الموضوع: تعالوا نعرف مميزات و عيوب السوزوكي ماروتي

المشاركة الأصلية كتبت بواسطة waelgam2005

التقرير زى الفل بصراحة وانا معاك فى كل اللى قولته وبالاخص فى حتة زرار الانتظار دى وان الدريكسيون كبير عليها
وانا داخل على شراء العربيه دى موديل 2012 وانا مش ممارس السواقة كتير فا انت احبطنى فى حتة اسطوانة الدبرياج دى مقلقانى اوى
لانى حاسس ان رجلى هتبقى تقيله عليها فا لو تسمح لو تعرف ليها اى حل انى اعمله عشان الاسطوانة متشطش مش متفورش بس قولهولى الله يخليك
والف شكر ليك على تقريرك الممتاز

يا باشا متقلقش اوي كده المقصود لو واحد رجله تقيلة بمعني بيطلع طلعات جامدة بالعربية امريكاني يعني او بيفضل حاطط رجله طول مهو ماشي ع الدبرياج ربع دوسة فبتفور بسرعة من كده انما واحد سواقته عادية و خفيفة ان شاء الله مبيحصلهاش حاجة

توكل ع الله و اشتري و ان شاء الله مش هتندم و هتفرح كمان :)

بس بشرط عشان مسيبلكمش القسم و امشي هههههههههه

اول ما تجيب العربية عايزين تقرير مصور منك للعربيةو استلامها

و خد الموضوع ده برده بص عليه عشان و انت بتستلم العربية


تعالوا نعرف نعمل ايه لما نيجي نستلم عربية جديدة او مستعملة

http://www.nilemotors.net/Nile/244408-a.html

بالتوفيق ان شاء الله

المشاركة الأصلية كتبت بواسطة waelgam2005

الف شكر ليك ان شاء الله مستنى 2012 تنزل بيقولو على يوم 15 الشهر ده وهجيبها تقسيط من فور برازرز تبع بنك cib
بس كان ليا سؤالين بس الاول هوا انا لما امضى على الشيكات هروح بعد كدا اعمل توكيل ولا امضى على الشيكات وبس وارخص على طول
والحاجه التانيه موضوع الكاسيت ده مستغربله اوى هوا الكاسيت ملوش مكان ؟

لو حضرتك دافع مقدم و يا دوب بالبطاقة و وصل و هتمضي شيكات البنك
بعد ما تخلص الورق و كله بتطلع تاخد الافراج او المعرض بيخلصلك الليلة و تطلع ع المرور العربية بتكون باسمك عادي بس عليها حظر بيع ده لو حضرتك حاط مقدم فقط بدون اي ضمانات زي وديعة في البنك ضمان للقرض او غيره فمجرد حظر بيع لكن باسمك و بتضطر تجدد كل سنة قبل ميعاد التجديد باسبوعين تقريبا بتقدم في البنك عشان يدوك الاذن ترخص و بعد ما بتخلص الاقساط بتاخد الشيكات و ورق العربية و الملف بيروح المرور و خلاص بيتشا لالحظر و تبقي بتاعتك تعمل اللي انت عايزه
اما لو حاطط ضمان زي مبلغ مفيش وجع الدماغ ده كله

انا معرفش cib ايه نظامه بس وجهة نظري شوف بنك كريدي اجريكول البنك ده كويس جدااا في التعامل و سرعة الاجراءات و مفيش شغل مصاريف زيادة كل شوية و نسبة تزيد و نسبة تقل زي بنك الاهلي مثلا و ع ما اتذكر نسبة بنك كريدي اجريكوال 9-10 %

بالنسبة موضوع الكاسيت متقلقش ليه تقريبا 3 اماكن يتركب فيه الاعضاء مركبينها فيهم و شوف الموضوع ده هتلاقيه فيه اماكن للكاسيت و هيرد ع استفسارات كتيير هتيجي في دماغك

http://www.nilemotors.net/Nile/274773-a.html

و اي استفسار تاني اتفضل و ان شاء الله نرد عليك :)
و ان شاء الله تنضم لنسور السوزوكي و اهم حاجة متنساش التقرير هههههههه

بالتوفيق ان شاء الله

المشاركة الأصلية كتبت بواسطة waelgam2005

الف شكر لردك وانا هحاول اعمل تقرير مصور على قد ما اقدر ولونى مليش فى التصوير بس هحاول وانا سمعت ان شاء الله الاستلام

