مجهود جميل ماشاء الله
طلب صغير (مش صغير اوى يعنى) ماتعرفش حد فى القاهرة او اسكندرية عندة اروانا حجم كبير ؟
رقم العضوية : 19034
تاريخ التسجيل : 15Sep2008
المشاركات : 897
النوع : ذكر
الاقامة : alex
السيارة: يا مسهل . زهقت
السيارة[2]: fiat 125
الحالة :
السلام عليكم
اولا احب اقدم شكرى للمنتدى للافادة القوية التى قدمها لنا جميعا ومن اهم ما افادنى القوائم الخاصة باماكن بحلات اسماك الزينة فى الاسكندرية وعن نفسى بما ان ظروف عملى تتيح تجوالى فى انحاء الاسكندرية فقد زرت بدون بمالغة جميع محلات اسماك الزينة المذكورة وايضا مجموعة اخرى فاقل شئ لرد الجميل هو ان اقوم بعمل تقرير شامل بتجربتى وتعاملى مع كل محل فيهم على الطبيعة مش سماعى
1- محل ابراهيم بين شدس وصفر على الترام
شاب كويس وعنده تشكيلة جميلة ومميزة واسعاره جيدة فى كثير من الانواع والاسماك نفسها تحس كويسة بس انا تجربتى معاه 5 سمكات مات منهم 4 بس الله اعلم العيب كان منه ولا منى وعنده انواع مميزة من الاكل البولندى انما عموما يستحق الزيارة
2- جرين جاردن الازاريطة ترام قبل كلية الطب بكام شارع فى شارع مرمايون بتاع مصطفى
شخص محترم جدا جدا بطريقة غريبة والتشكية اللى عنده لما تشوفها هتعرف يعنى ايه سمك رسالة مش الاشتغالات بتاعت الكثير من المحلات واسعاره غالية جدا عن السوق بس بصراحة الوحيد اللى معرفتش افتح بقى وافاصل علشان حسيت الحاجات تستاهل مثلا السورد تيل اللى بشتريها ب جنيه او جنيه ونص عنده ب 10 جنيه بس الحجم 10 اضعاف يعنى اكبر من الجرامى اما الاكل والادوية المستوردة عنده تشكيلة نضيفة جدا باسعار معقولة وتشكيلة كبيرة من الكهوف المصنع بتاعه اما عن المستلزمات من مواتير وفلاتر الخ اسعاره ممتازة وحاجات نضيفة جدا محل لازم يتزار
3- محل فى ش استر متفرع من ش 30 متفرع من شارع 45 شمال
عنده تشكيلة كبيرة بس اسعاره عادية انما ييجى فى الفصال عادى ومتخدش منه كلام فنى او عن التوافق
محل فى الشارع المقابل لمراتب تاكى بالمندرة ش عبد الناصر
راجل طيب عنده تشكيله عادية واسعار متوسطة
4- هوايتى ميامى متفرع من ش جمال عبد الناصر الشارع المقابل لحلوانى كلاسيك - محمد جابر
شاب محترم ومؤدب جدا وبيبيع جملة وقطاعى وتقريبا كمان زميل فى المنتدى عموما هوا اغلب الاسعار عنده بتكون ممتازة وبعض الحاجات بتكون بسعر السوق بس تاخد بالك لان ساعات بيكون السمك لسة واصل من سفر بتكون نسبة المخاطرة عالية استنى يوم ولا حاجة او علشان تعرف فيه احواض من ناحية الشارع دى بتكون متظبطة واحواض الجملة اغلبها من الداخل بس لازم تتعامل معاه
5- احمد صالح – ش 1 شمال اول ماتخش 45 قبلى اسال عليه هتلاقى محل خردوات وحلويات هوا دا !
