يوم صعب مع الهوندا

**bakser** · 02-07-2011 06:49 AM

سلامو عليكم

عاوز اعرف رائيكم فى اللى حصل دة

انا كنت النهاردة عند الميكانيكى هوة كان شغال فى توكيل هوندا وسابه وفتح برة المهم انا روحتلو علشان اظبط السرفيس بتاع العربية المهم قالى عايزة تيل قدام اصلى والاصلى بيعمل 475 المهم بعد شوية لقيتو بيقول ان التنابير بعافية شوية فالتيل الاصلى مش هيعيش المهم جابلى اللى هوة الماليزى ابو 120 جنية وانا دورت على تيل ريمسا قدام مفيش غير الاصلى والماليزى

تانى حاجة غيرلى فلتر هوا ب140 جنية دة الاصلى

وقالى هات بيجوها ngk الاصلى ب 520 جنية وانا كان فيه احد الاعضاء بيقول ان ngk بتبقى رطبة ومش حالوة
المهم قلتلو هات اسبليت فاير او دينسوا قالى لا دول يبوظوا المبينة فهوة قالى على نوع غريب بس مش فاكر اسمة قالى هوة ب 220 دة البديل عن ngk فانا لسة بكرة هروح اجيبلوا البيجوهات

وقالى السيور وبقيت الفلاتر كلهم حلوين مش محتاجين يتعمل فيهم حاجة

المهم الفرق بعد اللى عملة
الفرامل بقت حلوة جدا بس دة تحت 120 لو مشيت بسرعة اكبر بحس ان الفرامل مفيش فرامل وبحس براجة فى الدواسة والتارة رجة جامدة هل دة طبيعى علشان التيل لسة مطبعش ولا ايه

وقالى غير زيت الفتييس المهم جبتلو 3 كيلو زيت بتاع الهوندا الاصلى ب 225 جنية وغيرهولى

المهم بعد ماغير فلتر الهوا وزيت الفتيس العربية نعمت اوى وسحبها حلو بس لما اجى ادى كيك بحسة انه ضعيفة مش زى الاول لما كنت اديلة كيكيا بحس انى راكب حصان وبينط المهم كلمت الميكانيكى وقلتلوا على اللى حصل قالى ان لسه الزيت بيطبع فى الفتيس والورق يشربة بس مدوسش كيكات يوم او اتنين بالكتير هل فعلا كلامة صح ولا ايه

وكمان فى عندى ترزيعة فى الجنب اليمين بس بتيجى وانا ماشى بسرعة واخدت مطب او لو خت مطب جامد فبصلى على الجلب والمساعدين قالى سليمة
قالى دى علبة الدريكسيون بتنزل فية عيب فى 2008 واتعدلت فى 2010 وقالى ان علبة الدريكسيون ب 3500 جنية وقالى ان علبة الدريكسيون ممكن تعد معااك 100000 كيلو

انتوا بقى ياجماعة رايكم ايه فى اللى حصل دة كلو ؟؟

**SAMEH_FOUAD** · 02-07-2011 10:07 AM

انا رأى فى اللى حصل ان الاسعار هنا وهمية

بوجيهات اية اللى 520 جنية معلش ياباشا انت بوجيهاتك ب95 الاربعة ngk اصلى , ومافيش حاجة اسمها بوجيهات تبوظ الموبينة

عندك الفتيس بياخد 3.25 كيلو زيت سعر اللتر ب40 جنية شوف انت بقى الفرق قد اية

**EK4** · 02-07-2011 06:21 PM

علبة دركسيونك يباشا 100%
سيفيك الجديدة فيها مشكلة في البطاحة بتاعت العجلة الأودام شمال ودي معروفة لأي حد بشتغل في العربية دي
لو سمحت فكك من الميكانكي بيتاعك هيوديك في حتت مش لطيفة بالأسعار والكلام اللي بيأول ده

