استشارة فنية من رجالة الاوبل

**elhelwany188** · 30-06-2011 12:19 PM

الحاج الحمد لله باع البيجو 504 بالسلامة
وبيفكر يكمل على تمنها ويجيب اوبل فيكترا
ومعاه 38000جم

ولانى للاسف لا اعرف شئ عن العربيات الالمانى والاوبل بالاخص
فبرجاء ايه رايكم فى اختيار اوبل فيكترا كاختيار بعد البيجو

وبالنسبة للمبلغ ده يجيب عربية كويسة واقفه على حيلها
وبالنسبة لقطع الغيار اخبارها ايه لانى سمعت انها غاليه ومش موجوده اساسا او تلاقيها بصعوبة

وبالنسبة للميكانيكية وكهربائية الاوبل موجودين ولا هنتعب لما نعرف ميكانيكى وكهربائى كويس ومصنعياتهم معقولة ولا غالية

اهم حاجة بالنسبة لبيع العربية لاقدر الله وجات ظروف هنعرف نبيع ولا هنقعد فترة لانى سمعت ان من عيبوها تقيله فى بيعها لان مش كتيير اللى فاهم العربية دى فى مصر

واشكركم مقدما واسف على الاطالة

**kayson** · 30-06-2011 01:27 PM

طبعا الاجابة ستكون وافية من الاستاذ محمد طنانى منسق قسم الاوبل و لكن من قراءاتى لموضوعات القسم لانى اوبلاوى جديد احب اقولك 1- قطع الغيار متوافرة جديدة و استيراد فى التوفيقية و و الحرفيين و الوكالة و بالترتيب الاصدقاء - الشاطر -العايدى النوصرة (حرفيين

المتحدة-سرور -عواد-امريكان ستار (شامبليون و التوفيقية

سوسو ( الوكالة

2- الميكانيكا المعادى و الهرم و فيصل و مدينة نصر و الحرفيين

بالترتيب محمد عبد الراضى ( المعادى) و صابر فى مدينة نصر شارع الطيران و الشيخ هيثم و محمد علام (الحرفيين

طبعا 38000ج يجيبوا فيكتراa و طبعا زى ماهتقرا هى فاكهة الاوبل و مينفعش تقارنها بالكورى و طبعا طول ما طنانى باشا فى القسم تتطمن و خليها على الله

**elhelwany188** · 30-06-2011 01:41 PM

المشاركة الأصلية كتبت بواسطة kayson

طبعا الاجابة ستكون وافية من الاستاذ محمد طنانى منسق قسم الاوبل و لكن من قراءاتى لموضوعات القسم لانى اوبلاوى جديد احب اقولك 1- قطع الغيار متوافرة جديدة و استيراد فى التوفيقية و و الحرفيين و الوكالة و بالترتيب الاصدقاء - الشاطر -العايدى النوصرة (حرفيين

المتحدة-سرور -عواد-امريكان ستار (شامبليون و التوفيقية

سوسو ( الوكالة

2- الميكانيكا المعادى و الهرم و فيصل و مدينة نصر و الحرفيين

بالترتيب محمد عبد الراضى ( المعادى) و صابر فى مدينة نصر شارع الطيران و الشيخ هيثم و محمد علام (الحرفيين

طبعا 38000ج يجيبوا فيكتراa و طبعا زى ماهتقرا هى فاكهة الاوبل و مينفعش تقارنها بالكورى و طبعا طول ما طنانى باشا فى القسم تتطمن و خليها على الله

ياباشا اشكر لسيادتك الاستجابة السريعة جدا
وكمان رد وافى جدا بالنسبة لقطع الغيار والميكانيكية

**ashrafnoby** · 30-06-2011 05:09 PM

لو انت من هوات التغير العربيه ديه بيعها تقيل شويه بس هتركب عربيه محترمه جدا جدا لو العربيه حالتها ممتازه هتجيب عربيه سعرها من 38-45
اكشف على العربيه فى مكان محترم علشان العربيه دى لو كانت وحشه هتكرهك فى العربيات كلها

**mera11** · 30-06-2011 09:29 PM

لو مشخايف بعد ما ابيع ما اركبش أوبل كنت بعتلك عربيتى

**elhelwany188** · 30-06-2011 09:42 PM

المشاركة الأصلية كتبت بواسطة ashrafnoby

لو انت من هوات التغير العربيه ديه بيعها تقيل شويه بس هتركب عربيه محترمه جدا جدا لو العربيه حالتها ممتازه هتجيب عربيه سعرها من 38-45
اكشف على العربيه فى مكان محترم علشان العربيه دى لو كانت وحشه هتكرهك فى العربيات كلها

الف شكر على رد سيادتك هو الحاج مش من هوات التغيير بس فى موضوع ارض وبنا ان شاء الله
خلال السنتين الجايين
طب عموما اكشف على العربية فى مكان محترم زى ايه
لان فعلا فى بعض الاصدقاء نصحونى ان الفيكترا بالذات لو مش مظبوطة هتطلع عينك وبلاش منها احسن

المشاركة الأصلية كتبت بواسطة mera11

لو مشخايف بعد ما ابيع ما اركبش أوبل كنت بعتلك عربيتى

ياباشا شكرا لذوقك

**elhelwany188** · 01-07-2011 10:55 PM

ايه يارجالة الاوبل محدش ناوى يبدى رايه تانى ولا مش عايزين عضو جديد معاكو فى العصابة
وبصراحة كل ماقرب من الاوبل بتمسك بيه اكتر واحتار كمان اكتر
كنت فى السوق النهاردة وشفت الاوبل كورسا سيدان والاوبل استرا
بصراحة بسم الله ماشاء الله وخصوصا الاسترا
فاحترت فيكترا ولا استرا ولا كورسا سيدان