الموضوع: تعديلات عملتها فى عربيتى فكترا موديل 2000

هممم اصل بفكر اركب واحد بس شكلى هنفض , مالة ال mp3 :):)
بس مش فاهم سعرهم غريب اومال لو جديد هيبقى بكام !!

المشاركة الأصلية كتبت بواسطة mimysheckles

اولا اسعار الراجل اللى اتعاملت معاه كانت فعلا عاليه وده بسبب ان مفيش منافسين ليه كتير زى هنا فى الحرفيين

ثانيا متنساش ان كل الحاجات دى يابانى وصعب تلاقى اى جهاز يابانى فى السوق حاليا

ثالثا لو الكاست بتاعك ام بى 3 يبقى احسن فعلا
انا ركبت الطقم ده بس عشان التحكم فى الطاره عامل شغل جامد جدا :)
وده محتاج الكاست البناسونك مش هيمشى على الجروندج وقولت بالمره السى دى تشانجر
على فكره انا فى الاخر نزلت مبلغ محترم من الليله كلها بس طبعا مش هقدر اوزع الخصم على كل اللى علمته
انا بقولك حدود الاسعار واكيد فى الحرفيين هتلاقى ارخص بكتيير

نسأل فى الحرفيين ونشوف
اقصد ال mp3 العادى اللى بيتوصل بالكاسيت , مرة وانا بغير السماعات الراجل قعد يحاول معايا فى موضوع الكاسيت دة بس هيهاات :) هيفصل الشاشة اللى فى التابلوة وهيلعب فى ضفيرة الكاسيت علشان يركب التانى فا هيهاااات هيهااااات قلتلة لو غيرتة هجيب الكاسيت والسى دى بتاع الاوبل الاصلى علشان كل حاجة تبقى شغالة ومن غير لعب , معقد شوية انا :):):)

المشاركة الأصلية كتبت بواسطة mimysheckles

انا زيك مش بحب احط حاجة غير الاصليه بتاعت العربيه
ده انا زعلان جدا ان علامة اوبل اللى على الشنطة اتسرقت وروحت جبت واحده مصرى ب 15 جنيه :( عشان الاستراد قالولى بتوصل ل 50 :( :(

بس على فكره فى بيتاع adaptor بيوصل الكاست الجديد على الشاشه والتحكم فى الطاره وبيتخلف حسب نوع الجهاز
وده طبعا بيتجاب من بره وهتلاقيه على ال ebay

انا عندى حرفها اتكسر "اخر حرف ال Z اللى طالع برة الدايرة من تحت" تقريبا كان حد عايز يشيلها دورت على العلامة شوفت المصرى كان شكلها صعب المكسورة ارحم والاصلى كان سعرها فوق ال 100 بس مش فاكر كام بالظبط فاسبت المكسورة :)

بس لسة هيبقى فية لعب فى الضفيرة , مفيش احسن من الحاجة الاصلى مادام موجودة

المشاركة الأصلية كتبت بواسطة mimysheckles

مفيش لعب خالص فى الضفيرة يا باشا
التحويله دى بتبقى عباره عن طرف نفس جاك الكاست الاوبل الاصلى والطرف تانى الجاك اللى بيتركب فى طرف الكاست الجديد زى الصوره المرفقه كده
ده بتاع السونى

بس مش كله بيشغل الشاشه عشان اغلب الكاست بتاع السوق مش بيطلع داتا الا على الشاشه بتاعته بس

هممم هى فكرة بردو وبتنفع بس بردو مفيش احسن من الاصلى مادام موجود :):)
على فكرة الكاسيت الجروندج الماكنة بتاعتة وغاليا المكونات كلها بلوبنكت لأنها محفورة على المكنة من جوة