الموضوع: استمرارا للأنفلات الأمنى - حدث فى ميامى امام عينى

المشاركة الأصلية كتبت بواسطة mido777

السلام عليكم يا شباب ,,,

كنا قاعدين فى القهوة فى امان الله فى شارع اسكندر ابراهيم فى ميامى حوالى الساعة 11 مساء
(واللى ميعرفش شارع اسكندر ابراهيم هو شارع مليان ناس وكافتريات وعربيات فى اتجاهين ونهايته طريق الكورنيش وطبعا ميامى معقل المصيفين اللى بيجوا اسكندرية )

المهم ...
فجأه لاقينا فى وسط الشارع امام القهوة بالظبط (القهوة فيها ما لا يقل عن 100 واحد ) بنت بتصرخ جامد و واحد ماسكها وفى ايده مطواه (بيقول انها مراته ) ومسك البنت وعمال يضربها (ويغزها) بالمطواه فى جسمها وفى ايديها واماكن حساسة اخرى فى جسمها

طبعا كل الناس اتجمعت عليه ولمده حوالى نصف دقيقة مفيش حد عارف يقرب منه علشان المطواه اللى فى ايده وعمال يهوش بيها الناس اللى بتقرب منه وكان حامى ظهره فى عربية راكنه...

لغاية لما واحد مننا جاه من وراه وضربه بشومه على ايده و وقع من المطواه و مسكناه وطبعا اخد ضرب بدون رحمة ...
والبنت قامت جريت وهيا بتقع ودخلت القهوة وراحت واقعة على الارض وفقدت الوعى وكانت بتنزف ......

بفضل الله النزيف وقف شويه بس البنت لسه كانت مش دارية بحاجة .....

الواد اخدناه على مخزن جنب القهوه وربطناه لغاية لما البوليس يجى (الواد اخد كمية ضرب جامده جدا بس هو ولا هنا ولا حاسس بأى حاجة ومنطقش كلمة اه )

طولت عليكم....
بنسأل الواد عملت كده ليه يا ابنى .. يقول محدش عارف هيا عملت معايا ايه ... انا عايزكم تسلمونى ... ده شرفى يا جدعان

الاسعاف جت بعد حوالى تلت ساعة واخدت البنت وكان لسه فيها نفس... وبعديها البوليس جه واخد الواد

,,,,,,,,,,,,,,,,,,,

بجد اللى بيحصل ده كتير قوى قوى ...

الموضوع اكيد وراه حاجة متعلقة بالشرف .... ايه دخل الموضوع ده بالانفلات الامني ..؟؟!! عشان مسكها ضربها في الشارع .... قبل الثورة كان في حوادث من هذا القبيل وانا شوفت قبل كده في روكسي شاب نزل بنت من عربية شاب وقعد ينع فيها لما كان هيموتها لولا انا واصحابي حشناها من ايده كان هيموتها وفي الاخر اتضح انها اخته بعد ما جت الشرطة وتحققنا من بطايقهم وكان قبل الثورة بسنين

اللى انتوا علمتوا ده الصح وربنا مايحط حد فى موقف زى ده وكويس انكم اعتبرتم ان دى اخت حد فيكم و دافعتوا عنها

ولازم احنا فى المرحله دى لو شوفنا غلط منقش ساكتين ونساعد بعض يعنى هو كان واحد وانتوا اكيد اكتر من 10 او 15 واحد بالميت يعنى فلازم تقفوا ايد واحده وتساعدوا

والانفلات الامنى مش هيتحل من يوم لليله شوف كميه الناس اللى هربنا من السجون و كام واحد بيتقبض عليه كل يوم
ان شاء الله بكره هيبقى احسن وللاسف دى الضريبه اللى بعد الثورات واحنا بندفعها

وبحيكم كمان مره على موقفكم الرجولى والبطولى اللى علمتوه ده تحياتى ليكم

المشاركة الأصلية كتبت بواسطة abogogo

الموضوع اكيد وراه حاجة متعلقة بالشرف .... ايه دخل الموضوع ده بالانفلات الامني ..؟؟!! عشان مسكها ضربها في الشارع .... قبل الثورة كان في حوادث من هذا القبيل وانا شوفت قبل كده في روكسي شاب نزل بنت من عربية شاب وقعد ينع فيها لما كان هيموتها لولا انا واصحابي حشناها من ايده كان هيموتها وفي الاخر اتضح انها اخته بعد ما جت الشرطة وتحققنا من بطايقهم وكان قبل الثورة بسنين

يا باشا الواد فى شارع عمل الكلام ده فى وسط شارع حيوى ومليان ناس وقدام قهوة فيها اكتر من 100 واحد وقدامها الناحية التانية قهوة برضه فيها نفس العدد

بلاش كده ....

حضرتك واحنا مستنين البوليس والاسعاف يجيوا عدى بوكس شرطة كان فيه ظابط و2 عساكر راكبين ورا والناس وقفته بالعافية وبنقولوا على اللى حصل .. الراجل ولا اتهزلا شعره وقلنا انا حبلغ على اللاسلكى دلوقتى ومش حينقع اعمل حاجة علشان دى مش دايرتى وراح ماشى بالعربية بسرعة
اقسم بالله ده حصل بالنص .... ده يتقال عليه حضرتك !!

المشاركة الأصلية كتبت بواسطة hugan

طب ما حنا ما عرفناش السبب

كان عمال يقول شرفى ودى مراتى وبعدين لما البوليس جاه قال دى طليقتى

الواد دة كان مبرشم من هنا لبكرة......انا نفسي يصدر قانون ب اعدام تجار المخدرات سواء كبار التجار او الصغيرين و مهما كانت الكمية....مش الواحد م دول يدخل الحبس اسبوعين او شهر و بعد كدة بقدرة قادر يطلع ب غرامة هايفة و يزاول نشاطة كان شي لم يحدث....