اقتباس:
تحياتى لك يا ايهاب باشا وعلى الافادة الهايلة ده .وجزاكم الله كل الخير ،،
- طيب كده انا فهمت ان الثرموستات ده هى المسئولة عن ثبات درجة حرارة المحرك وبمعنى اخر ان ما فيش حاجة اسمها درجة حرارة اقل من النصف سواء كان بالليل او فى الجو المعتدل المفروض انها على طول فى المنتصف صح كده ؟
مظبوط كدة- طيب هل فيها قدرات مختلفة ولا ماركات او انواع مختلفة يعنى اقول للمحل اية وانا بشتريها اسمها الدارج ايه واية ماركتها وسعرها فى حدود كام ؟
حضرتك بتشتريها من عند بتاع قطع الغيار واسمها شجرة المياة وخلي بالك بتبقي جزئين بيركبوا في بعض بمسامير
- هل هى مرئية ولا بتكون داخل شجرة المياه نفسها وغير واضحة الى عند فك شجرة المياه ؟
الثرموستات داخل الشجرة والفيشة بتاعته بس هي الي من برة طبعا
- فى حالة تبديلها كده يبقى اكيد هنزل المياه كلها يبقى وقتها اجيب مياه مقطرة منين بتباع فين وبكام ؟
مش مياة كتير الي هتنقص
ولو هتغير المياة بمياة مقطرة يبقي لازم تنزل كل مياة الردياتير وتغسل الدورة بالكامل
- هل عملية التبديل ده بتاخد وقت ؟
- طيب وبخصوص انسداد فى دورة التبريد ده بيتعرف ازاى وبيتكشف عليه ازاى وحله بيكون اية ؟
اي حد بتاع ردياتير ممكن يكشف عليه ويعرف في انسداد في المواسير ولا لاء وبيسلكها
- وبالنسبة لثرموستات الريداتير ده بتكون فين بداخله ايضا ولا مكنها واضح من الخارج وازاى بيتكشف عليها وسعره كام ؟
ثرموستات الردياتير بيبقي من الخارج وبيتغير بمفتاح 17 بس بينزل كل مياة الردياتير
فالأحسن تعمل كل الحاجات دي مرة واحدة وبعد ماتخلص خالص ممكن تغير المياة وتجيب المياة المقطرة
أهتقد زجاجة المياة المقطرة 1 لتر ب 2 جنيه