انا بتمني اسافر الامارات ودا حلمي الاول و الاخير
عرض للطباعة
انا بتمني اسافر الامارات ودا حلمي الاول و الاخير
حاقولك تجربتي:
انا عشت في فرنسا 7 سنين: دراسه دكتوراه في الطب + شغل بعدها
و بعدين ر حت السعوديه 6 شهور و ما استحملتش و رجعت
الحياه في اوروبا مريحه : نظام و البني ادم له تمن و طبعا ماديا احسن
رغم بعض حالات العنصريه لكن ما حدش يقدر ياخد حقك
لما اتجوزت و خلفت و شفت اولاد العرب اللي اتولدوا هناك و تشتتهم بين دينهو و تقاليدهم و بين الحياه الغربيه
و كمان تظره المجتمع هناك لهم بأنهم مواطنين درجه تانيه
حسيت اني صعب أعيش هناك طول حياتي + امي هنا لوحدها وما اقدرش اسيبها
رجعت .......
كل السلوكيلت الهباب الي بتقول عليها خانقاني و قعدت لمده 6 شهور باتخانق مع كل الناس و دخلت القسم اكتر من مره بسبب الخناقات (مع سواق ميكرو باص - نقاش - جار حاطط محطه محمول فوق البيت اللي جنبي مع انه طبيب و عضو في الاخوان المسلمبن !!!!)
و لسه باعاني بعد مرور سنه تقريبا من كل حاجه: الاكل و الماء و الهواء الفاسد
من اخلاق الناس و التدين الكاذب ..................
لو تقدر تستحمل الغربه و تبعد عن اهلك علي طول --ابدا شوف سكه
او
فكرررررررررر كتير لأن اي موقف سيء ذى اللي انت تعرضت له ممكن يخليك تفكر كدا
و استخير ربنا كتير
و رايي جرب تسافر و تشوف و تستريح فين
[quote=tutankhamoun;249876][size=3][color=DarkOrchid]ميدو باشا .... هو حضرتك تقصد بوزوا ... يعني أدوك الوش الخشب
و لا بوظوا ..... يعني أفسدوا .......
المعني اللي انا اقصدة هو تصرفات الناس. تعالي شوف المصريين بيتقال عليهم اية هنا في دول الخليج بالرغم من اننا احسن منهم علما وثقافة بس للاسف تصرفات البشر ولو شخص واحد تسئ للكل.
هاقولك..فية مرة واحد صاحبي شغال في شركة خاصة هنا فالمدير طلب منهم يجيبوا لة موظفين لان الشغل محتاج فصاحبي دة بكل حسن نية قالة انا عندي ناس في مصر وشغلهم ممتاز زي وافضل . الشركة كان فيها مصريين وسودانيين. الراجل صاحب الشركة قالة مصريين لالالالالا انتم الواحد فيكم بيجي هنا بيطفش 10 اما السوداني بيجي بيجيب معاة 20. شفت بقي احنا وصلنا لفين ياعم توت؟
كيفك يارب تكون باحسن حااال . انا بس دايره اعرف انت لسه في مصر ولا خلاص خرجت منها؟؟؟
كندا كانت افضل اختيار بالنسبة ليا
بلد محترمة مفيهاش عنصرية
نظام التعليم والصحة فيها من الافضل على مستوى العالم
البلد بقت صعبة جدا
اغلب الناس (ربنا يعافينا ) اتغيروا الاخلاق اتغيرت
ماتت القيم والمبادئ والاصول والاعراف المصرية
الفساد بقى قانون ولا رئيس جة او هيجى هيحاول يقرب منة
ربنا يتولانا برحمتة
ياااااااااااااااااااااااا اااااااااااه
الموضوع من سنه 2008 يعني من 7 سنين تقريبا
يظهر ان كل حاجه زي ما هي او اسوأ
ربنا يطلعنا منها علي خير عن قريب
والله يا باشا مش انت لوحدك الى عندك المشكله دى فى ناس كتير زيك وانا واحد منهم نفسى اهاجر و اسيب البلد لو عايز تهاجر فعلا ممكن تروح كندا لانى بفكر اهاجر لكندا ومن الشروط الاساسية الانجليزي اهم حاجة و فلوس فى البنك ولو فى خبرة يبقى كويس ممكن تروح و تسال الموضوع مش موضوع مادى لانى الحمدالله مفيش مشكله فى الفلوس المشكله فى البلد فعلا و بعض فئات الشعب مش كله فى ناس كتير محترمة بس مختفية و انشاء الله خير
يا نهار ابيض دا الموضوع طلع من ٢٠٠٨ انا لسه واخد بالى لو صاحب الموضوع كان لسه هنا فى مصر كان عمل ايه دلوقتى دى ٢٠٠٨ كانت مصر جنة