هوندا سيتى 2008 ام ياريس 2008

**tigar_tigar** · 02-07-2011 12:12 AM

السلام عليكم ورحمة الله وبركاتة

دى اول مرة اعمل فيها موضوع فى المنتدى دة وبصراحة اللى شجعنى جدااا ان المنتدى متميز جدا ومتخصص كمان
والناس فية هلبفل جداااا احب ادخل فى الموضوع على طول عشان مطولش على حضراتكم

انا محتار جدااا ما بين السيتى 2008 والياريس بس انا منجذب شوية للسيتى وقلت اسمع استشاراتكم ليا
خصوصا ان ادامى سيتى 2008 مانيوال 1300 سى سى عاملة 95000 كيلو وب63000 يا ترى السعر مناسب ولا لاة وعاوز اعرف اراء ملاك العربية ورايهم ليا خصوصا انى نازل اعاين السيتى بكرة او بعدة بالكتيران شاء الله بس خايف عشان العربية مش متنشرة قوى ومش عارف السبب؟؟؟ هل دة عيب فيها ام ؟؟؟
ومش عارف اى حاجة عن العربية غير انها هوندا ودة اللى مشجعنى يا ريت اسمع نصيحتكم ليا

ولا خاب من استشار

ولكم منى جزيل الشكر
منتظر ردودكم ان شاء الله

**FrozenFire** · 02-07-2011 09:58 PM

نأسف على التأخر في الرد
بص ياسيدي، أنا سقت الياريس كتير جدا، وهي باختصار شديد وفي رأيي الشخصي غلطة من غلطات تويوتا الكبيرة.

العربية ما فيهاش ثبات نهائي بعد ال 100، بترقص على الطريق السريع لما يكون فيه حتة مش معدولة (وبترقص يعني بترقص).

ورغم إن هي عالية عن الأرض لما لما إتنين بيقعدوا ورا، بتحك كتير في المطبات حتى لو عرضت على المطب.

مميزاتها هي التوفير البنزين وسعر إعادة بيع وأسعار قطع غيار أقل من السيتي.

نيجي بقى للسيتي الشكل القديم (أنا معايا الشكل الجديد)، أنا ما سوقتهاش قبل كده ولكن ركبتها مع واحد صحبي. باختصار عربية محترمة يعني إعكس كل عيوب اليارس تطلع مميزات السيتي.

وبصراحة ما أعرفشي معدل إستهلاكها ولا قوة موتورها مقارنة بالهوندا ولكن الهوندا معروفة بمواتيرها الجبارة.

عيوب السيتي هي سعر إعادة بيع مش حلو وأسعار قطع غيار غالية ولكن عربية معمرة جدا

من الآخر لو عايز عربية تستمع بيها يبقى السيتين ولو عايز عربية ما تخسرشي فيها كتير يبقى اليارس

وربنا يسهلك كل أمر

والسلام ختام

**Hamdy Masria** · 02-07-2011 10:07 PM

المشاركة الأصلية كتبت بواسطة frozenfire

من الآخر لو عايز عربية تستمع بيها يبقى السيتين ولو عايز عربية ما تخسرشي فيها كتير يبقى اليارس

وربنا يسهلك كل أمر

والسلام ختام

الدكتور جبلك الزتونة بتاعة الموضوع
وانا مع السيتى طبعا
انصحك حاول تجرب العربيتين وانت تعرف الفرق بنفسك
ممكن تتعب شوية وتشوف مكتب تأجير سيارات وتطلب كل عربية فى يوم مختلف
ويا سلام لو تمشى بيهم نفس المشوار ونفس الطرق
وجرب وقولنا عملت اية

**tigar_tigar** · 04-07-2011 01:21 AM

الف شكر يا جماعة على ردكم وجااااااااااااااارى التجربة ان شاء الله

**khaleddapino** · 04-07-2011 01:41 AM

مفيش مقارنه :)

**tigar_tigar** · 05-07-2011 12:39 AM

المشاركة الأصلية كتبت بواسطة khaleddapino

مفيش مقارنه :)

يعنى ؟؟؟

**tigar_tigar** · 05-07-2011 12:43 AM

انا شفت سيتى 2008
1300 سى سى

سعرها 62000
يا ترى السعر مناسب؟؟ ولا اية هيا حالتها حلوة

وشكرا على سرعة ردودكم

**SAMEH_FOUAD** · 05-07-2011 12:56 AM

من حيث الشكل : السيتى تكسب

من حيث قوة المحرك : السيتى فى التسارع والياريس فى السرعة القصوى

من حيث الهدوء والعزل : السيتى

من حيث الخامات والتقفيل : افضل قليلا للسيتى لان التويوتا بردة تقفيلها كويس

من حيث نعومة العفشة : السيتى بجدارة

من حيث الثبات : تعادل للاتنين بس فرق السيتى عنها ب20 كم وتبدأ تحس باحساس الياريس

من حيث استهلاك البنزين : الياريس افضل ب30 كم فرق لان السيتى بتعمل 230 كيلو فى الصفيحة والياريس 250 الى 260

