هو حسام كان بيقول ايه لجوزيه

**Seifmando** · 30-06-2011 09:54 AM

هو حسام كان بيقول ايه لجوزيه بعد الجون التانى للاهلى

أكيد كان يقوله "حرام عليك هتقطع عيشي والله لاستناك برة"

بيقولك الدين لله والوطن للجميع والدورى للاهلى انشاء الله
اعلنت فلول امن الدولة مسئوليتها عن اهداء الدورى للاهلى 2011

صباح الفل على كل الاهلاويـــــــــــــــــ ـــــــــة والزملكاوية كمان

**mikho83** · 30-06-2011 10:57 AM

ههههههههههههههههههههههههه ههههههههههههههههههههههههه ههههههههههههههههههههههههه هههههههههههههههههههه

**alaasaid** · 30-06-2011 11:16 AM

و الله تصرفات حسام و ابراهيم تجيب القرف , امبارح على قناة دريم ابراهيم حسن كلم خالد الغندور و كل البلد بتعمل مؤامرة ضد التؤأم , جماهير الاهلى و جماهير بورسعيد و اتحاد الكورة و الحكم الهولندى و نجيله الملعب و حاجة تقرف

لازم يكسب بالعافيه و مفيش اعتراف بالهزيمة

**Seifmando** · 30-06-2011 12:09 PM

فعلاً عندك حق
دا حتى فى المؤتمر الصحفى بعد الماتش كل اجاباته تبرير لتغييراته فى الملعب كانت "انا مش غلطان فى التغييرات" يعنى كذا واحد سأله عن سر تراجع الاداء والتحول الدفاعى وهو كل ردوده أن "مش غلطان" فى حين ان كل خبراء التحليل على الفنوات المحلية والفضائية غلطوه هو وجوزيه كمان

انا عمرتى ما اتريأت على حد بس بجد انا استفزنى تصرفات حسام امبارح لان بسببه الماتش ومصر كلها كانت ممكن تولع بسبب ان بس راح وحاول ينرفز جوزيه يعنى لو كان جوزيه اادله بالقلم على وشه او حتى زقه كان الجهازين بالبدلاء هيدبوا فى بعض وبالتالى كل الجمهور كان هيبدب فى بعضه وطبعاً لان الجيش تعهد بتأمين الماتش ما كانش هيسكت

يعنى تصرف واحد من شخص يسعى لمجه الشخصى فى انه يغلب اهلى جوزيه ويثبت انه افضل مدرب فى مصر كان ممكن يولع فى مصر كلها

والله العظيم انا مش بحب التعصب ولا التريأة على خلق الله بس انا فعلاً مش بحب التوأم كأشخاص

وعلى فكرة هم عملوا فريق كويس جداً ولكن الكورة مكسب وخسارة والا ما كانش لام لاعيبته لما خسروا الماتشات اللى قبل كدا وقاللهم انتم بتعملوا فيا كدا ليه وعلى فكرة لو اي حد تناي درب الفرقة الحالية للزمالك هنشوف زمالك احسن ودا رأيي الشخصى

واخر حاجة هقولها انى شايف نظرية المؤامرة اللى هم عايشين فيها دى وبيقنعوا الجماهير الزملكاوية بيها سقطت امبارح يعنى جمهور الزمالك مبقاش ياكل من الكلام دا