الموضوع: استفسار لخبراء الاوبل

1. الفرش اللى جوه الكابوت مش موجود
و درجة حرارة الموتور مش مقياس لدرجة حرارة المية اللى جواه
مواتير الأوبل بتشع حرارة تسوى عليها لحمه

2.قصدك على اويل سيل علبة الباور
مش اى حد بيغيره و لو نزلت شامبليون هيعملوا عليك فرح و تدفع دم قلبك و مش هتتعمل صح
الأويل سيل ده ب 5 جنيه
و مش اى حد يعرف يغيره للعلم
الا لو طلعت العلبة بره انا اغيره عادى
العلبة من 350-400 جنيه استيراد نمرة واحد لو فكرت تغير

3. كده المساعدين شكراً
هتغير الأربعه و ياريت تجيبهم استيراد الطقم يعمل من 400-450 جنيه عشان الواحد جديد بالسعر ده و هيضرب
اللى بيتغير فى العفشة
كاوتش
بيض
جلب مقصات
بارات
تربيط
لازم عفشجى كويس يبص عليها
لو كنت فى الجيزة او القاهره كنت دليتك على حد
استنى هلالى او اسلام البنا ممكن يدلوك على حد فى اسيوط او سوهاج

4. الشريحه مش بتتباع عشان متتعبشى نفسك
و قبل ما تقول شريحه او غيره لازم كهربائى بيفهم يراجع على كهربة العوامه
هى تحت الكنبة من تحت العربية

المشاركة الأصلية كتبت بواسطة jemy_tnt

بالنسبه فلرقم 2 على كلام الراجل العيب فى علبه الدركسيون مش الباور فيا ترى التمن اللى مكتوب ده لايه
بالنسبه لرقم 3 الطقم ده اللى هو 4 مساعدين و لو بالسعر ده ممكن اجيبهم منين انا عادى ممكن انزل القاهره و اجبهم بس المشكله انى مش فاهم فيهم فاخاف يتضحك عليا فى حالتهم
اما بالنسبه للشريحه طيب طالما مش بتتباع يبقى اى الحل بتتغير العوامه كلها ولا ايه ؟
و الف شكر ليك يا باشا على تعبك معايا و سرعه ردك

1. ما هو اويل سيل علبة الدركسيون ( علبة الدركسيون اسمها علبة دركسيون باور بلغة الصنايعية - القعده معاهم علمتنى لغتهم ) اللى فى الزور اللى فى اخر قطمة الدركسيون هو اللى بيسرب
حتى هتلاقى الزيت كله نازل على صدر العربية او على الموكيت من جوه

2. اه ده سعر الطقم و لو نويت اخلى العفشجى يحضرهملك او ابعتك لحد معرفه فى الحرفيين

3. العوامه هى الشريحه و هى منفصله عن طرمبة البنزين و مش بتتباع اصلا
راجع الكهربا الأول و اتاكد ان العداد شغال

طيب كده حلو قوى
استنى التانك يفضى للربع
و ارفع الكنبه
و فك طرمبة البنزين و خللى بالك من الجوان
هتلاقى العوامه جوه ناحية الكنبه
ضوف العوامة البلاستيك اللى جواه لو معلقة
نزلها و طلعه بايدك لغاية ما تنعم و شوف لو جواها بنزين
و الشريحة هتبقى باينه
حاول تمسحها

العفو على ايه بس اكون عرفت افيدك