عاجل جدا:اليارس بتكركر (بتسقف يا جدعان)

**ahmedyaris** · 28-06-2011 12:46 AM

السلام عليكم
انا هحكيلكو المشكله على هيئة نقط:
1- انا كنت مسافر وعلى وشك اخلص بنزين ورفضت احط بنزين من المحطات الى سمعتها زباله وصبرت لحد ما وصلت توتال عشان احط 92 زى المعتاد يعنى التنك كان فيه 4 لتر وده اقل مستوى بنزين انا وصلت له لانى كنت متعود افول لما اوصل نص التنك عشان الشوائب طبعا
2-تانى يوم سوقت العربيه عادى ونضفت فلتر الهوا من باب النضافه من الايمان وبعد ما ركبت الفلتر لاقيت لمبة الخلل نورت (علامة الموتور) المهم حاولت مرتين لحد ما طفت لوحدها وانا ماشى
3- فى نفس اليوم لاقيت العربيه بتكركر مع الغيار البطى التانى مثلا عند المطبات . الحقيقه مصدقتش ودانى لحد ما اتاكدت من الصوت. كانك راكب شاهين وحاطط بنزين 80
4- فولت تانى بنزين 92 من امارات ونص علبة منظف رشاشات وفتحت شويه عشان الرشاشات لو فيها حاجه تنضف لكن برده لسه نفس الصوت المرييب
السؤال الرشاشات اتسدت ولا العربيه خدت هوا ولا الفلتر ولا ايه انا خايف الموضوع يطلب رشاشات جديده وتبقى مشكله كبيرة ارجوا الرد والافاده ولو الرشاشات بتنضف يبقى فين يعنى لو التوكيل حراق
ااااسف للاطاله

**BLOODY_STONE** · 28-06-2011 01:13 AM

نص علبة منضف رشاشات قليل اوي على تفويلة ... علبة كاملة على الاقل
فلتر الهوا مظنش ليه دعوة

**ahmedyaris** · 28-06-2011 01:19 AM

تفتكر ان المنظف حتى لو علبه ممكن ينضف رشاشات يعنى مش لازم تتنضف مانيوال

**BLOODY_STONE** · 28-06-2011 02:06 AM

المشاركة الأصلية كتبت بواسطة ahmedyaris

تفتكر ان المنظف حتى لو علبه ممكن ينضف رشاشات يعنى مش لازم تتنضف مانيوال

لا منضف الرشاشات مش اوي كده يعني .. ده بيبقى لو رواسب خفيفة .. هو بتحس بفايدته لو بتستعمله اول بأول عشان مفيش حاجة تترسب بس لو العربية مشيت كتير خلاص لا اظن انه ممكن ينضف الرواسب الجامدة لازم تنضيف مانوال

**JapRuleZ** · 28-06-2011 02:56 AM

الحق حملة الصيانة المجانية

**asemx1** · 28-06-2011 09:18 AM

السلام عليكم ورحمه الله وبركاته

الاستاذ احمد ياريس

هدى اعصابك كدا محصلش حاجه دى اولا واخيرا حديد فى حديد

بص يا سيدى

عاما انتا عامل كيلوهات اكتر من 30 الف كيلو ودا طبعا بينتج عنه تموين كتير وشوائب كتير فى التانك

لما وصلت للمستوى دا دخل شوائب المحرك وبالتالى الرشاشات ماعادتش شغاله بكفائه

عندك حل يا معلم اما انك تتعود على الصوت دا لفتره وهيا هتظبط لواحدها مع السفر كتير

او اما انك تجيب علبتين منظف انجيكشن من النوع موبل او ياحبذا اى نوع مستورد وتقوم دالقهم فى التنك مع التفويله

وتكرر العمليه دى مرتين مع التفويله

وبالمناسبه انا بحط بنزين 80 مخلط مع 92 وبتكركر نادرا

بس ايام كنت بحط بنزين 92 صافى كنت مسافر فى سيناء وبعدين خلص التانك ودى طبعا بسبب طبيعه سيناء الجبليه مافيش بنزيمات كتير هناك

فلما مونت ومشيت لقيت كركره لحد المنصوره وبعدين جبتلى علبيتن منظف رشاشات موبل ودلقتهم والحمدلله العيب اتصلح

طب نفترض ان العيب ما اتصلحش

يبقى تروح تنظف رشاشات عند اى توكيل او مركز خدمه

تحياتى

م/ عاصم جاد

**ahmedyaris** · 28-06-2011 01:01 PM

شكرا على الافاده يا جماعه جزاكم الله خيرا

**soundoffear** · 03-07-2011 03:19 PM

علبة منظف الرشاشات دي بكام؟؟ وموجودة في كل محطات موبيل؟؟

**Mahmode** · 03-07-2011 03:37 PM

ألف سلامه على الياريس بتاعتك وربنا يقومهالك بالسلامة

**ahmedyaris** · 12-07-2011 03:16 PM

ربنا يسترك وما يرقد لك عربيه

الموضوع: عاجل جدا:اليارس بتكركر (بتسقف يا جدعان)

LinkBack

أدوات الموضوع

عرض

-

-

-

المواضيع المتشابهه

الى خبراء اليارس هو الدبرياج تقيل فى كل اليارس

اخرت كهربة وبرضو بتسقف حطيت 92 وبرضو بتسقف

هل كل الفيرنا بتكركر !!

عاجل خروجات اسماعيليه رايح الصبح يا جدعان

ال 405 بتكركر

الكلمات الدلالية لهذا الموضوع

المفضلات

المفضلات

ضوابط المشاركة