على فكرة محمود ماهاجرش ولسة في مصر وشغال وزى الفل من نجاح لنجاح :)
عرض للطباعة
على فكرة محمود ماهاجرش ولسة في مصر وشغال وزى الفل من نجاح لنجاح :)
طالما مشكلتك مش الفلوس
والمشكله مش مشكله ماديه بل هي مشكله اسلوب وطريقه العيشه وطريقه تعامل الناس المحيطه بك
فانا هديك نصيحه بناء علي تجربتي
ممكن تشوف مدينه جديده زي مثلا القاهره الجديده او الرحاب او 6 اكتوبر وتعيش فيها .. المدن اللي زكرتها رغم انها جديده بس برضوا فيها حياه ومش فاضيه زياده عن اللزوم زي بدر والعبور والعاشر من رمضان
وخد عندك راحه نفسيه زي مانت عايز
عند البيت او عند اي مول تجاري او مستشفي او مدرسه او جامعه او هايبر ماركت هتلاقي جراشات منظمه وكمان واسعه وفي بعض الاحيان بتبقي بحراسه زي كايروفيستيفال سيتي وكلها مجانا
معامله الناس راقيه فوق ما تتخيل .. ده من كتر احترامهم بيقفوا في اشارات المرور عند التقاطعات وهي اصلا مش زحمه ولا يوجد عساكر مرور
وانت نازل الصبح تروح شغلك او جامعتك هتلاقي عربيه بتكنس الشارع بالنظام الالي وهتلاق عمال نظافه مرشقين في كل مكان بينضفوا الشارع من الترااااب ايوه لان الشارع اصلا مافيهوش ورقه او كيس مرمي
هتلاقي فروع لكل البنوك اللي في مصر خاصه البنك الاهلي وبنك مصر اللي ليهم اكتر من 15 فرع
وكمان مكن صراف الالي في كل حته وعلطول فيه فلوس
هتلاقي جوامع كلها مكيفه وافخم جوامع في مصر.. كفايه بس جامع حسن الشاربتلي اللي يعتبر من اكبر جوامع القاهر وكمان فيه النجفه اللي دخلت موسوعه جينس كاكبر نجفه في العالم وكمان مطليه ب 40 كيلو دهب
والجامع ده في رمضان خاصه ليله ال 27 بيتسبب انه بيقفل مدخل القاهره الجديده من الزحمه ومن الناس اللي بتصلي في الشارع
هتلاقي كمان جميع الهايبر ماكت وكمان ليها اكتر من فرع .. عندك اولاد رجب وسعودي والمحلاوي والمحمل وكارفور وسبينس والفا ماركت والرايه ووووو
هتلاقي مولات كتيره جدا وبتخدم كل الطبقات
هتلاقي كماين ثابته في المداخل بتاع المدينه وفعلا من فتره للتانيه بتشد حيلها وتظبط الدنيا
هتلاقي وحده مرور تخلص فيها رخصه قييداتك في نص ساعه وتستلمها فوري ومن دون اي واسطه
هتلاقي فيها الجو النقي جداا واللي بسببه لما اكون نازل الجامعه في العباسيه ببقي مخنوق ونفسي اروح بسبب الزحمه والجو
هتلاقي جيرانك كلم ناس مستويات راقيه ومحترمين, وكل واحد في حاله
هتلاقي المياه النظيفه جداا جدا جدا . ونادرا لما تقطع
هتلاق الكهربا الي لما جمهوريه مصر العربيه كلها تشتكي من انها بتقطع عندهم.. بس مش بتقطع عندنا في القاهره الجديده الا نااااااااادرا
هتلاقي مستشفيات ومراكز طبيه محترمه جدا علي سبيل المثال لا الحصر المستفي الجوي
وكمان الماراكز بتاع العيادات الطبيه موجوده وبكل المستويات
هتلاقي كل انواع المدارس الخاصه العاديه والانترناشونال لكال المستويات.. في منها العادي والمتوسط ومنها المبالغ فيه
هتلاقي جامعات خاصه ومحترمه
هتلاقي الدنايا سالكه وانت سايق والناس محترمه في سواقتها حتي الستات هنا بيعرفوا يسوقوا لانهم من طبقه عاليا وبيسوقوا من هما صغيرين وكمان راكبين عربيات ما احلمش اركبها
وكمان الطرق دايما سالكه.. مشفاضيه بس مش زحمه .. الزحمه في القاهره الجديده بتبقي نوادر وممكن تحصل في السنه مره وتبقي حاله شازه
هتلاقي انك لما تفتح شباك غرفتك الدنيا هدوء.. مش هدوئ قاتل بس هدوء مريح يخليك تستجم وتعرف تنام..