المعنى الحقيقى لكلمة ابن سوق محترم وراجل ولو اى حاجة مش عنده بيوصفلك تلاقيها فين باحسن سعر اما اسعاره ممتازة جدا جدا لازم تتعامل معاه بس هوا 90% من شغله جملة لذلك صعب جدا تلاقى تشكيلة او تلاقى النوع فضل موجود عنده اكتر من اسبوع الاحسن زيارة مرة كل خميس لان يوم الجمعة بيبيع اللى فاضل فى السوق واسعاره فى الاكسسوار كويسة
6- احمد انور – الساعة فيه بنزينة على دوران الساعة وواحدة تانية جمبها هوا فى الشارع اللى بينهم
اسعارة كويسة جدا فى الاسماك وغالية فى الاكسسوار والاكل بس بيتخنق بسرعة ومبيحبش التطويل فى الكلام
7- محل يسرى فى المنشية روح سنترال المنشية واسال عليه
من المحلات اللى اتصدمت لما رحتها كنت سامع عنه انه احسن محل فى اسكندرية واسعاره ببلاش لما رحت لقيت تشكيلة معتادة واسعاره كلها يا اما سعر السوق يا اغلى الاهم ان السمك تحسه بيقول الحقونى عموما دا فى المرتين اللى رحتهم الله اعلم بيه
8- محل فى فيكتوريا ش ابو قير جنب ال icc
لو مش بتفرق معاك الفلوس يبقى دا احسن مكان تشترى منه (انا عن نفسى المليم بيزعلنى) عنده تشكيلة كبيرة جدا المحل شقة او شقتين ومحل وعده احواض مستوردة واكسسوارات واكل مستورد واغلب الاسماك فى السوق من مسالم وشرس يعنى تخش تطلع بكل حاجة فى ايدك بس اسعاره غالية يعنى السمك كان حوالى ضعف السوق فى انواع سالت عليها وفيه انواع تانية بيكون قريب لسعر السوق
9- محل وائل فى محطة فيكتوريا نفسها كشك زى بتوع الحلويات
شباب فى الذيذ معاملتهم كويسة قوى واسعارهم اقل من ناس كتير بس مش فى الارض يعنى والتشكيلة بتكون كويسة
10- محل زيزيت فى ش جمال عبد الناصر بعد نفق سيدى بشر فى اتجاه المندرة
محل كويس والميزة فيه انه مش مستفز فى اسعاره ولا اسلوبه يعنى فى محلات يبقى شارى السمكة بجنيه ويبيعها ب5 ولو قلتله نزل فى السعر شوية يقولك ياعم دا سعر جملة وانا احسن واحد فى السوق والهبل دا انما الراجل دا معتدل مش ارخص ولا اغلى واحد والتشكيلة لذيذة وعنده اكسسوارات حلوة يستحق الزيارة
11- محل فى شارع 62 سيدى بشر قبلى بعد ش هدى الاسلام هتمشى فى شارع 62 وتسال وتمشى 10 دقايق مثلا
بصراحة متوقعتش الاقى محل فى المكان دا بالتنوع دا يعنى لحد دلوقتى هوا وبتاع ش ابو قير اقوى محلين فى المساحة والديكورات والفخامة والتشكيلة بس دا ارخص طبعا عنده انواع كتير جدا فيه حاجات اسعارها كويسة وحاجات اسعارها وغالية
12- فى العصافرة بحرى ش ملك حفنى قريب من مبرة العصافرة
عنده تشكيلة واسعار معتدلة من الاسماك والاكسسوارات ام الاحواض المصرى بيعملها هناك وما شاء الله عنده كتيير واغطية احواض كتير
13- سنجام
زميل فاضل لينا فى المنتدى ولما بيكون عنده اسماك بتلاقى اعلان فى السوق وبيسيب رقم التليفون عموما هوا شخصية محترمة جدا واسعاره ممتازة ومش بيبخل بمعلومة لو لقيت طلبك عنده متشتريهوش من بره
14- فى العصافرة قبلى فى اتجاه المندرة بعد السوق ومحطة القطار بشوية كويسين فيه محلين جنب بعض واحد صغير وواحد اكبر منه
المحل الكبير اسعارهم مش قوى بس ساعات بيكون عنده حاجات واسعار كويسة اما المحل الاصغر عنده كام نوع اسعارهم كويسة
15- عصام – امام سنترال ميامى
بصراحة كنت رايح على جنة ناس كتير قالتلى احسن واحد وارخص واحد وقديم فى السوق والكلام ده بس لما رحت لقيته مش وهمى يعنى سواء فى التشكيل او الاسعار انما ميمنعش ان اسعاره احسن من ناس كتير بس الاكل غالى وعنده اسعار كويسة فى الزرع البلاستيك وساعات بيكون عنده اسماك اسعارها كويسة
16- محمد قنديل – سيدى بشر قبلى الشارع بتاع مستشفى الزهور بيكون بين ش 15 وش المسرح بتمشى فيه (من ناحية ش15 اقرب) لحد ما تقابل صيدلية السالمية ادخل الشارع بتاعها وامشى شوية هتلاقى المحل على الشمال
التشكيلة عنده مش كبيرة بس اسعاره ممتازة وبعدين الراجل متفانى جدا وباله طويل مش بيبخل بمعلومة ابدا واسعاره كويسة قوى فى السمك والاكسسوارات
كينج فيش فيكتوريا عند الموقف امام ستوديو بابل
ملقيتش المحل وحتى استوديو بابل نقل !