لو التقرير متعملش هنزعل منك عالاستغلال ده
هههههههههههههههههههه


انا بقى عاوز استغل الموقف بما انك قولت لو عاوز اسال على اى حاجه اقولها وانت هتساعدنى
بالنسبة للكاوتش فيه سؤالين الاول لو انا حبيت اجنط ايه اكبر مقاس ممكن اركبه متاح للماروتى وميكونش عامل مشكله مع العفشة والتعديلات اللى هعملها فى العفشة لو هجنط مش هتبقى غلط على العربيه ولا عادى

مفيش للماروتي افضل من جنطها ال12
في جنوط اسبور 12 بس قليله وهتدوخك على ماتلاقيها
انا لا انصح بال 13 في العربية عفشتها مش هتستحمل ومش هتلاقي مقاس ميحكش وهتظطر تلعب في العفشه وحوارات انت في غنى عنها والعربية اصلا ثباتها ممتاز
بينما في المقابل في كاوتش اعرض سنة على نفس جنطها ال12 ممكن على اول تغييره تبقى تركبه وهنزل تقرير عن المقاس ده كمان يومين باذن الله لاني لسا مركبه



والسؤال التانى انا كنت سمعت فى سبراى كدا بيتباع بحوالى 35 جنيه كدا تقريبا بيترش على الكاوتش وهوا جديد عشان لما الكاوتش يدخل فيه مسمار مثلا اول ما اخرج المسمار منه يلحم من نفسه الكلام ده كويس ولا ملوش لزمة

معمريش سمعت عنه الحقيقه كسبراي انما في في المنتدى شركة تسليح الكاوتش ودي ماده بتتحط جوا الفرده بتعمل اللي انت بتقول عليه والفرده بتكلف 120 جنيه بينما الفرده الجديده تمنها من 250 ل 300 حسب المقاس


ولما امشى بالعربيه فى اول الف كيلو اعدى ال 80 عادى ولا معديش

لو عالرابع ماشي
عموما اول 1000 كيلو خلي غياراتك كالتالي
الاول بالكتير 10 التاني 25 التالت 55 الرابع 85 ومتعديهاش عشان الموتور بعد اول 1000 هتفتح عن كده متقلقش


وبالنسبة للسماعات لما اجى اركبها اركب اى نوع بيضاوى مثلا او مدور باى احجام عادى ولا ليها مقاس معين وهل فى الشنطه من ورا ليها مكان للسماعات ولا فى الاربع ابواب بس

ياباشا السماعات والكاسيت ات وميزانيتك
في البيبان محدش ركبها قبل كده الكل بيركب في الرف الوراني
وانا من باب اني جربت بنصحك تركب مدورة مقاس 12 في الرف الخلفي هتركب اتنين طبعا
وكده تبقى اتعشت..


وبالنسبة للنور انا سمعت ان العربيه بيجى معاها النور بتاعها بيبقى ضعيف انت رايك اغير اللمبة ولا اشتغل بيها عادى النور بتاعها كويس

ياباشا اللي بيقول النور ضعيف اكيد مش مظبط رجلاش النور وده حاجه بتتعمل في 5 دقايق مع مراعاة ان العربية مبتبقاش مظبوطه وهيا جديده ولازم تظبطها


والكشافات الشبورة انا شوفت فى اكتر من صورة ان ممكن يركبلها كشافات شبورة بس تقريبا الكشاف مكنش مدور كان زى المستطيل كدا هل الكلام ده صح وينفع مع العربيه ولا مش عملى

بص مش هتحتاجهم فحاجه ومنصحكش تلعب في ضفيرة الكهربا والعربية لسا جديده عشان عالاقل ضمانك لحد ال 10 آلاف كيلو بعدها ابقى لو محتاجه اعمله وخد بالك ان هيا فعليا مفيش مكان اللكشافات وشكلهم لو مش هتلعب في الاكصدام الحقيقه مبيبقاش حلو... ده رايي المتواضع

كفايه كدا بقى لحد ما افتكر الباقى هههههه
ربنا يقويك عليا

فتكر زي منتا عايز ولو حابب تعالى نشوفك في المقابلة الجاية لو حابب تبص عالعربيات وربنا يكرمنا ويكرمك

كامل تحياتي وانا رديت بالنيابه عن اكسيل