موضوع للمناقشة بخصوص سخونه السيارة

**egman** · 02-07-2011 08:20 PM

السلام عليكم ورحمة الله وبركاته

انا معايا ايبيزا موديل 94 1400 سي سي انا بحط للعربية مياه عادية وهى غير مكيفة .
انا وانا على سرعات زي 120 مثلا فى الظهر مؤشر الحرارة بيعلى عن المنتصف بحوالى شرطتين اول ما بنزل عن السرعه ده المؤشر بيرجع تانى على النصف ,ويمكن اقل الكلام ده اثناء الظهيرة تحديدا ولكنن الكلام ده ما بيحصلش بليل او الصبح بدرى واوقات تانية اثناء الظهيرة ما بحصلش الموضوع ده خالص وبتكون العربية تمام .

والسؤال هنا :

اية الى ممكن يكون السبب علماً بانه المياه لا تنقص ابدأ يعنى كل شهر تقريبا بزود قليل جدا جدا جدا ؟
اية الاجزاء الى فى العربية الى ممكن تاثر على حرارة العربية سواء كانت حساسات او اى جزء داخل السيارة ممكن ياثر زي المراوح او الريداتير او اى حاجة له علاقة بموضوع الحرارة ده ؟
هل نوع المياه بيفرق فى الموضوع انا اسمع انه فية مياه حمرا وخضرا اية الفرق وانه المناسب للسيارة وهل بيفرق فى الحرارة ولا لأ وهل له علاقة بالموضوع بتاعى ولا لأ علما بان موضوع الحرارة ده جديد على العربية من بعد الصيف بشوية وفى اثناء الظهيرة ، واقصد انى بحط مياه عادية ومكتش بتعمل كده ؟
اية هى الصيانات الى بتتعمل علشان عوامل السخونة ده ، يعنى فى حاجة من ضمن الصيانات تتعمل علشان ضمان اداء الاجزاء المؤثره فى موضوع سخونة العربية ، او هل للاجزاء المؤثرة على السخونه وتبريد العربية بتتعمل بصورة دورية للمحافظة على تبريد العربية

مع خالص تحياتي ،،

**egman** · 02-07-2011 08:34 PM

وقبل الموضوع ده الطبيعي انه وانا ماشي انه مش شرط المؤشر يكون على النص بس لأ كان ممكن بينزل قبل النص بشوية او ما بين النصف واول شرطة فى عداد السخونة وبيرجع للنص تانى وبينزل تانى للشرطة الى قبل النص او ما بين الشرطة الى قبل النص وشرطة النص وده بيكون وقت بليل او الفجر اما فى الظهيرة كان العادى انه بيفضل ثابت على النص هل ده طبيعي صعود ونزول المؤشر من النص الى الاقل والى النص مرة اخرى وطبعا ده مش بيكون بسرعه بيكون على فترات واان سايق مشوار طويل ؟

**SYD** · 02-07-2011 10:46 PM

اولا بالنسبة لموضوع الحرارة وانت ماشي علي طريق سريع
المفروض الحرارة تبقي ثابتة لا تزيد ولا تقل

ودة بيبقي بسبب ان في شجرة للمياة واخدة من الردياتير ورايحة للموتور وفيها طبعا راجع
الشجرة ليها بوابة بتفتح لتسمح بمرور المياة وتقفل لمنع مرور المياة
البوابة علي ثرموستات
البوابة دي وظيفتها انها تحتفط بالمياة داخل الموتور بدرجة حرارة معينة
ولما المياة داخل الموتور تسخن تفتح البوابة وتسمح بمرور المياة وتقوم بالتبريد من الردياتير ولما توصل للدرجة المطلوبة ترجع تقفل وهكذا
وطبعا دي للحفاظ علي درجة حرارة الموتور الطبيعية للتشغيل

افحص هذه الشجرة واكشف علي الثرموستات بتاعها

ولو عايزة تتغير غيرها

والله المستعان
،
،

**egman** · 03-07-2011 10:52 AM

جزاكم الله كل الخير

حضرتك تقصد الحساس الى هو زي الفيشة الى على شجرة الميه هو ده المسئول عن العملية ده ؟

اما بخصوص الكشف على شجرة المياه لو فيها اى تسريب هيبان فى نقصان المياه لكن المياه لا تنقص انا تقريبا كل الف كيلو او اكتر على ما ازود اقل من شربة ماء صغيرة :) حلو شربة ماء ده .

