الموضوع: اقر انا مهندس بلطجى طارق عمر هنزل التحرير مع اخواتى البلطجيه

المشاركة الأصلية كتبت بواسطة ashraf_msd

الى البلطجية

1- مش من حق اي حد فيكم يتكلم باسم الثورة ... ولا انا ... ولا اي حد نزل التحرير يوم او يومين يبقى هوا الثورة ... الشعب المصري (85 مليوووووووووووووووون) ثاروا ... اللي عايز يقول انا الثوره قدامه حل من اتنين مالهومش تالت ... اما يثبت انه موكل من 51% من الشعب المصري ؟؟ ... او يقول انه قام بالثوره لواحده والشعب لم يثور ؟؟ ... فان لم يستطع - ولن يستطع - فليس له غير انه يتكلم كفرد واحد فقط لا غير من الشعب. (حتى لو كان نزله يوم ولا اتنين لميدان التحرير)

2- أغلبية الشعب - 80% - أيدت الاستقرار ... وأيدت الشريعه ... وأيدت الحكم العسكري الانتقالي ... وأيدت انتخابات برلمانيه قبل الرئاسيه ... وأيدت التعديلات الدستوريه التي اعلنت كما هي لا زياده ولا نقصان ... واقليه عدديه لا تمثل 0.001 من الشعب (واحسبها) هيا اللي بتنزل دلوقتي التحرير - بأي دعوة ان كانت - والباقي اما في شغله او في بيته - ندخل عالنقطه التالته....

3- أي فئة تعارض رئ الاغلبية ... وتقاوم الاستقرار ... هيا فعلا بلطجيه حتى ان كانو مهندسين او اطباء او دكاترة او او او او .......... والدليل ... كل الحراميه اللي نهبو مصر الفتره الماضيه جميعهم مهندسين ودكاتره ووزراء وعمداء ... ولا اقصد الاهانة نهائي لاي شخص ولكن بس بقول ان الدرجة العلميه لا تعفيك من ان تكون بلطجي او مرتشي او عميل..

4- الحل: مقاومة الفئة الخارجه عن النظام العام لمصر الامان وعن الغالبية العظمى من شعبها العظيم المؤيد للاستقرار بشتى الطرق الممكنه ... سواء بقنابل الغاز ... او بالاعتقال ... او بالضرب بالرصاص ان لم يجنحوا للاستقرار ورئ الاغلبية - حتى لو كان مش رئيهم.

وربنا يحميكي يا بلدي يا عظيمة.

مشاركة مليئة بالمغالطات و خلط الأوراق

1) يعنى أصلا حد يتكلم بأسم الثورة ؟؟؟؟ الثورة دى ولا هى بنى أدم ولا حتى كيان اعتبارى ...... الثورة دى حدث event ..... شارك فى صنعه مئات الألوف لتنفيذ مطالب محددة ...... و أى حد موافق على المطالب دى و عايزها تتنفذ من حقة ان ينزل الميدان تانى وتالت و رابع وعاشر لغاية ما تتنفذ ...... و مش حضرتك اللى يحدد مين يتكلم و مين مايتكلمش

2) نفسى أعرف جبت مينين ان 80 % أيدوا كل اللى انت بتقول عليه ؟؟؟؟؟!!!!!!! هو اى كلام يا عبد السلام ..... لو تقصد الأستفتاء ...... فأنت مخطىء بعنف ...... الأستفتاءات ليست استطلاعات رأى ..... لا تستطيع فرض أسبابك الشخصية للتصويت بنعم او لا و تعميمها على بقية الناس ...... و ارجع للنقطة رقم واحد بتاعتك عشان انت بتناقد نفسك ..... و نسبة 0.001 دى اللى انا مش عارف انت جايبها منين ...... دى الناس الأيجابية اللى بتتحرك و بتكلف خاطرها تنزل من على الكنبة ..... و تروح تعمل حاجة لبلدها

3) اسلوب كلام مرفوض تماما ...... ده تعريفك الشخصى و ما تفرضهوش علينا ..... لأنى ببساطة ممكن اقولك ان اللى بيطالب بالأستقرار دلوقتى قبل تنفيذ بقية المطالب هو اللى بيحاول يوقف الثورة دى بأى تمن ...... عشان خايف الدور ييجى عليه ...... سواء منتفع ايجابى او سلبى .......

4) حل عقيم ..... حل فاشل ..... حل حبيب العادلى ...... الغريب جدا فعلا ان لسه فى ناس بعد الثورة عايزة تضرب الأقلية ( من وجهة نظرك انت ) بالرصاص !!!!!!!! بالذمة عقليات زى دى ازاى ممكن تتفاهم معاها على دستور توافقى للبلد ...... او تكريس حريات و حقوق الأنسان فى مصر ...... ايه الفرق بين اللى انت بتقوله ده و بين نائب الحزب الوطنى اللى كان عايز يضرب المتظاهرين بالرصاص فى 2010 قبل الثورة ؟؟؟؟!!!!!!

المشاركة الأصلية كتبت بواسطة human12

لا يا فندم
هننزل كلنا

ده اللى مش واصل حضرتك
هل تعتقد من هزم الشرطه و هزم المعتدين فى موقعه الجمل هيخافوا ينزلوا و يطهروا الميدان

الميدان ده وصلناله بدم ناس كتير
و مش سهل يتساب

الناس تعبت و الناس ماتت و مافيش تغيير فعلى

المشكله ان اللى ماشركش مش هيقدر يفهم الرابط و مش هيقدر يفهم ليه

هننزل كلنا ....... و فعلا اللى ماشاركش مش حيقدر يفهم الرابط و لو بعد 100 سنة

اللي بيحصل هنا ده صورة مصغرة للوضع في البلد
ما حدش عارف الصح من الغلط
وكل طرف سمع أوشاف حاجه أو مقتنع بحاجة (وإن كنت أكاد أجزم إن تكون أسباب إقتناع أي واحد إنه مجرد سمع أو قرأ أو شاف فيديو أو حتى شاف بعينه بس حد ترجمله اللي شايفه) وماشي وراها وبيغلط في اللى يقوله راجع نفسك

غلط

ده هو الغلط بعينه، مادام اتفرقتوا يبقى انتهيتوا

ومن الأخر

اللي عايز ينزل ينزل
اللي عايز ما بنزلش برده هو حر
واللي عايز يعارض اللي نازلين هو كمان حر

لو خلاص لازم نحتلف، يبقى يا ريت مع الاختلاف نتجنب الخناق والجدال

1000 شكر

لازم ننحى خلافتنا جانبا

و نوحد صفوفنا

وده مش وقت امساك العصاية من النص زى ما بيقول الشيخ حازم ابو اسماعيل


YouTube - ‫ط.ط§ط²ظ… ط£ط¨ظˆ ط¥ط³ظ…ط§ط¹ظٹظ„ ظˆط±ط£ظٹظ‡ ظپظٹ ط§ظ„ظ…ط¬ظ„ط³ ط§ظ„ط¹ط³ظƒط±ظٹ‬‎