من حيث الرحابة : السيتى اوسع بكتير

من حيث قطع الغيار : الاتنين غاليين بس مش زى السيتى لان فعلا قطع غيارها اغلى

من حيث العمر الافتراضى : الياريس كويسة بس عفشتها وحشة بدب بسرعة , والسيتى كويسة جدا بس خلى بالك من الفتيس

من حيث الدهان : السيتى ماشاء الله علية اقوى من الياريس

اكصدام السيتى بيستحمل عن الياريس

سعر اعادة البيع :لصالح الياريس ودة طبيعة السيتى فى البلد

من حيث مواصفات الامان : السيتى فول اوبشن والياريس فقيرة جدا من الناحية دية

ارتفاع السيارة عن الارض لصالح السيتى حتى مع التحميل

يارب اكون قدرت اوضحلك الفرق

عموما السعر بتاع السيتى ينزل الى 60 الف بس اهم حاجة الحالة ركز فيها كويس وخصوصا الفتيس

**SAMEH_FOUAD** · 05-07-2011 03:01 PM

المشاركة الأصلية كتبت بواسطة JapRuleZ

ال toyota yaris صنع اليابان
مفروض تكون المقارنة خلصت لو الناس فاهمة

عل العموم اليارس خطاْ شاءع عنها هو موضزع ال stability ده السبب هو تسارع العربية الغريب فطبيعى عربية ماشية على 200 و عالية عل الارض عفشة نعمة و كاوتش رفيع هى مش مستعده لازم تبقى خفيفة
مع بعض التعديلات ممكن تمشى على 180 - 190 و انت مطمن

و هى بدون نقاش اسرع 1300 فى مصر و كل اللى معاهم يارس بيعددو اى جيتا باسات FSI octavia و ,mazda 3 , subaru شفت يارس طلعت من 316 حتى

تكنولوجيا العربية فارقة جدا عن الcity
اليارس موجودة فى جميع دول اوروبا و امريكا
اما الcity تصنيع thailand و تصدير للدول الفقيرة بتاعت العالم الثالث و نكرة فى الخارج

بالنسبة لراحة الاسرة فى الجلوس القبة فى ارضية المقصورة الخلفية غير موجودة فى اليارس يعطو احساس بالرحابة
اليارس واخدة جوايز كتير و لب EURO NCAP طبعا اعلى فى الامان ..... شى طبيعى
طبعا ال city ملهاش الاختبرات دى لأنها زى مقلتلك غير معروفة اصلا بره
لسه بتقارن يا مفترى

اهلا بيك ياباشا

هو مش شرط تكون العربية متصنعة فى بلد غير بلدها عشان تبقى تعبانة ولدول العالم الثالث , وبعدين لو على كلامك كانت بقى الكورولا الجنوب افريقى ماتبعش منها حاجة , واكيد كمان حضرتك عارف ان الجيتا والباسات بقوا مكسيكى , والبى ام والمرسيدس مصرى عادى يعنى طالما الموضوع دة بيتم على يد خبراء هوندا ونفس كفاءة المكن والمكونات اصلية خلاص اية المشكلة

بالنسبة لموضوع الثبات انا شايف انهم متقاربين جدا والافضلية للسيتى بس بفرق قليل

ممكن تجرى ياريس 1300 مع سيتى 1300 وشوف مين اللى هيعدى بس الياريس هتجيب توب سبيد اعلى

معلش حضرتك كدة ممكن تقولى اوبشن الياريس اية , لانك اكيد ماتعرفش اوبشن السيتى

وهاتلى ياباشا الفول اوبشن منها وانا هاقولك على حاجات بسيطة بس من اوبشن السيتى مش موجودة فى الياريس اصلا

على فكرة السيتى موجودة فى كل مكان بالعالم دور هتلاقى ياباشا انت مش بتشترى عربية زيستافا دية هوندا

عشان تقول عليها للعالم الثالث والدول الفقيرة على اساس ان العربية عندنا ب2000 جنية دية ماشاء الله سعرها دلوقتى من الموديل الحالى وصل الى 130 الف جنية يعنى تجيب بيهم الياريس موديل السنة ومعاهم عربية مستعملة حديثة بردة

حضرتك ممكن تركب السيتى وتشوف فرق الراحة والرحابة قد اية مقارنة بالياريس دة كفاية تابلوة الياريس اللى داخل على قدم الراكب الامامى لو طويل شوية ولازم يرجع الكرسى وطبعا اللى وراة هيموت

بالنسبة للامان حضرتك ممكن تشوف الفيديوهات دية واحكم بنفسك

دة طبعا خاص للياريس

YouTube - ‪Toyota Camry vs Toyota Yaris - Crash test compatibilitأ. IIHS, Sicurauto.it‬&rlm;

وعموما السيتى برة بتنزل باسم هوندا fit ario

وبردة واخدة اربعة نجوم فى التقييم