خدني لاخر الشارع

**mohamed_rhem** · 01-05-2008 05:23 PM

بسم الله الرحمن الرحيم
عن لسان اخويا محمود مهندس ميكانيكا وشريك بمعرض سيارات
بيفول انا كنت قاعد علي قهوه وسواق تاكسي بيحكيلو
محمود بيقول
انا مصدقه علشان الحلفان اللي بيحلفه
السواق بيحكي واقعه حصلتله
بيقول انا كنت ماشي وشاورلي واحد شيخ كبير في السن
له لحيه بيضاء طويله ووجهه ابيض ولابس جلبيه بيضاء وفي ايده عصايه يتكأ عليها
فقالي محطه قدام فتح الباب وركب
مفيش 200 متر واحد لابس قميص وبنطلون قاله اخر الشارع قاله اركب
فتح الباب القدماني اللي قاعد فيه الراجل ابو جلبيه
فقاله سواق التاكسي انت مش شايف ان قدام مشغول اركب ورا
قاله مشغول فين قاله الراجل قاعد قدامك
قاله انت حتعميني مفيش حد بطلو الهباب اللي بتشربوه وقفل الباب ومرديش يركب
مفيش 200 300 متر شاور واحد تاني
محطه قدام قاله اركب
برضه فتح الباب القدامني
سواق التاكسي رد قال انتم ايه حكايتم الراجل ده مش مالي عنيكم قاله راجل مين انا مش شايف حد انت شكلك لسه مصتبتش الله يخرب بيوتكم
سواق التاكسي استغرب وقال للراجل العجوز
هو ايه الحكايه هما الناس اتعموا ولا ايه
قاله لاء بس محدش يقدر يشوفتي ولا يسمعني غيرم
الراجل باستغرا ب
ليه!!!!!!!!
قاله انا عزرائيل
الراجل
فرمل وجري من العربيه
تعرفوا ايه اللي حصله

العربيه اتسرقت ولقيوها مسروق منها الكاوتش والكاسيت وحجات كتير
والثلاثه نصبو عليه

**hussein** · 01-05-2008 05:31 PM

هههههههههههههههه
ياباشا الحكايات دى مكرره و سمعنا زيها قبل كده كذا مره على محلات دهب و على حاجات تانيه و هنا و فى العراق و...........................فى كل حته و اعتقد ان كلها فبركة
تخيل كدا السواق جرى شويه ملقاش ملك الموت جنبه تفتكر هيعتقد انو ضحك عليه و هرب منه؟؟
اكيد هيرجع لعربيتو بعد اول 10 متر هيجريهم

**TaoTao** · 01-05-2008 05:36 PM

انا سمعت النكتة دي فين فبل كدة؟!

تلاقي السواق اللي بيحلف أيمانات كاذبة ده كان ماشي في شارع اسماعيل الـ "فنجري بُق" :d:d

**mohamed_rhem** · 01-05-2008 05:49 PM

والله العظيم يا جماعه انا معرفش انا سمعت زيكم بالظبط ونقلت الموضوع زي ما هو للامانه
اما انه يكون الموضوع من بنات افكاره او حصل لحد وبينقله ده ربنا وحده اللي يعلمه انا اصلا مشفتوش
ولا اكذب احد
انا تقلته علشان متتعملش في حد وتخلوا بالكوا ان طرق النصب بقت رهيبه