الموضوع: ايه الحكاية هما عاوزنها تولع و لا ايه متفهمونا

المشاركة الأصلية كتبت بواسطة jotime

يسقط المشير ازاى دا كده هاتحصل بلبلة اكتر ماهى موجودة لو المشير مشى بالطريقة الى هما عايزنها بتوع المظاهرات هاتعمل انقسام فى الجيش وده اخطر حاجة ممكن يحصل الشرطة مش قادرة على البلد لانها مكروها بطريقة غريبة وانا كراجل مدنى بشتغل فى الجيش القوات المسلحة مش تدخل فى حكم البلاد بطريقة مباشرة لسببين اولا هايبقى كاهل عليها فى عملية الادارة مع انها قادرة على ذلك والسبب التانى الشعب المدنى نفسه مش هاستحمل الادارة العسكرية للبلاد اوامر وحظر تجوال وتفتيش واى مشكلة ممكن تحصل بين 2 هايتحكمو عسكريا وده الى احنا كمدنين مش عايزينه لازم الحل من الشعب نفسة من رجال الدين والتعليم ليهم دور قوى جدا مع انه صعب فى عز الانفلات الامنى الكلام كتير قوى لكن الفعل قليل بصراحة انا ليا رجاء مع انه هايكون مضاد الى كلامى وهو ان الجيش يمسك البلاد بقبضة من حديد بالتعاون مع الشرطة لانه هو ده الجل الامثل الواحد لحد مع الشعب يتعلم النظام والتريث ويسود الهدوء فى البلاد.

الله ينور عليك
هو دا كلام العقل .. الناس بتهبل وخلاص واتحدى اذا كان حد من اللى شوفناهم فى التليفزيون امبارح بالييل فاهم حاجة سواء شوية العيال الصيع اللى لامينهم من على القهاوى والغرز .. او الحريم اللى لابسه عبايات سودة .. او الراجل ابو عكاز .. او الرجالة اللى عمالة كل شوية تفرفر وتسخسخ وتقع على الارض لحد الناس مايتلمو عليهم والكاميرا تصورهم .. ويقومو زى القرود

ياجماعة عيب حرام عليكو .. البلد مش ناقصة .. الحال حيقف اكتر ما هو واقف .. البطالة زادت وانتشرت واستفحلت اكتر من زمان بمراحل .. بلاش تكونو بتنفذو وخلاص من غير فهم ومن غير ماتكونو عارفين اخر اللى بتعملوة دا ايه

حسبى الله ونعم الوكيل

المشاركة الأصلية كتبت بواسطة hagan

و الله يا بشمهندس عمرو انا من امس و حاسس ان فيه حاجة غلط
طيب الناس اللي هناك يجوز معذورة مع انها مش معذورة
انما الناس اللي معانا هنا و عمالين يسخنو علي تسخين الجزيرة مباشر
لا هما كانو شافو حاجة و لا هما عرفو و تيقنو من اي حاجة
الحاجة الوحيدة اللي بعضهم عملها يالا ننزل
طيب ليه - علشان ايه - انتا عارف مين غلطان و مين المعتدي
الاجابات كلها هوه كده
محدش يفهمك و تسمع في التليفزيون شباب يقولولك مهما كان اللي حصل مينفعش الداخلية ترد بالعنف ده
انا نفسي افهم هو العنف استخدام قنابل الغاز المسيل للدموع اللي المفروض انه بيفرق التجمعات
التي ذهبت لمهاجمة وزارة الداخلية يعني نهدي كده
لو الامن فضل واقف مكانه محلك سر ايه المتوقع يعني و الطوب عمال يرف علي العساكر و الظباط
انا حسيت ان الناس اللي نفسها تخرب البلد هتفضل تسخن كده لحد ما تولع بجد

م.حاتم السباعي

سبحان الله ... حضرتك مش شايف أي تناقض في مشاركتك دي؟
طالما احنا مش عارفين من الغلطان ومين المعتدي، حكمت ازاي ان الشرطة استخدمت الغاز لتفريق الناس عشان الطوب اللي عمال يرف عليهم؟
حضرتك ماشوفتش حدف الطوب المتبادل ما بين الأمن المركزي والناس؟
طيب الغاز المسيل لتفريق المتظاهرين ... الطوب برضو للتفريق؟
وياريت ماتقوليش انهم بيتحدف عليهم طوب فلازم يرضو بطوب!
أمال هما لابسين خوذ ودروع وراكبين مدرعات ليه؟
الطوب يترد عليه بالغاز أو بالمية مش بالطوب.

المشاركة الأصلية كتبت بواسطة human12

لا تفتى فيما لا تعلم و لا تحكم على فيما لا ليس بك علم

يعنى انت ماتعرفش انا اعرف ايه و ما اعرفش ايه عشان تكتب الخطبة ديه

حضرتك عندك حق فى انى ماعرفش انت تعرف ايه ولا اعرف اى شئ عن طبيعه عملك ولا مسؤليات ... دا انت عندك حق فيه
لكن انا برد بس على تعليقك فى رسالتك اللى حضرتك كتبتها بنفسك وبتقول فيها انكو :

- اه عايزنها تولع
- فاضيين بقى ومش ورانا حاجه
- قلنا نولعها شويه