**elsherif_2000** · 02-07-2011 09:03 PM

المشاركة الأصلية كتبت بواسطة bakser

سلامو عليكم

عاوز اعرف رائيكم فى اللى حصل دة

انا كنت النهاردة عند الميكانيكى هوة كان شغال فى توكيل هوندا وسابه وفتح برة المهم انا روحتلو علشان اظبط السرفيس بتاع العربية المهم قالى عايزة تيل قدام اصلى والاصلى بيعمل 475 المهم بعد شوية لقيتو بيقول ان التنابير بعافية شوية فالتيل الاصلى مش هيعيش المهم جابلى اللى هوة الماليزى ابو 120 جنية وانا دورت على تيل ريمسا قدام مفيش غير الاصلى والماليزى

تانى حاجة غيرلى فلتر هوا ب140 جنية دة الاصلى

وقالى هات بيجوها ngk الاصلى ب 520 جنية وانا كان فيه احد الاعضاء بيقول ان ngk بتبقى رطبة ومش حالوة
المهم قلتلو هات اسبليت فاير او دينسوا قالى لا دول يبوظوا المبينة فهوة قالى على نوع غريب بس مش فاكر اسمة قالى هوة ب 220 دة البديل عن ngk فانا لسة بكرة هروح اجيبلوا البيجوهات

وقالى السيور وبقيت الفلاتر كلهم حلوين مش محتاجين يتعمل فيهم حاجة

المهم الفرق بعد اللى عملة
الفرامل بقت حلوة جدا بس دة تحت 120 لو مشيت بسرعة اكبر بحس ان الفرامل مفيش فرامل وبحس براجة فى الدواسة والتارة رجة جامدة هل دة طبيعى علشان التيل لسة مطبعش ولا ايه

وقالى غير زيت الفتييس المهم جبتلو 3 كيلو زيت بتاع الهوندا الاصلى ب 225 جنية وغيرهولى

المهم بعد ماغير فلتر الهوا وزيت الفتيس العربية نعمت اوى وسحبها حلو بس لما اجى ادى كيك بحسة انه ضعيفة مش زى الاول لما كنت اديلة كيكيا بحس انى راكب حصان وبينط المهم كلمت الميكانيكى وقلتلوا على اللى حصل قالى ان لسه الزيت بيطبع فى الفتيس والورق يشربة بس مدوسش كيكات يوم او اتنين بالكتير هل فعلا كلامة صح ولا ايه

وكمان فى عندى ترزيعة فى الجنب اليمين بس بتيجى وانا ماشى بسرعة واخدت مطب او لو خت مطب جامد فبصلى على الجلب والمساعدين قالى سليمة
قالى دى علبة الدريكسيون بتنزل فية عيب فى 2008 واتعدلت فى 2010 وقالى ان علبة الدريكسيون ب 3500 جنية وقالى ان علبة الدريكسيون ممكن تعد معااك 100000 كيلو

انتوا بقى ياجماعة رايكم ايه فى اللى حصل دة كلو ؟؟

مفيش حاجه في الدنيا اسمها الزيت بيطبع

**bakser** · 03-07-2011 03:34 AM

يعنى الميكانيكى دة بيشنغلنى ان شاء اللة بكرة هشوف دة

طيب البوجيهات اجيبها منين انا الزيت اللى جبتو ياسمسم باشا كان بتاع الهوندا ب 75 الكيلو حطيلى 3 كيلو بس من امبارح للنهاردة العربية سحبها بقى وحش لغاية ماروحت اغير زيت المكنة غيرت كلاتكس 3000 العربية نعمت عن الاول والراجل بتاع الزيت قالى ان زيت الفتيس زيادة بس انا مرضتش اخلية ينقصة

طيب اجيب قطع الغيار دى منين والبوجيهات واروح لميكانيكى مين ساعدونى انا تعبت اوى
انا من المعادى لو فية ميكانيكى كويس فى المريخ اروحلو او اروح التوكيل انصحونى