فانتازيا ش مسجد بلال قبل سنترال ميامى
محلات بلال – حسين الهوارى
دورت كتير على المحل لو فيه تفاصيل يا ريت
تعقيب :
- كل المعلومات دى فى فترة متقاربة لا تزيد عن اسبوعين وبزيارة شخصية اكثر من مرة لاغلب هذه المحلات
- فى اسطوانة مشروخة فى اغلب المحلات تلاقيه بيقولك انا شغال جملة والناس دى كلها بتشترى منى ولما يتزنق يقولك اصل السمك اللى عندى بيكون صحته كويسة وتييجى تسال فى التوافق يقولك تمام كله بيعيش عايز يبيع وخلاص وخلافه من الكلام اللى ينرفز او يضحك انما انت ليك السمك اللى قدامك تحكم عليه ومعاك اسعار السوق ملكش دعوة بحد والمعلومات تاخدها من منتدى كويس او صاحب محل محترم وثقة
- حاجات كتير بتاثر فى ان السمك يموت غير صحة السمكة اللى شاريها يعنى لو المية اللى عايشة فيها مختلفة زى مية برك او مية معكرة قوى او مية نضيفة قوى تختلف عن اللى عندك اكيد بتاثر
- احسن ميعاد للشراء من 7-10 مساء لانك بتتلاشى مواعيد الغداء ولو حد بيفتح متاخر دا غير ان الشمس لما بتضرب فى السمك بتظبطه
- مفيش محل كامل ابدا لا فى الجودة ولا التشكيلة ولا الاسعار لازم حاجتك تكون من كذا مكان
- لو محتاج تشترى مثلا 6 سمكات اشترى الاول واحدة او اثنين جربهم كام يوم واتاكد انهم كويسين ويعيشو معاك كويس وبعدين هات الباقى وكمان الميزة لما تشترى من محل مجموعة سمك على كذا مرة احسن علشان بيفتكرك وبتبقى زبونه ويميزك
- كل دا اجتهاد بسيط لتكملة مجهود المئات قبلى اتمنى الدعاء لى ولهم
- مسموح بالنقل للافادة لكن فقط فى حالة ذكر المصدر الموقع والكاتب
اتمنى اكون افدتكم ولكم خالص شكرى وتقديرى
رقم العضوية : 25711
تاريخ التسجيل : 20Nov2008
المشاركات : 4,864
النوع : ذكر
الاقامة : 6octoper
السيارة: nissan sunny 2010 ex
السيارة[2]: renult duster 2014 fo
دراجة بخارية: nefssssy
الحالة :
مجهود جميل ماشاء الله
طلب صغير (مش صغير اوى يعنى) ماتعرفش حد فى القاهرة او اسكندرية عندة اروانا حجم كبير ؟
رقم العضوية : 511
تاريخ التسجيل : 07May2007
المشاركات : 2,481
النوع : ذكر
الاقامة : Alexnadria
السيارة: Verna
السيارة[2]: Saba Saipa
دراجة بخارية: No
الحالة :
الله ينور يا معلم
مهندس أحمد سمير
رقم العضوية : 4385
تاريخ التسجيل : 17Jan2008
المشاركات : 4,078
النوع : ذكر
الاقامة : Alexandria
السيارة: grande punto T-jet
السيارة[2]: خلاص بخ
دراجة بخارية: nope
الحالة :
موضوع جميل و مجهود محترم
بس انت نسيت المحل بتاع الاستاذ عبد الحميد و الاستاذ محمد اللى فى وش كلية طب اسنان فى شارع شامبليون
بس ما تعرفش حد عنده تشكيلة شيكليد افريقى (ملاوى او فيكتوريا) حجم صغير مش اكتر من 5 سم ؟ انا رحت عند المحل اللى جنب ال icc اللى فى فيكتوريا و لقيته بيبيع السمكة ال 5 سم ب 30 ج قلتله انت حرامى فى وشه و مشيت
و شكرا
رقم العضوية : 19034
تاريخ التسجيل : 15Sep2008
المشاركات : 897
النوع : ذكر
الاقامة : alex
السيارة: يا مسهل . زهقت
السيارة[2]: fiat 125
الحالة :
انا مش من هواة الاروانا بس عموما فى القاهرة اكيد عن سمير شوقى بتاع كينج فيش او محلات انطوان الناس دى تقيلة وفى اسكندرية ممكن مصطفى بتاع الازراريطة او محمد جابر بتاع ميامى وحتى لو معدهومش يتصرفوا فيها بالطلب
نورك ياباشا
