الموضوع: الي اصحاب السيارات اللي بيعانوا من شح قطع غيار عربياتهم

المشاركة الأصلية كتبت بواسطة yoko

ده كل شركات العالم بتعمل كده وهحاول أجبلك كل الأسامي الي أقدر عليها

و الله يا يوكو باشا مش عارف اقول ايه
انا كان عندي فكره طبعا و بعد البحث عرفت ان الفوانس بالذات تقريبا كل الشركات بتصنعها بره
و ان اصلا اغلب مصانع السيارات مش هي اللي بتصنع قطع غيارها بل فيه مصانع مخصوص و بتبقي معتمده او مرخصه من الشركات دي
و عرفت كمان ان في قطع غيار مش اصليه و بتتحط في علب او اكياس القطع الاصليه و بتتباع علي انها اصليه 100%
الموضوع بصراحه طلع اكبر مما كنت اتخيل بس عموما انا فاتحت الاداره في الموضوع ده و هما هيشوفوا ايه اللي ممكن يعملوه
ده غير طبعا ان الموضوع يعتبر تقريبا في ايد التجار و المستهلكين كالعاده ملهومش اي دلو
مش عايز احبطكم معايا بس احساس صعب لما تلاقي ان كل اللي طلع عينك فيه عشان تتعلمه في مبادي اداره الاعمال و خلافه و المطبقه عالميا ملوش ادني علاقه باللي بيحصل حقيقه علي ارض الواقع في بلدنا يعني تقدروا تقولوا الامتحان جاي من بره المنهج
و ان افكارك انك ممكن تدخل دماء جديده في طرق اداره اي حاجه هيكون نتيجتها الفشل لان الموضوع محكوم باعراف و تقاليد محدش يجرا يقربلها
عموما ربنا يقدم اللي فيه الخير و نقدر نساعد في اي حاجه