اقتباس:
المشاركة الأصلية كتبت بواسطة JoyBox
السلام عليكم ورحمة الله
جزاكم الله خيراً على الموضوع الوافي، وشكر خاص ل Axel على المجهود الكبير.
نفسي أشتري العربية دي كبديل عن ال 128 ومتاعب المستعمل خصوصاً إن معنديش وقت كافي لمتابعة المشاكل في المستعمل، على الأقل لفترة تكون كافية لرجوع صناعة العربيات لمصر ونزول الأسعار بإذن الله.
العيوب المذكورة في الماروتي مش مشكلة أوي بالنسبة لي بإستثناء حاجتين:
- ارتفاع العربية القليل عن الأرض: هل بيسبب مشاكل مع المطبات الصناعية؟
- إضطراب حالة العربية و اختلافها من يوم للتاني (مزاجها): هل ده دليل على تأثر المحرك بأقل تغيير حواليه (مثلاً درجة الحرارة)؟ وهل الموضوع ده مؤثر أوي فعلاً وهل هو واضح بردو في العربيات الزيرو؟
وحاجة أخيرة مش من الموضوع، هل حد بيواجه مشاكل في الدوارة الصبح خصوصاً في الشتاء؟ لأني شفت ماروتي في يوم برد شكلها يوحي إنها جديدة وبتعاني جداً من الموضوع ده.
جزاكم الله خيراً.
الارتفاع مناسب لكن لو ناس قاعدين ورا ممكن تحك حكة بسيطة لكن غير كده العربية ما شاء الله كويسة و ده الحال في معظم العربية لما بتحمل ورا بتحك في المطبات العالية فتحاول تاخدها بالجنب
بالنسبة موضوع بغزالة ده هزار بس احنا ساعات بنحس ان العربية بتتأثر بحالتنا النفسية احنا مش بالعوامل الخارجية ههههههه يعني زعلان العربية زعلانة معاك فرحان و مزئطط العربية بتطير معاك هههههههه
بالنسبة التدويرة ع ما اتذكر فيه مفتاح لضبط العربية في الشتاء عن الصيف و قبل ما تقفل العربية بتدوس تكتين بنزين و تقفلها عشان يبقي فيه بنزين واصل و هتلاقيهم ان شاء الله في الفهرس هنا
http://www.nilemotors.net/Nile/274773-a.html
و بالتوفيق ان شاء الله