**maikel_nan** · 03-07-2011 04:29 AM

اولا اسأل عن الاسعار فى التوكيل
ولو حسيت ان الاسعار عالية ممكن تسال عند الراجل اللى بعد كوبرى الدقى مجرد ما بتنزل من الكوبرى باتجاه المهندسين اركن العربية وارجع على رجليك 3 او 4 عمارات
او فى واحد بس انا مجربتوش خلف كنيسة ش مراد
بس ياريت تقول العربية ماشية كام كيلو وموديل كام لانى حاسس انك بتتكلم على عربية شقيانة اوى
وعلى فكرة كان عندى نفس احساسك بالفرامل وان الاى بى اس مش بيوقف العربية بس الموضوع دة بيتحسن كتير مع ظبط الهوا واتحسن معايا اكتر لما زودت الهوا عن الطبيعى كام نمرة كده
وان شاء الله خير

**abf-nassar** · 03-07-2011 05:00 AM

السلام عليكم
من كلامك اخي الفاضل ومن مشاركة اخري لك في المنتدي واضح ان السيارة سيفيك 2008
وانا معي نفس السيارة
للاسف اشك تماما في الميكانيكي اللي قام بهذا العمل واسمح لي ان الومك بسبب عدم صيانة السيارة في التوكيل وهو لوم اخ وليس شيء اخر لا سمح الله
منذ ان قمت بشراء السيارة وجميع الصيانات بيتم عملها في التوكيل ومهما كان التوكيل اغلي قليلا من الخارج الا انه بالنسبة لي ارخص واريح من اي ميكانيكي
بخصوص علبه الدركسيون سبق ان قام التوكيل بتغييرها لي في شهر مارس ابريل الماضي قبل انتهاء الضمان بشهر مع تغيرر البطاحات وكل ذلك في الضمان دون ادفع اي مبالغ مالية نهائي
وبالنسبة لتيل الفرامل هو في التوكيل تقريبا ب 450 جنيه ( مش متذكر الرقم بالضبط ) ممكن يكون اعلي قليلا لاني غيرته في شهر نوفمبر الماضي ولكن من المميزات بالتوكيل انه كشف علي التيل في ابريل الماضي وقرر تغييره علي حساب التوكيل لانه لم يكمل 10000 ك
نصيحة اخ حاول تراجع السيارة في التوكيل افضل لحضرتك
وعلي فكرة انا مش بعمل دعاية للتوكيل ولكن كمية الحاجات اللي اتغيرت في التوكيل علي حسابهم في يوم واحد خلتني احترم الناس اللي هناك

**EK4** · 03-07-2011 09:44 AM

الكلام بخصوص التوكيل صح 100%
بس لو حبت تجيب قطع غيار من المعادي عندك حفني في صقر كوريش
وكيل قطع غيار هوندا وعندو ميكانيكيا
وصراحة انا مجربتش اتعامل معاه ابل كدا خالص بس ممكن نسئل حد اتعامل معاه

**SAMEH_FOUAD** · 03-07-2011 09:50 AM

المشاركة الأصلية كتبت بواسطة bakser

يعنى الميكانيكى دة بيشنغلنى ان شاء الله بكرة هشوف دة

طيب البوجيهات اجيبها منين انا الزيت اللى جبتو ياسمسم باشا كان بتاع الهوندا ب 75 الكيلو حطيلى 3 كيلو بس من امبارح للنهاردة العربية سحبها بقى وحش لغاية ماروحت اغير زيت المكنة غيرت كلاتكس 3000 العربية نعمت عن الاول والراجل بتاع الزيت قالى ان زيت الفتيس زيادة بس انا مرضتش اخلية ينقصة

طيب اجيب قطع الغيار دى منين والبوجيهات واروح لميكانيكى مين ساعدونى انا تعبت اوى
انا من المعادى لو فية ميكانيكى كويس فى المريخ اروحلو او اروح التوكيل انصحونى

انت جيبت منين الزيت دة؟ ومين الميكانيكى دة ؟ وهل انت اديتلة الفلوس وهو يجيب قطع الغيار ؟

ومعلش سعر كالتكس كام اللى انت حطيتة لان ماتورك يمشى ياموبيل 1 لائما شيل اللترا وبيتغير كل 10000 كيلو

وغلط الزيت يبقى ازيد من max او اقل عن العلامة