عملت سريفيس للبولو 2001

**mesho_kimi** · 02-07-2011 03:48 AM

titos_81

العربيه تجميع اسباني ... : ) ... بالنسبة للفوجات في صيني بيعمل حوالي 150 جنيه عدس كان قالي على المكان اللي بيبيعهم والصراحه مش فاكره بس لو سألته هوه عارف المكان وفي الشارع اللي قدامه في واحد بتاع قطع غيار اسمه مختار ممكن تسأل عنده برضه وفتحي عدس فس الشارع اللي ورا هشام ممكن لو عنده الفوجات يديهالك بس حيبقه في فصال جامد لانه كلامه مش دغري ذي هشام

**moooooomooo** · 03-07-2011 02:36 PM

كنت عايز أعرف من ابو حمزة .. لمع الفوانيس فين فى مصر .. ياريت .. واللى يعرف ممكن يدلنى .. بس ياريت العنوان بالتفصيل الممل .. لأنى من دمياط

**أبو_حمزة** · 04-07-2011 12:59 PM

بص يا عزيزى
كنت عملتهم عند واحد فى الجيزة فى شارع المدبح
لو انت جاى على كورنيش الجيزة (شارع البحر الاعظم) و رايح اتجاه المنيب
بعد نادى المهندسين (هيكون على شمالك) تلاقى مدرسة على يمينك ناصية شارع (ده شارع المدبح)
تدخل يمين و بعد شوية صغيرين (اوعى تطلع الكوبرى اللى فى وشك) هاتلاقى على شمالك محل اسمه على ما اذكر آل عمار
هو ده
اجازته الجمعه
بس مشكلته انه بياخد و قت يعنى ها يقول لك سيبهم و تعالى بكره
و تحت امرك لو اى حاجة مش واضحة
و معلش التليفون بتاعه ضاع منى كنت بعته لك

**titos_81** · 04-07-2011 06:21 PM

طب يا استاذ ابو حمزه مفيش حد بيلمعهم فى اسكندريه؟؟

**titos_81** · 04-07-2011 06:22 PM

الحمد لله انهارده البطاريه قطعت و جبت واحده فارتا المانى 55 امبير ب 500 جنيه و اخد القديمه ب 40
ولسه عايز اجيب كاوتش جديد بس مش لاقى المفاس 175/65 r13
والموجود r13 175/70
والجنوط عايزه استعدال من مطبات و جمال شوارع بلدنا و بفكر اغيرها احسن بس مش عارف اجيب حديد زى اللى فيها ولا
اجيب سبور و ده يعنل كام وده يعمل كام

**mesho_kimi** · 04-07-2011 09:28 PM

المقاس الافتراضي اللي انت كاتبه ده بتاع بولو فمعتقدش انه حيفرق معاك حاجه ولو فرق حيكون حوالي كيلو او اتنين كيلو في عداد السرعه حاجه بسيطه جداً يعني ده لو فرق أصلاً بالنسبه للجنوط انا عندي بتوعها الاصليين و مركب حالياً جنط سبور حتةانك تجيب سبور أو حديد او تستعدلهم دية ترجعلك من الناحيه الماليه وبالنسبه لسعر الجنوط الحديد معنديش فكره والاسبور حسب أنت حتجيبوه صيني ولا ماليزي ولا تايلندي ولا حتجيب جنط اصلي فولكس استيراد كل ده مرتبط بالناحيه الماليه

في خدمه بس عايزها منك لو نزلت اسكندريه تجيب الكاوتش لو ينفع تسألي على مقاس 14\185 \60 بريدجستون my01 والكونتيننتال والهانكوك تكون عملت معايا واجب لاني حاليا في فترة امتحانات ومش عارف اعمل اي حاجه و الكاوتش خلاص انتهى الصلاحيه

**titos_81** · 05-07-2011 02:13 AM

تحت امرك يا باشا ان شاء الله اسالك لما انزل و اقولك

**أبو_حمزة** · 05-07-2011 10:10 AM

للأسف ماعرفش حد فى اسكندرية
مقاس الكوتش نصيحة خليك فى 175 70 رغم ان الاصلى 65
ليه لأن فرق المقاس بسيط و المقاس الاصلى نادر قوى و مقرف على ما تلاقيه و ممكن تضطر تجيب نوع مش قد كده عشان هو ده الموجود
انما 70 متوفر و من كل الماركات