سؤال من متعلم ... العربية بتهدي في الغيارات

**koko616** · 02-07-2011 07:11 PM

انا لسه مخلص مدرسة السواقة و كده

و بتمشى شوية بعربية والدي

بس عندي حاجتين مضايقني شوية

اني مثلا اكون ماشي على 40 على التاني يعني ... و صوت الموتور بيعلى فلما اجي اغير التالت بسيب البنزين و ادوس دبرياج و اغير للتالت ... فبتكون السرعة قلت لحوالي 20 و شوية ... و بعدين بعد ما بغير برجع ادوس بنزين تاني فالسرعة بتزيد ... ليه بقى كده ؟؟؟ في حاجة انا بعملها كده غلط ؟؟؟ مع العلم ان و انا في التاكسيات بلاقيهم بينقلوا من التاني للتالت للرابع من غير ما العربية تهدى خالص !!! ( نوع العربية فيرنا )

و الحاجة التانية اني لما اكون مثلا ماشي على التالت و تيجي اشارة ... بهدي السرعة و اقف عند الاشارة و امور ... و بعدين بجهز نفسي و في نفس الوقت و انا دايس على الدبرياج بجيب الاول و اول ما تفتح الاشارة بشيل رجلي من على الدبرياج واحدة واحدة فالعربية بتطلع براحة اووووي و اللي ورايا بيفضل يزمر ... و كل اللي جنبي بيجري اول ما الاشارة تفتح و في مرة جربت اشيل رجلي بسرعة من على الدبرياج العربية بتفصل

على اعرف بقى ايه اللي انا بعمله غلط في الحاجتين ؟؟

**Amr Axel** · 02-07-2011 07:31 PM

اولا : قبل ما اتكلم الفيرنا من العربيات في طلعتها بتبقي عايزة تنط او يعني بتبقي عايزة تجري في اولها

بالنسبة للنقلة العيب منك لأنك بتعمل حاجة من الاتنين
ياما عقبال ما بتنقل الغيار بتكون العربية هديت و ده معناه انك محتاج سرعة في النقلات و ثقة بالنفس
ياما انت بتجري بالعربية و فجأة تشيل رجلك من ع البنزين فهتلاقي العربية كانها هتنط و هديت فالحل انك اول ما تشيل رجلك من ع البنزين تحط رجلك ع الدبرياج عالطول و بنعومة يعني مش كانك بتشد

بالنسبة للمشكلة التانية فده برده عيب من رجلك لسه الطالعة عندك فيها مشاكل لأنك بتاخد وقت عشان تشيل رجلك من ع الدبرياج و تحطها ع البنزين و بالتالي بتاخد وقت
و الحل فديه انك تاخد العربية في باركينج فاضي و تتمرن ع الطلعات يعني تطلع و تقف تطلع و تقف و تخيل انك في اشارة و الاشارة وقفت و تفتح و تقفل و تفتح و كله يطلع كده يعني
و بعد ما تبقي تمام في الطلعة و الوقفة تتمرن انك تبقي اسرع في نقل الغيار مع شيل رجلك من ع البنزين و تحطها ع الدبرياج و العكس

معلش هو الموضوع في الأول كده لكن بعد كده هتلاقي الموضوع مشي معاك توماتيكي توماتيكي هههههه
و اي استفسار تاني اسال يا ريس يلا فرصة اوكازيون الاأونا....الادويي ههههههه

**A.Saad** · 02-07-2011 08:54 PM

اول نقطة الترتيب كالاتى
ارفع بنزين
دوس دبرياج
وانت بترفع دبرياج تدوس سنة بنزين

**abdoelshazly** · 02-07-2011 09:00 PM

ف الحالتين عيب سواق

الاولى:- مش تدى الغيار اكبر من طاقته يعنى مثلا التانى اخره معاك ال30 ومش تخلى صوت المتور يعلى اوى معاك .

اول ما تحس صوت المتور بدأ يعلى ادى الغيار اللى بعده علطول

تانى حاجه :- وانت بتطلع متدوسش بنزين جامد وسيب دبرياج واحده واحده ووازن بين الاتنين الحاجات ديه كلها ان شاء الله بالممارسه هتتظبط معاك مش تقلق

**mostafa mahmod** · 02-07-2011 11:53 PM

المشاركة الأصلية كتبت بواسطة Axel

اولا : قبل ما اتكلم الفيرنا من العربيات في طلعتها بتبقي عايزة تنط او يعني بتبقي عايزة تجري في اولها

بالنسبة للنقلة العيب منك لأنك بتعمل حاجة من الاتنين
ياما عقبال ما بتنقل الغيار بتكون العربية هديت و ده معناه انك محتاج سرعة في النقلات و ثقة بالنفس
ياما انت بتجري بالعربية و فجأة تشيل رجلك من ع البنزين فهتلاقي العربية كانها هتنط و هديت فالحل انك اول ما تشيل رجلك من ع البنزين تحط رجلك ع الدبرياج عالطول و بنعومة يعني مش كانك بتشد

بالنسبة للمشكلة التانية فده برده عيب من رجلك لسه الطالعة عندك فيها مشاكل لأنك بتاخد وقت عشان تشيل رجلك من ع الدبرياج و تحطها ع البنزين و بالتالي بتاخد وقت
و الحل فديه انك تاخد العربية في باركينج فاضي و تتمرن ع الطلعات يعني تطلع و تقف تطلع و تقف و تخيل انك في اشارة و الاشارة وقفت و تفتح و تقفل و تفتح و كله يطلع كده يعني
و بعد ما تبقي تمام في الطلعة و الوقفة تتمرن انك تبقي اسرع في نقل الغيار مع شيل رجلك من ع البنزين و تحطها ع الدبرياج و العكس

معلش هو الموضوع في الأول كده لكن بعد كده هتلاقي الموضوع مشي معاك توماتيكي توماتيكي هههههه
و اي استفسار تاني اسال يا ريس يلا فرصة اوكازيون الاأونا....الادويي ههههههه

انت قلت اللى انا كنت هقوله بالظبط