الموضوع: اقر انا مهندس بلطجى طارق عمر هنزل التحرير مع اخواتى البلطجيه

المشاركة الأصلية كتبت بواسطة HAGAN

و لا نملك الان الا الدعاء ان ربنا يهدي شبابنا المندفع المحب لبلده
و يفضح اي انسان بيشعل النار من خلف شاشات الكمبيوتر لا يعلم احد نواياهم
و ندعو الله جميعا لنا و لهم بالهداية و الصلاح

م.حاتم السباعي

أامييين

المشاركة الأصلية كتبت بواسطة human12

طيب و اخوانا السلفيين مش سامعين منهم حاجه

احنا هنحارب لوحدنا تانى و بعدين نكتشف انهم كانوا معانا واحنا مش واخدين بالنا ولا ايه؟

بص يا عم طارق اللي بيعمل حاجة مش عشان الظهور و السمعة بيحاول يداريها من الناس فمش لازم بقى تحسسنا إنك كنت قائد الجناح الأيمن للثورة إحنا يا باشمهندس عارفين إنك جاااامد أوي من غير كلام من نوعية هنحارب لوحدنا و شغل إقصاء اللي مش عاجبينك ....ثانياً السلفيين للأسف عمرهم اجتمعوا و لا هيجتمعوا على كلمة واحدة في موضوع المظاهرات سواء اللي كانت أيام الثورة أو الحالية لأن الناس اللي بتقول دي فتنة و الأفضل الواحد يبعد عنها رأيهم يعتبر و ليه دليل و في صحابة عملته و الناس اللي بتقول لأ لازم ننزل عشان تكون كلمة الحق هي العليا و ربنا يصلح البلد دي دول برضو رأيهم معتبر و معاهم دليل ...عشان كدا هتلاقي ناس هتنزل و ناس مش هتنزل لكن مش هيبقى في توجه عام إلا لو كان الموضوع واضح و مفيهوش خازوق زي بتاع الدستور أولاً اللي هنشوف اليفط بتاعته مالية التحرير
يبقى لما تقول إنك نزلت التحرير في الثورة و مشفتش ولا سلفي ولا إخوانجي يبقى دا كلام مش مظبوط أنا أعرف ناس كتير سلفيين نزلوا و اتعوروا و فيهم اللي مات وممكن لو عملت سيرش على اليوتيوب هتلاقي الفيديوهات بتاعة الناس اللي مكنتش واخد بالك منهم
أنا عايز أنزل بس مين يضمنلي...
1- إن الأهداف المعلنة هي بس اللي هتبقى في المظاهرة يعني متظهرش مطالب إقالة المجلس العسكري و الدستور أولاً مثلاً
2- إن المظاهرة تبقى سلمية من غير ما الناس تضرب و تكسر الممتلكات العامة
3- إنها تبقى مظاهرة بس مش اعتصام مفتوح عشان الحياة في البلد متقفش ولو مفيش تنفيذ للمطالب الجمعة اللي بعدها ممكن نعمل مظاهرة أكبر لحد ما المطالب تتنفذ