الموضوع: يوم صعب مع الهوندا

والله مش عارف اقولك ايه

بص بأختصار كده :

سعر التيل الاصلى فى التوكيل 480 جنيه بدون الضريبة يعنى 520 تقريبا بالضريبة ، وفى نوع تيل عند مجدى الدسوقى ممتاذ انا اول مره اجربة بعد التيل الاصى وماشى بيه 10000 ك لغاية دلوقتى ممتاذ وسعره 270 جنيه
بالنسبة للطانبير المفروض انك تجيب الاصلى طبعا ، لان اكيد الطنابير اللى انت جبتها هى اللى مأثره على قدرة الفرامل
فلتر الهواء سعره مظبوط
بالنسبة للبوجيهات ، بوجيهات العربية دى ngk ارديوم ، ودى بتتغير كل 100 الف كيلو وسعرها 450 جنية من التوكيل بدون ضريبة ، طبعا المفروض متحطش حاجة تانية خالص مكانها، و ده سبب صعف السحب عندك .
وطبعا الكارثة الكبرى موضوع الزيت ، لازم زيت تخليقى موبيل 1 ، شيل الترا ، توتال 9000 ، غير كده حرام عليك

بالنسبة لعلبة الدركسيون ، اللى موجود استعمال فى السوق كله خلع مفيش استيراد، لان كل العربيات اللى بتيجى استيراد بالموتور ال 1800 بيكون الباور بتاعها زيت مش كهرباء ودى علبة دريكسيون مختلفة تماما عن اللى عندنا، لازم تتأكد الاول من ان فى عيب فى علبة الدريكسيون عندك وده عن طريق تجربة بسيطة .. انك تبطل العربية وتهز الدريكسيون جامد يمين وشمال ولو سمعت صوت خبط ده 90% بيكون من علبة الدريكسيون .
ولو هى كلمنى وان شاء الله هوديك عند واحد يصلحها بتكلفة لا تتعدى 450 جنيه وضمان سنة.

المشاركة الأصلية كتبت بواسطة bakser

سلامو عليكم

عاوز اعرف رائيكم فى اللى حصل دة

انا كنت النهاردة عند الميكانيكى هوة كان شغال فى توكيل هوندا وسابه وفتح برة المهم انا روحتلو علشان اظبط السرفيس بتاع العربية المهم قالى عايزة تيل قدام اصلى والاصلى بيعمل 475 المهم بعد شوية لقيتو بيقول ان التنابير بعافية شوية فالتيل الاصلى مش هيعيش المهم جابلى اللى هوة الماليزى ابو 120 جنية وانا دورت على تيل ريمسا قدام مفيش غير الاصلى والماليزى


تانى حاجة غيرلى فلتر هوا ب140 جنية دة الاصلى

وقالى هات بيجوها ngk الاصلى ب 520 جنية وانا كان فيه احد الاعضاء بيقول ان ngk بتبقى رطبة ومش حالوة
المهم قلتلو هات اسبليت فاير او دينسوا قالى لا دول يبوظوا المبينة فهوة قالى على نوع غريب بس مش فاكر اسمة قالى هوة ب 220 دة البديل عن ngk فانا لسة بكرة هروح اجيبلوا البيجوهات

وقالى السيور وبقيت الفلاتر كلهم حلوين مش محتاجين يتعمل فيهم حاجة


المهم الفرق بعد اللى عملة
الفرامل بقت حلوة جدا بس دة تحت 120 لو مشيت بسرعة اكبر بحس ان الفرامل مفيش فرامل وبحس براجة فى الدواسة والتارة رجة جامدة هل دة طبيعى علشان التيل لسة مطبعش ولا ايه

وقالى غير زيت الفتييس المهم جبتلو 3 كيلو زيت بتاع الهوندا الاصلى ب 225 جنية وغيرهولى

المهم بعد ماغير فلتر الهوا وزيت الفتيس العربية نعمت اوى وسحبها حلو بس لما اجى ادى كيك بحسة انه ضعيفة مش زى الاول لما كنت اديلة كيكيا بحس انى راكب حصان وبينط المهم كلمت الميكانيكى وقلتلوا على اللى حصل قالى ان لسه الزيت بيطبع فى الفتيس والورق يشربة بس مدوسش كيكات يوم او اتنين بالكتير هل فعلا كلامة صح ولا ايه

وكمان فى عندى ترزيعة فى الجنب اليمين بس بتيجى وانا ماشى بسرعة واخدت مطب او لو خت مطب جامد فبصلى على الجلب والمساعدين قالى سليمة
قالى دى علبة الدريكسيون بتنزل فية عيب فى 2008 واتعدلت فى 2010 وقالى ان علبة الدريكسيون ب 3500 جنية وقالى ان علبة الدريكسيون ممكن تعد معااك 100000 كيلو

انتوا بقى ياجماعة رايكم ايه فى اللى حصل دة كلو ؟؟