والله منسيتهوش بس انا رحتله كتير فى مواعيد مختلفة لقيته قافل طب اعمله ايه هههههه بس عموما اسمع انه راجل محترم وعنده حاجات كويسة بس اسعاره غالية واسمع برضه ان هو ومصطفى بيشتروا من نفس المصادر
اما الشيكلد فيه سينجام لو عايز اديلك رقمه عنده شيكلد بس انا مركزتش الانواع عنده ايه ومحمد جابر برضه لسه شايف عنده تشكلة كبيرة ما شاء الله اما الراجل اللى فى فيكتوريا دا على طول برح اتفرج عنده واختار السمك وبعدين اروح اشتريه من بره ههههههه
رقم العضوية : 3912
تاريخ التسجيل : 31Dec2007
المشاركات : 524
النوع : ذكر
الاقامة : Alexandria
السيارة: ربنا يكرم
السيارة[2]: Toyota Yaris 2007
دراجة بخارية: no
الحالة :
الله ينور يا باشا وبجد جزاك الله كل خير على الموضوع المتميز
وكنت عاوز اسألك انا لسه عاوز امتلك حوض سمك
فياريت تساعدنى ابتدى ازاى واعمل ايه
والتكلفة حتبقى فى رنج كام لو حاجة وسط يعنى من كام لكام
وعاوز محل يكون محترم من اللى انت ذكرتهم بس يكون امين ومن وسط البلد كده زى بتاع الازاريطة كده مثلا
وشوية نصايح منك .. ولو عندك فكرة التهيئة فى البيت اعملها ازاى وكده
ومعلش وجعتلك دماغك وهتعبك معايا
وشكرا مرة تانية على الموضوع والمجهود الرائع
Mohamed Hosny
رقم العضوية : 19034
تاريخ التسجيل : 15Sep2008
المشاركات : 897
النوع : ذكر
الاقامة : alex
السيارة: يا مسهل . زهقت
السيارة[2]: fiat 125
الحالة :
تحديث علشان زرت كام محل كمان
17- سيدى بشر فوق النفق على صف مبنى الحى
راجل قديم فى السوق وبيعرف يشترى حاجات كويسة بس يتميز بالمغالاة فى الاسعار
18- سيدى بشر قبلى ش القاهرة الشارع اللى قدام المجيرة من جنب محل الاثاث المكتبى
عنده تشكيلة جميلة واسعاره معقولة سواء فى السمك او الاكسسوار وغاوى البنجايوس والرينبو شارك دايما تلاقيهم عنده بمقاسات كتير
19- سيدى بشر قبلى نفس الوصفة السابقة بس بعد ما تدخل الشارع تكسر اول شارع شمال (هتللمح المحل وانت داخل اصلا)
عنده تشكيلة جميلة من اول الاسماك الولودة لحد الفلور هورن واسعاره كويسة والميز لو محتاج حاجة رسالة بالطلب ممكن يجيبهالك
20- المندرة ش جمال عبد الناصر الشارع الجانبى المقابل لمراتب تاكى
راجل طيب وباله طويل عنده التشكيلة المعتادة لدى الهواة واسعاره متوسطة
21- المندرة مساكن الحرمين الشارع الجانبى بتاع مركز شباب الحرمين
اسعاره مقبولة وارخص من ناس كتير بس التشكيلة عنده ضعيفة جدا لا تتعدى 5 انواع
22- فيكتوريا ش ملك حفنى عند بتوع الالكترونيات
اسعاره مستفزة جدا خصوصا ان السمك تعبان يعنى ممكن يبيع سمكة صغيرة والوانها تعبانة ب 2 جنيه وغيره بيبيعها كبيرة والوان محترمة بجنيه عموما بيكون عنده دود اوقات كتير
23- مكاو - ش مسجد الهدايا عند محطة ترام الهدايا
شباب فى الذيذ عندهم تشكيلة كويسة واغلب الاسماك بتكون رسالة واسعارها مش غالية قوى اللى ساكن قريب منهم هيرتاح فى التعامل معاهم
24- فيش كورنر - جناكليش على ش ابو قير
راجل محترم جدا الحاج عبد المجيد واولادة ذوق جدا عنده عذب ومالح والسمك رسايل بس اسعاره عالية شوية انما متساهل ممكن يريح الفرق يبقى بسعر السوق
ارجو من الادارة تعديل اول مشاركة والاضافة لها
رقم العضوية : 4385
تاريخ التسجيل : 17Jan2008
المشاركات : 4,078
