغير عند ال 50 الف؟؟؟!!!!!
بوجيهاتك غير البوما,,دي البوما كمان فيه ناس بتغيرها على ال 60 الف
ما بالك انت بوجيهاتك بلاتينيوم!!!!
بالنسبة لتركيب السينسور بارك
ركبهم عند مودرن كار في مدينة نصر قدام عمر افندي
و ده المكان اللي ركب فيه العضو اللي قولتلك عليه و مفيش مشاكل الحمد لله

يا سلام,,كباية شاي بس,,,ده احنا نجيبلك عشاء كمان

كفاية السندوتشات دي ولا نجبلك تاني
انت تؤمر يا سيد

بالنسبة لحكاية التيل,,انا عاوز اعرف انت بتسوق ازاي؟؟
طبيعة ساقتك هادية ولا متوسطة ؟؟؟
ربنا يباركلك في التيل

و ياريت تنزلنا تقييمك عن مركز خدمة جسر السويس
تحياتي

المشاركة الأصلية كتبت بواسطة kholio

انا رأيي واحدة لكل باب علشان كله يقفل مع بعضه في نفس اللحظة

تمام
انا حعمل برأيك مدام ده احسن