الموضوع: ** رينو / داشيا - لوجان الان في مصر ! ب 70 الف عفريت يركبهم ! **

طيب عايزين مقارنة فنية عملية بين اللوجان Mcv والأفانزا من جميع النواحي .


ورونا التميز أيها النقاد العظام !

المشاركة الأصلية كتبت بواسطة CryptonX

مقارنة علمية عملية :

تويوتا افانزا = تويوتا - لا اعطال - شكل عادي - حتبيعها بتمنها

رينو / داشيا لوجان = رينو - حتبات في التوكيل - حتبيعها بنصف تمنها .


خلصت المقارنة

المقارنة دى غير واقعية يا كريم للاسباب الاتية

اولا مين قال إن الأفانزا مافيهاش أعطال و هى لم تنتشر حتى الان فى مصر حتى نعرف ذلك و ماتقولش سمعة تويوتا ما هى سمعتها تويوتا برضه و فين فى الكرولا عالية لكن الكرولا الجديدة حتنهى السمعة دى لإن ملاكها مش طايقة سواقتها فى اول شهور لها فى مصر من الفتيس فقط دا غير إللى غير كوبلن فى أول 1000 كم !! .

ثانيا من قال إن سعر إعادة بيع الافانزا عالى !!

ثالثا:عرفت إزاى إن اللوجان حتبات فى التوكيل إذا كان لسه العربية ما تبعتش أصلا علشان نعرف إذا كان فيها اعطال و لا لأ !!

رابعا عرفت إزاى إنها حتتباع بنصف تمنها كل عربية و لها ظروفها

على فكرة انا مش فارقة معايا العربية دى أصلا لكن من الظلم الحكم على العربية بالفشل قبل ما نشوف حتعمل إيه و بعد تجربتها لفترة فى مصر و خاصة ‘نها عاملة مبيعات ضخمة فى كل الدول إللى نزلت فيها

المشاركة الأصلية كتبت بواسطة CryptonX

مش زي الكليو و علي الاقل الفرنا و الباليو و اللانوس و الاسبرانزا بيتاعوا بتمن كويس علي عكس الكليو .

ما هو طبعا المشاكل إللى فى العربيات دى كانت اكتر من الكليو
بالنسبة لإعادة بيعها أحسن من الكليو علشان صعب إنه تلاقى واحد بيفهم فى الكليو مش عيب فى العربية يعنى :)

المشاركة الأصلية كتبت بواسطة أبو عبدالله

ايه يا احمد
ما انت لما حد بيقول على مشكله واحده في الميجان من اي واحد بس
بتقول ان العربيه حلوه ومشكله واحده لا تعمم على العربيه
يبقى علشان واحد قال انه هيغير كوبلن للعربيه تبقى العربيه كلها وحشه
وبعديندي حاله واحده سمعناها بس

كلام مظبوط يا ابو عبدالله بس الكلام دا لما يكون عندنا فى المنتدى كتير جايبنها وو احد فقط إللى سمعنا منه المشكلة دى تبقى حالة فردية
لكن دا كلهم تقريبا 3 أو 4 و لما نلاقى واحد بيقول كده يبقى النسبة كده عاليه و لا إيه :)
على العموم العربية برضه مالحقتش تستعمل علشان نعرف دى مشكلة عامة ولا فردية و رغم كده معظم ملاكها مش راضيين عنها

المشاركة الأصلية كتبت بواسطة أبو عبدالله

اما موضوع النتشه فده قولنا انه موجود في كل التيب ترونيك كله
والله اعلم ممكن يكون هيتحل عالطول
العربيه لسه مكملتش كام شهر مش كام سنه والمشكله لسه موجوده

ما هى المشكلة إنها مش نتشة يا ابو عبدالله دا تأخير واضح و مزعج فى النقلة و سحب العربية كمان و فى الأخر التوكيل قال إن دا نظام الموتور الجديد أبو 142 حصان يعنى ما عندوش حل ليها و ممكن تراجع فى ساحة تويوتا كان فيه واحد عايز يبعت شكوى لتويوتا بره علشان الكلام دا

المشاركة الأصلية كتبت بواسطة أبو عبدالله

اما الكلام على اللوجان دي
فانا شوفتها وركبتها
العربيه والله ثم والله عامله زي العربيه الصيني الغير جيده كمان
تقفيل اردئ ما يكون وعربيه ساده بطريقه مستفزه
بالظبط اكنك راكب عربيه قديمه من السبعينات بس لسه زيرو
ده غير الشكل السئ جدا جدا من هنا للصبح
وانا أؤكد ان الصور خادعه جدا للحقيقه
انا عني بصراحه اشتري الأفانزا ومشتريش العربيه دي

أنا معاك يا ابو عبدالله إن تقفيلها مش حلو قوى بس مع إحترامى ما هى نازلة لفئة معينة معظم العربيات فيها تقفيلها مش قوى و ماتنساش برضه إن إللى جاية دى من رومانيا مش من المغرب يعنى فيه برضه معايير جودة أوربية مش صينية إللى معظم إللى بيجى مصر مافيهوش معايير جودة أصلا و سعرها مناسب جدا لفئتها
يعنى من الاخر هاتلى عربية 1600 سى سى فيها الكماليات دى و إيرباج للسائق و كمبيوتر معلومات و ضمان 3 سوات أو 100 الف كم و أوربى بنفس السعر دا

على فكرة يا أبو عبدالله الأفانزا تقفيل أندونيسى و ماعملتش مبيعات نهائيا لإنها أولا كانت 1300 سى سى و 1500 سى سى منها كانت فوق 100 الف و كمان كان معروفه من كل إللى شافها إن تقفيلها سئ جدا لدرجة إن كل إللى شافها قال إنها ملهاش علاقة بتويوتا .

و فى الأخر يا أبو عبدالله انا ماليش مصلحة خالص فى إنها تتباع و لا لأ لكن بقول رأى فقط