الموضوع: تسعة اسباب تجعلك تتزوجين زملكاوياً

المشاركة الأصلية كتبت بواسطة زينة الله

الزمالكويه مش غياظين :) والا غلاويين :) زى الناس التانين :ka_che1[1]:

ليه يا زينة كده .ده الاهلاوية اجدع ناس .
والزملكاوية لو عندهم فرصة للغيظ والغل كانوا عملوا كده .بس المشكلة ان مفيش فرصة .
معلش الظروف صعبة شوية

المشاركة الأصلية كتبت بواسطة زينة الله

يا إلهى !! :) الزمالك الأول فى ترتيب الدورى عشرتاشر أسبوع :) وتقولى مفيش فرصة نغيظكوا :copy of majd(4):

وأول ما حصلتوه وسبقتوه أسبوعين :) اشتغلتوا نكش فى الزمالكوية

وكمان الظروف صعبة شوية !! ) فعلا هى دى الروح الرياضية للأهلاوية !!

بصى يا زينة .لو انتى ليكى فى الكورة من زمان اوى يعنى دى عادة الزمالك ولا هيشتريها .
ده العادى بتاعه يبداْمعقول او كويس وبعدين يرجع تانى للمركز التانى .
الكلام مش مهم فى الاول
المهم مين اللى بيضحك فى الاخر وياخد درع الدورى .
ارجعى للتاريخ وانتى تعرقى .
والمساْلة ملهاش علاقة خالص بالروح الرياضية .هوه المفروض لما نبقى اول الدورى ولو لاْيام او اسبوع حتى نطلع ننعى الاْهلى علشان نحافظ على مشاعر الزمالك .
طيب الزمالك ما حافظش اصلا على نفسه ليه مش قعدوا يقولوا متصدرين الدورى ب6 نقط ما حافظش على الصدارة ليه .
بدل ما نرجع ونتكلم على الروح الرياضية للاْهلاوية .اللى من وجهة نظرى ان معظمهم وليس كلهم اجدع ناس .
وعلشان خاطرك انتى يا زينة وعلشان الروح الرياضية مؤقتا يا ستى هارد لك .