انا احساسي انها فعلا تعليقة او تهيسه فى حساس او ثرموثتات ...
فى انتظار رد باقى الاعضاء على كل الاسئلة وجزاكم الله خيرا

**ehab_mansour** · 03-07-2011 12:21 PM

المشاركة الأصلية كتبت بواسطة egman

السلام عليكم ورحمة الله وبركاته

انا معايا ايبيزا موديل 94 1400 سي سي انا بحط للعربية مياه عادية وهى غير مكيفة .
انا وانا على سرعات زي 120 مثلا فى الظهر مؤشر الحرارة بيعلى عن المنتصف بحوالى شرطتين اول ما بنزل عن السرعه ده المؤشر بيرجع تانى على النصف ,ويمكن اقل الكلام ده اثناء الظهيرة تحديدا ولكنن الكلام ده ما بيحصلش بليل او الصبح بدرى واوقات تانية اثناء الظهيرة ما بحصلش الموضوع ده خالص وبتكون العربية تمام .

والسؤال هنا :

اية الى ممكن يكون السبب علماً بانه المياه لا تنقص ابدأ يعنى كل شهر تقريبا بزود قليل جدا جدا جدا ؟
ثرموستات الكوعه زي مما وضح المهندس سيد فوق وده عبارة عن ثرموستات ميكانيكي يعني مفيهوش وصلات كهرباء و موجود داخل شجرة المياة ووظيفته بيخلي دروة المياة مغلقه داخل المحرك طول ما درجة الحرارة أقل من 85 مثلا وده علي حسب تصميم الثرموستات ودرجة حرارة فتحه وغلقه ولما بتزيد درجة الحرارة عن مثلا ال 85 بيفتح دورة المياة لتمر بالرادياتير ومنها للمحرك للتبريد و ده بيحصل دائما وانت ماشي
اية الاجزاء الى فى العربية الى ممكن تاثر على حرارة العربية سواء كانت حساسات او اى جزء داخل السيارة ممكن ياثر زي المراوح او الريداتير او اى حاجة له علاقة بموضوع الحرارة ده ؟
الأجزاء هي :- ثرموستات الكوعه او (الشجرة) - ثرموستات الرادياتير و المسئول عن تشغيل المراوح ممكن يكون بيشتغل متأخر وعلي درجة حرارة أعلي - انسداد في دورة المياة
هل نوع المياه بيفرق فى الموضوع انا اسمع انه فية مياه حمرا وخضرا اية الفرق وانه المناسب للسيارة وهل بيفرق فى الحرارة ولا لأ وهل له علاقة بالموضوع بتاعى ولا لأ علما بان موضوع الحرارة ده جديد على العربية من بعد الصيف بشوية وفى اثناء الظهيرة ، واقصد انى بحط مياه عادية ومكتش بتعمل كده ؟
موضوع نوع المياة ده انا اتكلمت فيه أكتر من مرة وجربت كل أنواع المياة و الألمان بيحطو في عربياتهم مياة حمراء ألماني و بتتخفف بمياة مقطره عادية بدون أملاح طبعا وهتكلم عن تجربتي لأنواع المياة مرة أخري في هذا الموضوع
اية هى الصيانات الى بتتعمل علشان عوامل السخونة ده ، يعنى فى حاجة من ضمن الصيانات تتعمل علشان ضمان اداء الاجزاء المؤثره فى موضوع سخونة العربية ، او هل للاجزاء المؤثرة على السخونه وتبريد العربية بتتعمل بصورة دورية للمحافظة على تبريد العربية

مع خالص تحياتي ،،

شوف انت بيحصل معاك حاجتين ضد بعض الأولي هي ارتفاع درجة الحرارة مع القرص علي العربية و ده قلتك قبل كده انه طبيعي وان شاء الله هصورلك الجزء ده بشرحه من كاتالوج عربيتي وهرفعهولك
والحاجه التانية هي نزول الحرارة مع السفر وقت الفجر او اي وقت فيه الجو معتدل غير وقت الظهيرة وده بيكون سببه عدم وجود ثرموستات الشجرة اللي قلتلك عليه فوق اوتعطل عمله (معظم الميكانيكية اللي مبيفهموش بيشيلوه وبيقلك عشان العربية متسخنش منك ) و المسئول عن غلق الدورة داخل المحرك وقت نزول الحرارة عن معدلها الطبيعي بسبب زيادة التبريد مع دفع الهواء للرادياتير

