مبروك الصيانه
عقبال صيانة المليون
عرض للطباعة
مبروك الصيانه
عقبال صيانة المليون
متشكر اووووووووووى لاهتمامك وشكلى هاروح فعلا واكلمك النهاردة باذن الله
لأنى كلمت السبع من شوية وطلع ما عندهمش زرجينة وكل اللى هايعملوه يزبطوا زوايا بجهازهم ويشوف اللازم ايه وطبعا المشوار كبير وعطلة مش اقل من 6 ساعات ساعتين رايح وزيهم راجع وهناك بقى الله اعلم عشان الزحمة السبت ويستحسن احجز قبلها
بصراحة يا استاذ عاطف انت ربنا بعتك ليا من السما وكنت عاوز اكلمك فى التليفون اشكرك بس لقيت الوقت اتأخر لأنى قضيت كذا مشوار بعد ما نزلت الحرفيين النهاردة ومش عاوز اقولك ان العربية رجعت زى الزيرو بالزبط ناعمة والدركسيون خفيف وثابتة فى المطبات ولا صوت ولا احزنون
والورشة طلع اسمها safety system بتاع زبط الزوايا والاتزان بنظام هيدروليك لاستعدال الشاسيه
ومكانها فى الشارع اللى قدام نقطة الشرطة اللى هناك
انا فى حياتى ما شوفتش ناس محترفة زيهم
بحق ربنا حسيت انى كنت فى pit stop بتاعت سباقات فورميلا-1
اول ما وقفت قدام الورشة بالعربية جالى ولد صغير قالى هاتعمل ايه يا باشا قولتله ازبط زوايا قالى ادخل ع المجرى
قبل ما انزل من العربية كانت الاربع عدد راكبه ع العجل وواحد جاب مقاس ضغط عجل وقالى هواء ولا نيتروجين ؟ قولتله نيتروجين راجع الضغط تانى
شكل الجهاز اللى عندهم اول مرة اشوفه عامل زى اجهزة الدفاع الجوى ولا الحرب الالكترونية والرادار عمود طالع من دراعين وبيهم عواكس بتلقط من الاربع اجزاء من على العجلات
لسه باحكيلهم المشكلة وكلام بريدجستون والعجلة اللى عاوزة تتقدم سم الا ربع
قالى ياباشا كل الحكاية الزاوية مفتوحة شوية بسيطة مش مكملة 0.1 وهاتتقفل وكل اللى بتقوله ده يروح
مفيش بالزبط 5 دقايق ولقيت الفاتورة اتطبعت ب25ج والنسب كلها صفر والعجل تمام التمام وعقبال ما طلعت المحفظة وحاسبت وقولت شكرا لقيت العربية واحد مخرجهالى قصاد الورشة وخدتها ومشيت وانا فى قمة السعادة بعد النكد اللى كنت عايش فيه من ساعة لما الاخ بتاع بريدجستون قالى موضوع الزرجينة ده
ولك جزيل الشكر يا استاذ عاطف وباذن الله لينا لقاء قريب