النوع : ذكر
الاقامة : Alexandria
السيارة: grande punto T-jet
السيارة[2]: خلاص بخ
دراجة بخارية: nope
الحالة :
رقم العضوية : 19034
تاريخ التسجيل : 15Sep2008
المشاركات : 897
النوع : ذكر
الاقامة : alex
السيارة: يا مسهل . زهقت
السيارة[2]: fiat 125
الحالة :
انا تحت امرك
بالنسبة لحجم الحوض كل ما كبر كل ما كان افضل طبعا واحسن تعمله عند محل اسماك لان بتوع الزجاج ساعات بيعكوا ومتوسك السعر للحوض ال 50 سم من 35 ل 55 وال100 سم من 75 ل 120 حسب المكان مش اكتر
وبتركب موتور هواء سعره 10 جنيه + 2 متر خرطوم سيليكون بلاش بلاستيك سعره جنيه للمتر
والفلتر لو باور هيد انا اشتريت واحد 400 وات لحوض 60 سم عمل 30 جنيه وانضف حاجة فى الصينى ماركة هيتو
الجرش يبدا من 2 جنيه للمكرونة وطالع يعنى 4 جنيه ظبطولى حوض 60 سم وباقى الاحواض عندى مش حاطط جرش
الزرع البلاستيك او الطبيعى 10 جنيه تظبطك ولو هتحط لعبة 15 جنيه يجيبوا حاجة حلوة
واهم اهم اهم حاجة قبل ما تملى الحوض ميه تحط تحته لوح فلين
اما الاسماك الافضل تبدا بالانواع الاتية
جوبى من 1-4 جنيه
مولى من 1-20 جنيه
سورد تيل من 1-10 جنيه
بلاتى من 1 ل 20 جنيه
زيبرا دانيو من 1ونص ل 8 جنيه
جرامى دوارف من 7 ل 11 جنيه
بلاك ويدو من 2 ل 5
او لو بتحب الاسماك تكون احجامها كبيرة سيبك من التشكيلة دى وهات جولد وكوى مع بعض
الانواع دى كلها سهلة التربية وقوية التحمل واول 4 انوا سهلين فى التفريخ يعنى ممكن 3 سمكات خلال سنه يجيبولك 200 سمكة وفروق الاسعار مش شرط جودة بس تفاوت من محل للتانى عموما انا رايى تبدا بالمصرى الرخيص وتجيب انواع حلوة ولما ايدك تاخد عليها تشترى المستورد الغالى علشا ميموتش منك فى الاول
بتاع الازاريطة محترم جدا بس الحاجات اللى عنده غالية فخليه شوية لحد ما تتعلم فيه واحد اعرفه فى العامرية عنده مزرعة واسعاره ممتازة انا بقابله فى سوق الجمعة اسمه الشيخ فرج اشتريت منه مجموعة تساوى 40 جنيه ب 9 جنيه وحاجات محترمة وصحتها كويسة لو تعرف تروحله اديلك تليفونه
وفيه فى شدس على الترام محل بتاع واحد اسمه ابراهيم عنده حاجات جميلة قوى واسعاره حلوة
وحل محمد جابر فى ميامى اسعاره فوق الممتازة
والراجل بتاع العصافرة قبلى برضه
ولما ايدك تاخد على السمك فيه واحد في بحرى اسمه علاء بيفرش فى سوق الجمعة هاديلك رقمه عنده حاجات وهمية بس باسعار عالية
عموما لو تعرف تنزل ناحية ميامى وسيدى بشر نرتب يوم ونروح مع بعض مش كدا اظبطلك بتوع وسط البلد واتابع معاك فى التليفون
رقم العضوية : 16471
تاريخ التسجيل : 16Aug2008
المشاركات : 4,166
النوع : ذكر
الاقامة : Shoubra Masr
السيارة: N/A
السيارة[2]: Elantra 2012 A/T
دراجة بخارية: N/A
الحالة :
+1111111الله ينور يا باشا وبجد جزاك الله كل خير على الموضوع المتميز
وكنت عاوز اسألك انا لسه عاوز امتلك حوض سمك
فياريت تساعدنى ابتدى ازاى واعمل ايه
والتكلفة حتبقى فى رنج كام لو حاجة وسط يعنى من كام لكام
وعاوز محل يكون محترم من اللى انت ذكرتهم بس يكون امين ومن وسط البلد كده زى بتاع الازاريطة كده مثلا
وشوية نصايح منك .. ولو عندك فكرة التهيئة فى البيت اعملها ازاى وكده
ومعلش وجعتلك دماغك وهتعبك معايا
وشكرا مرة تانية على الموضوع والمجهود الرائع
المفضلات