**ehab_mansour** · 03-07-2011 12:28 PM

المشاركة الأصلية كتبت بواسطة egman

جزاكم الله كل الخير

حضرتك تقصد الحساس الى هو زي الفيشة الى على شجرة الميه هو ده المسئول عن العملية ده ؟

ده حساس الحرارة و وظيفته الوحيدة هو اعطاء اشارتين كهرباء لتوضيح درجة حرارة المحرك واحدة بتروح لكنترول السيارة و الأخري للعدادات و منها لمؤشر الحرارة اللي قدامك
والحساس ده عبارة عن monitor فقط وليس له تأثير رفع او خفض

اما بخصوص الكشف على شجرة المياه لو فيها اى تسريب هيبان فى نقصان المياه لكن المياه لا تنقص انا تقريبا كل الف كيلو او اكتر على ما ازود اقل من شربة ماء صغيرة :) حلو شربة ماء ده .

الكشف علي ثرموستات الحرارة الميكانيكال اللي داخل الشجرة وليس الشجرة نفسها... اكيد فهمتني

انا احساسي انها فعلا تعليقة او تهيسه فى حساس او ثرموثتات ...
فى انتظار رد باقى الاعضاء على كل الاسئلة وجزاكم الله خيرا

بالضبط ممكن يكون الثرموستات الميكانيكال معلق بس و محتاج يتغير

**ehab_mansour** · 03-07-2011 12:39 PM

المشاركة الأصلية كتبت بواسطة alzelafy

محتاجين افادة عن الميه الخضرا او الحمرا للابيزا 98 مدى التركيز بتاعها ايه انا شفت جركن سعودى تركيزة 40 فى الميه دا صح و لا غلط

شوف باختصار ومن غير كلام كتير في القصة دي لأنها قتلت بحثا من قبل
كل أنواع المياة او أكثرها اللي موجودة في السوق دي بمختلف تركيزها منها المضروب ومنها الأصلي احنا هنا في مصر مش محتاجينها
انا جربت الخضراء و الحمراء و كله... كل الألوان دي و الا ضافات دي لرفع درجة تجمد المياة وده في البلاد اللي بيتنزل فيها درجة الحرارة تحت الصفر و ده عشان تحافظ علي المياة متتجمدش داخل المحرك وبس
انا شخصيا بعد تجارب بحط فقط مياة مقطرة خالية من الأملاح (مياة تكثيف التكييفات او بشتري مياة مقطرة ) وده للمحافظة علي أجزاء المحرك من التأكل و الانسداد و الصدأ بسبب الأملاح الموجودة في مياة الشرب اللي بنشربها ولو حبيت تضيف عليها يبقي تشتري مثلا زجاجه مياة حمراء ألماني و تكمل عليها مياة مقطرة و تزود بعد كده مياة مقطرة باستمرار وتريح دماغك

ملحوظة :- معظم أنواع المياة الملونة المباعة في جراكن دي مضروبة
ملحوظة :- استخدام مياة الحنفية في التبريد خطر جدا جدا علي محرك السيارة و دورة التبريد بكل مكوناتها

**SYD** · 03-07-2011 12:52 PM

المشاركة الأصلية كتبت بواسطة ehab_mansour

تشتري مثلا زجاجه مياة حمراء ألماني و تكمل عليها مياة مقطرة و تزود بعد كده مياة مقطرة باستمرار وتريح دماغك

طب المياة الحمرا الألماني دي تتجاب منين ؟؟؟؟؟ ونوعها ايه ؟ والجركن كام لتر ؟؟؟ وتمنه كام ؟؟؟ وجزاكم الله خير ؟؟؟؟

والله المستعان
؟
؟

الموضوع: موضوع للمناقشة بخصوص سخونه السيارة

LinkBack

أدوات الموضوع

عرض

-

-

-

-

-

المواضيع المتشابهه

موضوع للمناقشة .. ليه ستروين لا ؟

موضوع للمناقشة بخصوص مفتاح الجين2

موضوع للمناقشة اصحاب الواجا الجين 2 البرسونا الساجا بخصوص العزل

موضوع للمناقشة

موضوع للمناقشة.......هام

الكلمات الدلالية لهذا الموضوع

المفضلات

المفضلات

ضوابط المشاركة