لما تطلع البلكونه او تفتح شباك غرفتك مش هتلاقي حد لازق فيك.. لا هتلاقي مساحات فاضيه امامك كتير وده بسبب ان نسبه البناء علي الراضي لا تتعدي 60 في الميه من مساحه الارض
هتلاقي في الاعياد والمواسم اجواء تحفه واحتفالات خاصه في رمضان واماكن كتيييير بتعمل السهرات الرمضانيه
لما اختك او زوجتك تنزل الشارع لوحدها او تروح الهايبر ماركت او تروح تتسوق في المول... مش هتلاقي حد بيعاكسها او يتحرش بيها او حتي يبصلها.. تحس ان كل الناس مستويات ومحترمه
هتلاقي كل فروع النوادي الكبري وكمان نوادي تانيه صغيره زي مثلا نادي بتروسبوت اللي انا مشترك فيه
كل الاعضاء فيه ناس مستويات ومناصب وناس محترمه.. ومش هتلاقي الشباب الزباله اللي بيروح يعاكس البنات .. هنا تحس ان كل الشباب محترمين واعتقد ده بسبب المستوي الاجتماعي وكمان المستوي المادي اللي بيخليهم يتجوزوا بدري حتي من سن 22 وعلشان كده دايما تلاقي الشباب مع زوجاتهم .. يعني مش محرومين
هتلاقي الشوارع دايما نظيفه والاسفلت بيتجدد اول باول وعمره ماتلاقي مجاري طفحه ومغرقه الشارع
سناديق الزباله موجوده بكثره في كل مكان وكمان في عربيتات بتيجي كل 12 ساع تفضي السناديك علشان كده تلاقيها دايما فاضيه ومش بيطلع منها ريحه
هتلاقي كميه مساحات خضراء وخضره . بالهبل .. كفايه بس لما تنزل الساعه 6 الصبح تجري شويه وحواليك المناظر الخضرا دي ونسمه الهواء النقبه
وقت الربيع تحس ان الدنيا حوليك ملونه من كتر الورد وكمان مش هتلاقي حد عمال يقطف في الورد
عايز ايه تاني
\.. من الاخر كده يافندم.. انا كنت عايش في المطريه في حي شعبي لمده 14 سنه ونقلت هنا في القاهره الجديده بقالي 10 سنين
حسيت يعني ايه عيشه.. حسيت اني ماكنتش عايش..
نسأل الله التيسير فى الدنيا و الاخرة
انا حاليا عايش في دوله اجنبيه او استراليا تحديدا - انا عاوز بس اقول حاجه
احنا وصلنا للدرجه ان اللي عايش بره مصر وبيقبض راتب 30 الف دولار سنوي احسن بكتير من اللي عايش في مصر وبيسرق مليار دولار في السنه
سؤال
ليه ما بفكروش في أفريقيا
البلاد دى فعلاً أفضل من أم أمريكا وغيرهم
أحنا لم نرا في الدنيا زى أفريقيا السوداء
- الفساد بيموت فى مصر.
- كل يوم والتانى بيتقض على راشى ومُرتشى و الرائش بينهما.
- لسه وزارة كاملة سيادة الرئيس/ عبد الفتاح السيسي تقبل استقالتها؛ عشان واحد حرامى.
- أنت جاى بتقارن واحد بيقبض 30 ألف دولار (بالمصرى 250000 ألف جنيه) بى واحد فى مصر قول بيقبض 25000 ألف جنيه فى السنه هل يستوون؟؟؟؟؟؟؟
- ثم أنت بتقول أنك عايش دلوقتى فى استراليا. مال مصر ومال استراليا. ولا فكرنى أنك من يومين كنت عايش فى كندا وبتسأل عن الدولار الكندى!!!!!!!!!!!!!!!!!!!!!!!!!
- أرض ربنا واسعه. إللى عايز يمشى يتفضل.
- أهل مصر كلهم بيشكروه.
- وفرتلنا مكان. أكل وشرب- بنزين وغاز - مكان فى الأتوبيس - المترو - عربيتك فى الشارع - سرير فى مستشفى - دكه فى فصل.
- ضيف إلى ذلك دعم من الدوله فى كل ما سبق ومش عاجب.
- أنا أصرف عليك ليه وأنت ما بتحبنيش وأنت قاعد ناقم ومتضيق ومخنوق من كل حاجه. مع ألفين سلامه!!!!!!!!!!!!!!!!!