اخرت كهربة وبرضو بتسقف حطيت 92 وبرضو بتسقف

**eslam2000** · 19-07-2011 12:13 PM

اصدقائي الاعزاء

تحية طيبة وكل سنة وانتو طيبن

عندي عربية لانسر عيون صفية 91 انا بحط بنزين 80 وبلاحظ طول ما العربية بارد او ماوصلتش للحرارة العادية

سحب العربية بيكون ممتاز جدا جدا ولكن لما العربية بتسخن بسمع صوت تسقيف وانا سمعت انه خطر علي

المدي الطويل للموتور

المهم قمت بتاخير الكهرباء وظبت الهواء وكله تمام لكن برضه نفس الحكاية لدرجة اني اخرت الكهرباء من الاسبراتير

علي اخر درجة برضة طول ماهي بردة كويسة ولما اشغل التكييف وفي الحر الشديد العربية بتسقف وحاجة تضايق

قولت خلاص احط بنزين 90 وظبط كهربة برضة نفس الحكاية

قولت احط 92 وظبط برضه نفس الحكاية مجرد انها توصل لدرجة الحرارة العادية اللي المروحة بتشتغل عندها وتفصل

هي هي نفس التسقيف

هل حد عنده تفسير للمشكلة دي

لان المشكلة دي تعباني جدا ومضايقاني جدا

ياريت ياشباب تردو عليا بسرعة وشكرا ليكم

وكل سنة وانتو طيبين

**ibrahem_elkhabery** · 20-07-2011 04:05 PM

اعتقد انك لازم تظبط التاكيهات الاول زى ما الكتالوج بتاع العربية بيقولك وبعدين انشاء الله العربية هتبقى تمام

**Haitham10** · 20-07-2011 05:32 PM

هو مجرد رأيي مش اكتر

بعد ما تزهق ابقي غير الورشة وجرب تروح عند حد تاني
يظبطلك الهوا بتاع الكرباتير وبعديها الاسبراتير

**eslam2000** · 21-07-2011 08:40 AM

التكيهات متظبة واكتر من ميكانيكي اقرو بكدا

بس انا عايز اقول ملحوظة ياجماعة

انا ملاحظ ان فيه خراطيم هوا رفيعة طالعة من الموتور ورايحة الي الاسبراتير

ودي مسئولة عن تقديم الكهرباء وتاخيرها لاني لما بعكس مكانها السخان مش بيشتغل

ولوفصلت مثلا واحد صوت العربية يوطي

فهل فيه حد ممكن يفهمني حاجه عن الموضوع ده

او فيه موضوع بيتكلم عن حاجه زي كده

ياريت تفيدوني

لاني شايف ان المشكلة كلها في الخراطيم دي

**almoslem233** · 24-07-2011 05:50 PM

حاول تحطلها منظف دورة البنزين
وهاته من موبيل ب 23 جنيه وحط معاه صفيحة بنزين 92 واجرى بالعربيه

**l0new0lf** · 24-07-2011 07:43 PM

الخرطوم الداخل على الاسبرتير ده يتاع الادفانس
advance
يعنى لما تدوس بنزين جامد و تشد بالموتور بيقدم كهربه العربيه عن طريق تحريك الطبق الى الابلاتين راكب عليه عن طريق الفاكيوم الى بيحصل من المكنه
انا رائى انك الاول تتاكد من التكهات و تشوف واحد بيفهم يفك الاسبرتير و يتاكد انه شغال كويس
و يتاكد ان الفاكيوم بتاع الادفانس شغال
و المفروض هتلاقى تحت الطبق بتاع الابلاتين كتلتين صغار بيلفوا مع محور الاسبرتير و ممسوكين بسوستتين اتاكد ان السوستتين مش مكسورين

**cafe** · 31-08-2011 11:45 AM

السلام عليكم
اولا انا معايا لانسر 91 خليجي
المشكلة دي جاتلي قبل كدة وحلها الاتي
بعد التأكد من تلات حاجات
بس حنأجل الكلام في حكاية التأكد دلوأتي على الاقل

المشكلة في دورة التبريد هذا ليس ألا

الحل انك تنضف دورة التبريد كويس اوي وتجدد وتنضف المياة الي جوة المكنة كذا مرة . يعني مرة كل تلات ايام مثلا لمدة اسبوع كدة _طبعا العربية لازم تكون باردة اثناء التجديد .ولازم دايما تفك خرطوم الخارج من المكنة اثناء التنضيف
وتسلك الريداتير كويس اوي
وتتأكد مية في المية من شغل الاربة مع الريداتير عشان الريداتير يفضل دايما مليان......... وبالمناسبة فية غطاء للريداتير بس غالي شوية فية صمام تنفيث ضغط ..........هات واحد وركبة بدل العادي دة

أتأكد من قوة طلمبة المية و زيادة ضخها مع زيادة سرعة دوران المحرك

وعايز اعرف درجة الثرموثتات بتاعت ريداتير العربية ...... هل انت غيرتها او عدلتها ولا المقاس الاصلي و الثرموثتات بردو علية عامل حنتكلم فية بعد ما ننتيجة دورة التبريد نحكم عليها

اما التبريد يتظبط ............... العربية كل مشاكلها تتحل ......... و تشغل التكييف بسلاسة جداااااا مع بنزين 80 بدون فرح الافنسات دة (كركرة الكهربا العالية)

و أي مشكلة في العربية دي في اي حاجة انا حاضر ان شاء الله

فية موضوع عن اللانسر عيون صفية مخصوص انا شوفتة النهاردة و حشارك فية ان شاء الله

السلام عليكم

**HeMa_LanCeR** · 31-08-2011 12:30 PM

كده الموتور هو اللي بيسخن مالهاش علاقه بالكهرباء دلوقتي
تأكد من دوره التبريد كويس

**khater87** · 01-09-2011 01:52 AM

المشاركة الأصلية كتبت بواسطة hema_lancer

كده الموتور هو اللي بيسخن مالهاش علاقه بالكهرباء دلوقتي
تأكد من دوره التبريد كويس

فعلا كده معناها ان العربيه سخنه .. +11111111111111111

**eslam2000** · 16-11-2011 07:03 AM

ياجماعة انا مش عارف اقول ايه علي اهتمامكم ومتشكر جدا لكل واحد قال رايه

المهم انا عايز اقول ان الترموستات مش متغير يعني الاصلي بتاع العربية
بس فعلا انا بلاحظ ان العربية لما بتسخن بتسقف مع اني نظفت الريداتير اكثر من مرة وحاطط ميه خضرا
ولغيت كمان حاجة كده في دورة الميه بتفتح لما اليه تسخن كانت اصلا مش شغالة
ايه رايكم اغير الترومستات بتاع مروحة التبريد بواحد اقل ويكون مثلا 80-90

الموضوع: اخرت كهربة وبرضو بتسقف حطيت 92 وبرضو بتسقف

LinkBack

أدوات الموضوع

عرض

اخرت كهربة وبرضو بتسقف حطيت 92 وبرضو بتسقف - انشر الموضوع فى :

-

-

-

-

-

المواضيع المتشابهه

العربية بتسقف

العربيه بتسقف

العربية بتسقف

العربية بتسقف :)

لية العربية بتسقف

الكلمات الدلالية لهذا الموضوع

المفضلات

المفضلات

ضوابط المشاركة