اقتباس المشاركة الأصلية كتبت بواسطة ahmed.tv مشاهدة المشاركة
وكمان بتفرق سواقة السيارة لو مكنش فيها مشاكل فى موضوع الاستهلاك من سواقة واحد الى واحد

والله لو انا بعمل 200 كيلو فى الصفيحة مثلا جوة البلد ممكن واحد غيرى يركب نفس عربيتى ويعمل استهلاك اقل او ازيد

فى عوامل كبيرة جدا للحكم على الاستهلاك
كنت داخل أقول نفس الكلمتين دول بالظبط .. لأننا ساعات بنلاقي ناس أول ما تركب العربية لحد ما تنزل رجليها مبتتشالش من على دواسة البنزين إلا في حالة الضغط على الفرامل فقط .. أسلوب السواقة فعلاً بيفرق في استهلاك البنزين في أي عربية .

اقتباس المشاركة الأصلية كتبت بواسطة peacemaster مشاهدة المشاركة
يا جماعة ... انا جبت صني 2011 اوتوماتيك ... وحسبت استهلاكها مرتين مرة بالتكييف ومرة من غير تكييف.

بالتكييف جوة البلد بتعمل 7.5 كم لكل لتر يعني 150 كم في الصفيحة (20 لتر)

من غير تكييف جوة البلد 7.9 كم لكل لتر يعني 158 كم في الصفيحة (20 لتر)

حد يقوللي ايه الحل .. مع العلم ان العربية عاملة 700 كم ولسة ماعملتش صيانة ال 1000 كم

وارجوا تنصحوني اعمل صيانة الالف في اي مركز صيانة احسن
توقع أحسن أداء للموتور بعد صيانة 5000 مع الالتزام بالتليين الجيد للسيارة في هذه الفترة .. والكلام ده برضه في أي سيارة زيرو .