الموضوع: لكل اللوجانويه هيتبسطوا اوى بس ( اللى هيدخل بس )

و الله يا جماعه بدون تعصب ... انا حمايا معاه النترا 2010 ... و عمال يشعرلى فيها و يقولى عفشه ما فيش انعم من كده لدرجة والله انى اكاد اكون اتعقدت من اللوجان

امبارح كان عندنا و اخدت منه المفتاخ عشان اجربها .... العربيه موتورها انعم من الووجان نسبيا مش بدرجه كبيره زى مثلا الكورولا

بس الغريب انى حسيت ان العفشه انشف من اللوجان و حاجه كمان تانيه الناس كانت بتشتكى فيها من اللوجان وهى تقل الدبرياج و الغريب انى لقيت الدبرياج بتاع الالنترا اتقل من اللوجان ... و الله انا مضدقتش نفسى و حمدت ربنا الف مليون مره انى جبت اللوجان

غير كده و انا سايق الالنترا مش خاسس بتحكم فى القياده زى اللوجان

ده احساسى الشخصى و ممكن يكون احساس مش سليم

اولا مبروك علينا كلنا اللوجان وانا من رايي فعلا انها من العربيات التي تستحق ان تقتني - ثانيا بما ان انا برضة من راكبي الاوربي عامة والالماني خاصة فامن رايي ان اللوجان فعلا وصلت الي ان تنافس الالماني في راحة القيادة وعملية التصميم - وردا علي ان دبرياش اللوجان تقيل - انا اتحدي اي حد يجيبلي عربية دبرياشها اخف من اللوجان ودي شهادة لواحد ركب معظم انواع السيارات في مصر - ربنا يباركلنا في لوجانا

اللوجان يا جماعة فيها مشكلة في الإيرو داينمكس الجانبية عند السرعات العالية 140 و 160 بمعنى أدق إنك لما تيجي تعدي او تقابل عربية نقل او اوتوبيس على سرعة زي دي بتلاقي العربية بتغربل منك شوية، او لما يكون الرياح شديدة على الطريق، وده طبيعي بالنسبة لتصميمها ﻷنها عالية عن اﻷرض وسقفها عالي برضه. أما في السرعات اللي اقل من كدة فإنت بتحس إنها لازقة على اﻷرض، بالمناسبة انا كنت وزنت اللوجان بتاعتي على بيسكول وطلعت 1100 كيلو.

المشاركة الأصلية كتبت بواسطة saidbakr

اللوجان يا جماعة فيها مشكلة في الإيرو داينمكس الجانبية عند السرعات العالية 140 و 160 بمعنى أدق إنك لما تيجي تعدي او تقابل عربية نقل او اوتوبيس على سرعة زي دي بتلاقي العربية بتغربل منك شوية، او لما يكون الرياح شديدة على الطريق، وده طبيعي بالنسبة لتصميمها ﻷنها عالية عن اﻷرض وسقفها عالي برضه. أما في السرعات اللي اقل من كدة فإنت بتحس إنها لازقة على اﻷرض، بالمناسبة انا كنت وزنت اللوجان بتاعتي على بيسكول وطلعت 1100 كيلو.

وده طبعا لان اللوجان مش جيتا و لا باسات ولا مرسيدس ولا bmw

المشاركة الأصلية كتبت بواسطة moh_ibrahim

وده طبعا لان اللوجان مش جيتا و لا باسات ولا مرسيدس ولا bmw

والله يا اخي حتي لو جيتا وباسات ومرسيدس لو علي سرعة وعديت جنب تريلا لازم حتلاقيها بتتاثر - انا مجربتش كل دا لكن اقدر اقولك مثلا ال بي ام 320 2008 مرة كنت علي ال 160 وعديت جنب تريلا علي 165 كيلو علي الدولي الساحلي بعد الدخيلة قرب دخلة ال 21 واستغربت جدا لما لقيتها اتحدفت شمال اول لما عديت بوز التريلا - بس اكيد دا مش عيب في اليروداينامك بتاعها عشان هي بي ام لكن الطبيعي ان اي عربية لازم تتاثر بالعوامل الجوية طبعا التاثير بيتفاوت بس انا مش شايف ان اللوجان مختلفة عن اي عربية

المشاركة الأصلية كتبت بواسطة akerima

اولا مبروك علينا كلنا اللوجان وانا من رايي فعلا انها من العربيات التي تستحق ان تقتني - ثانيا بما ان انا برضة من راكبي الاوربي عامة والالماني خاصة فامن رايي ان اللوجان فعلا وصلت الي ان تنافس الالماني في راحة القيادة وعملية التصميم - وردا علي ان دبرياش اللوجان تقيل - انا اتحدي اي حد يجيبلي عربية دبرياشها اخف من اللوجان ودي شهادة لواحد ركب معظم انواع السيارات في مصر - ربنا يباركلنا في لوجانا

تعالي جرب دبرياج عربيتي اللانوس

بشهاده من 4 من صحابي الدبرياج ميه

وشوف الرهان علي ايه

المره اللي فاتت كانت علي عربيه لوجان

وصاحبها خاف عليها وانسحب بكلامه

المشاركة الأصلية كتبت بواسطة ahmed_mido1889

تعالي جرب دبرياج عربيتي اللانوس

بشهاده من 4 من صحابي الدبرياج ميه

وشوف الرهان علي ايه

المره اللي فاتت كانت علي عربيه لوجان

وصاحبها خاف عليها وانسحب بكلامه:ka_che1[1]:

انا عارف دبرياج اللانوس شكلة اية لاني ركبت الانوس بموديلاتها من اول مكانت 1 لغاية مابقت شيفورلية مرورا بالجوليت وانا معاك ان دبرياجها كويس وخفيف بس ممكن اسالك سؤال - انت جربت تسوق اللوجان ولا لسة؟ - برحب بيك في اي وقت لو عايز تجرب - ثانيا احنا هنا بنتكلم علي انهي لانوس عشان ومع الاعتذار للجميع انا لا اعترف الا بالدايو لانوس مش مش شيفورلية منصور مع الاعتذار مرة اخري لكل من يخالف هذا الراي :b4_611: