اقتباس المشاركة الأصلية كتبت بواسطة yoko مشاهدة المشاركة
ما انا قايل الي يغلط نطلع عينةلكن مينفعش ونحرم الناس منحقهم لمجرد انهم اقليه



احمد ابراهيم

لأ يا يوكو احنا مش بنحرمهم عشان اقلية احنا بنحر م اللى بيتخطى حدود الأدب

ده حتى لو واحد مشترك فى نادى وشاغب هتتلغى عضويته واللى ميقبلش على نفسه حاجة ميعملهاش مع الآخرين طب ما انا قارية برضه ودارسة ولو اتكلمت بنفس الفكر وانى قعدت اثقف نفسى فى ديانات تانية وده من حقى طب ما انا وصلت لنتيجة وبلاوى اقولها بقى وده حقى ؟؟؟؟

فكرك واحد اعترف بلسانه انه بيدرس دين آخر طبعا هو مش معترف برسوله اصلا لمدة 10 سنين درسه ليه؟ عشان يتثقف ! لأ طبعا فى ناس مخصوصة بتدرس عشان تعمل شبه وتلوى عنق الحقيقة وتشكك الناس فى دينها اعتمادا على نقط معينة مش متفقه فيها غير اللى درس بتوسع مش المتدين العادى والمهم انه يلعب فى دماغ الناس وخلاص


ومين بيقبل ان حد من ديانة تانية يكلمه فى دينه

لو مناظرات ده مش مكانها لأن لازم واحد معاه مقارنة اديان ودارس الدين التانى زى دراسته لدينه بالضبط ودارس الشبهات والرد عليها ازاى

اذا كان مفيش هنا قسم دينى اصلا زى المنتديات التانية

وبعدين لقيت الطرف اللى قدامك رافض وبرضه عايز تكلمه غصب عنه وكمان بتنقى الكلام اللى على مزاجك ولما حد يجيب حجة تطنشها كأنها مش موجودة يبقى كده ده له حق !! كسر حقه


وواحدة بتشتم فى الشيوخ بتوعك هى والتانى بيقول على الشيخ ده كافر او كذاب
حقوق ايه بقى ده انا كده حسيت انى مضطهدة وحقوقى متاكلة
ولا عشان احنا محترمين وعايزين يشدونا فى سكة احنا كمان نشتم رموزهم وهلم جرة ؟.