موضوع هام لكل من لديه شاهين

**madaxman** · 01-07-2011 07:05 AM

المشاركة الأصلية كتبت بواسطة itstabot

طب ايه اخبار العربيه معاك في السحب و التجميع و كنت عايز اعرف هي اسبراتير عادي ولا الكتروني؟

العربيه من بعد الديفيل اختلفت خالص بس انا شلته تاني عشان الصوت وكدا معجبش الحاج

بس انتا ممكن يكون عندك بردو ظبتطه تكيهات لأنها بتبدأ بين الشتا والصيف
بس حكايه انها بتنزل من 100 ل 80 فجأه دي يبقا العربيه فيها "حاجه من الحاجات اللي بتنقل الحركه فيها عيب "
طيب جرب تفويله 90 كدا ونضف فلتر الهوا وفلتر البنزين والزيت بس تعمل كل الحاجات دي مع بعض

وكمان سلوك البوجيهات أتأكد انها راكبه كويس لأنها حصلت معايا كتير بيكون فيه سلك مش راكب كويس العربيه مش بتجمع خالص وبيطلع لوحده مع المطبات وكدا ساعات بيكون واسع شويه وبردو جرب لو نزلت معاك من 100 ل 80 كدا وماشي ع رابع مثلا سقط نقله علي طول وشوفها هتجمع ولا لأ

**nice_bird** · 01-07-2011 07:49 AM

انتا اكيد عند حاجة في وش السلندر او الصبابات فيها حاجة منفثة انا كان بيجصل معايا كدا في ال 131 كنت ابقي ماشي علي سرعة معية وفجاة احس السرعة بتقل رغم اني معملتش اي حاجة روحت لميكانيكي لقي صباب عادم بيعلق غيرناه وظبطنا الوش والعربية رجعت تمام وانا حاليا معايا الشاهين ال 1400 موديل 2000 بردوا سحبها تمام وبتشد جامد وحلوة بس عيبها بالنسبالي ان النقلات او الفتيس مش متناسبة مع الموتور

**sharpen** · 01-07-2011 07:52 AM

كربيراتيييييييييييييييييي يييييييييييير

بعد ماجنتنى

بس نصيحة الكربيرلتير مبيتصلحش والجديد زبالة
يبقى حلك الوحيد استياد ب 700 جنية

**rahmanboud** · 10-07-2011 02:18 AM

المشكلة مش فى موتور الشاهين المشكله فى عربيتك إنت لأنى عندى زوج أختى وأصدقاء كتير معاهم شاهين والسحب عندهم ممتاز والتصارع أيضا مش بطال وربنا يعينك على معرفة السب

**ahmedamr** · 10-07-2011 02:31 AM

انا كان عندى مشكلة فى الكرابراتير بردو شاهين 97 بس مين قالك مش بيتصلح يا باشا انا صلحتة عند واحد فى حلوان عملى اكس بوابة وركبلى بيكات جديدة كلها ونضف وركب وظبط ع بنزين 80 كمان ورجعت زي الزيرو يا باشا بس عملت كدة بعد ما لفيت شهر تقريبا ع جميع ميكانيكة حلوان ومحدش فاااااااااااهم حاجة لحد ما روحت لواحد بتاع كربراتيرات فى ضهر نادى حلوان العام دة دكتور كربراتيرات ظبتهالى وخد 150 بلبل بس انا خدت العربية من هنا ومش مصدق نفسي
اعدت بقى اشد جامد والعب واخمس هههههههههههه

**smsm_nabawy** · 13-07-2011 04:44 PM

بص يا باشا !! :))

أنت وجهت للعربية دي ،، اهانة شديدة !! و مش بعيد ترفع عليك قضية سب و قذف =)))

هي ايه دي الي تسارعها وحش يا راجل !!

دي وحش من الوحوش الي سقتها !! =))

عامةً ،، العربية تساعرعها كويس و الحمد لله ،، و من الواضح ان عندك مشكلة في العربية !!

أما في طلمبة البنزين !! أو في الكاربراتير

بس أقولك على حاجة بقا !! ممكن يكون هيا السبب !!

انت لما بتكون دايس بنزين ،، لما تيجي تدوس مرة واخدة ،، بتحس أن العربية اتأخرت ثانيتين كده في التسارع ؟؟ و الآر بي ام لما بيتبرجل معاك !! بتكون ساعتها دايس على الأكسراتير ؟؟

و بتحس أن العربية أتبرجلت معاه !! ؟؟

ممكن تلاقي كابل الأكسراتير مشدود أو مش مظبوط !!

انا حصورهالك عندي في عربيتي و أقولك تشوفه أزاي لو أنت مش عارف

=====================

أما للشاهين و المكن الي بيسقطلها !!

أفكس من مواتير ال 132 الكاربراتير دي !! =)))

أنت يا عزيز ممكن يتسقطلم مواتير فيات لانشيا ،، و ألفا روميو ،أنجيكشان كامل ، يخلوك تحطو على اي عربية في مصر انت عايزها !! =))

بس المشكلة الوحشة أوي ،، الشاسيه

للأسف ،، دي حقيقة مكنتش مقتنع بيها ،، وهي ان العربية الشاهين الشاسيه بتاعها ضعيف و بيفتح بسرعة !! =((
عامةً دي بتتحل بstrut bars و صب رصاص على البطاحات من حتت معينة كده !! و مش بتكلف كتير بالنسبة للأدااء الي بيطلع منا !!
تاني عيب ،، الفتيس :((

الراشيو بتاعت الفتيس عقيمة أوي =(( و مش حتعمل معاك اي حاجة لما تسقط مواتير عفية زي الي قلتلك عليها دي !! =((