تحياتى لك يا ايهاب باشا وعلى الافادة الهايلة ده .
  1. طيب كده انا فهمت ان الثرموستات ده هى المسئولة عن ثبات درجة حرارة المحرك وبمعنى اخر ان ما فيش حاجة اسمها درجة حرارة اقل من النصف سواء كان بالليل او فى الجو المعتدل المفروض انها على طول فى المنتصف صح كده ؟

  2. طيب هل فيها قدرات مختلفة ولا ماركات او انواع مختلفة يعنى اقول للمحل اية وانا بشتريها اسمها الدارج ايه واية ماركتها وسعرها فى حدود كام ؟

  3. هل هى مرئية ولا بتكون داخل شجرة المياه نفسها وغير واضحة الى عند فك شجرة المياه ؟

  4. فى حالة تبديلها كده يبقى اكيد هنزل المياه كلها يبقى وقتها اجيب مياه مقطرة منين بتباع فين وبكام ؟

  5. هل عملية التبديل ده بتاخد وقت ؟

  6. طيب وبخصوص انسداد فى دورة التبريد ده بيتعرف ازاى وبيتكشف عليه ازاى وحله بيكون اية ؟

  7. وبالنسبة لثرموستات الريداتير ده بتكون فين بداخله ايضا ولا مكنها واضح من الخارج وازاى بيتكشف عليها وسعره كام ؟


وجزاكم الله كل الخير ،،