الموضوع: موضوع للمناقشة بخصوص سخونه السيارة

المشاركة الأصلية كتبت بواسطة egman

الف شكر ليك أ/ syd



جزاك الله كل الخير / ايهاب باشا الله يكرمك ويبارك فيك

1. وزي ما حضرتك وضحت فى الصورة هو بالفعل كده الى بيحصل معايا لما بتعدى النصف ويمكن اقل شوية كمان اما فى الوقت المعتدل في الجو لو تاخد بالك فى الصورة هتلاقى ما بين الصفر و 90 فى شرطة فى المنتصف ما بينهم انا معظم الوقت بيكون مؤشر الحرارة على الجزء ده او يوصل للمنتصف عند زيادة السرعه ويرجع تانى مكانه فى النقطة ده وبرده وانا على سرعه بس لدقايق بسيطة ويرجع لنفس النقطة ده تانى او اعلى منها او اقل من المنتصف بشرطتين وهكذا الإ فترة الظهيرة ده الدنيا بتختلف .
   طبيعي ومافيش مشكلة من وجهة نظري ولكن طالما بتقلق كتير يبقي تعمل اللي اتقال فوق وان شاء الله مافيش مشكلة حتي لو ملقيتش عندك حاجه بايظة
   
2. لكن قولى يا باشا هو المؤشر لازم لازم لازم يكون فى المنتصف بالضبد سواء كان باليل او الفجر او فى الشتاء او عز الحر ولا بتختلف وتختلف ازاى فى اى من الاوقات السابقة ؟
   شوف هو المفروض يكون في النصف او يقل قليللا او يزيد قليلا وبس ولو اختلفت معاك القراءات عن عربية تانية لنفس الظروف فممكن يكون زي ما حصل معايا قبل كده وهو ان حساس الحرارة اللي في الشجرة و اللي بيعطي الاشارة للمؤشر و للكنترول قيمة مقاومته المتغيره حسب درجة الحرارة اختلفت بسبب طول عمره و كثرة تعرضه للحرارة ومتقلقش مش هتعملك مشكلة ولو انت دقيق قوي وعايز كل شيء بالضبط يبقي تغير الحساس ده و هتلاقي المؤشر انتظم ووصل النصف بالضبط وثبت عليها ولكن انا بقلك كفاية مصاريف وكبر دماغك لأني غيرته قبل كده ولم يؤثر بشيء سوي تغير قيم المؤشر تغير طفيف مع اختلاف درجات حرارة التشغيل .... فهمني
   
3. وحاجة تانية اخيرة هل هذة الثرمثتات موصله بفيشة خارج الشجرة ولا بتاخد كهربة ازاى ولا هى جزء ميكانيكي مش بياخد كهرباء خالص وان الفيشة الوحيدة او الكهربة الى موجودة فى شجرة الميه هى فيشة حساس الحرارة الى حكتلى عنه وبس مش هو ده كده الجزء بتاع الشجرة الى بيون فيه حساس الحرارة الى بتكون على يمين الموتور وانت واقف اما الكبوت كده الى بيكون رقم الموتور تحتها بشوية هى ده الشجرة وله الفيشة الى طالعه ده اسمها حساس الحرارة الى بيودى اشارة لمؤشر الحرارة علشان يعلى وينزل ؟

ثرموستات الكوعه او شجرة المياة ميكانيكال وليس كهربي و مش متوصل فيه اي شيء وملهوش فيشه وموجود في مسار خروج المياة من المحرك للرادياتير

ثرموستات الرادياتير واصلة فيشة رباعية الأطراف

حساس الحرارة و اللي موجود في نفس الشجرة ولكن عند مسار دخول المياة للمحرك و الراجعه من الرادياتير لو فيشه رباعية الأطراف و تيله للتثبيت في الشجرة وبس

المشاركة الأصلية كتبت بواسطة egman

الف شكر ليك يا باشا

وبجد انا بعانى من موضوع الوسوسة ده ومش عارف ازاى اتخلص منه وكتير الميكانيكي يوقلى انت ليه قلقان اكتر من اللازم انت ما عندكش حاجة وكتير اروحلة يقولى امشي يا باشا وبطل قلق مش عارف ازاى الواحد يتخلص من الموضوع ده .

جزاك الله كل الخير وعلى فكرة من يومين كنت مع واحد حبيبك أ / محمد مبارك اتقابلنا صدفة عند الميكانيكي بنعمل الصيانة جنبك والراجل بيعزك جدا جدا .

ربنا يكرمك ويكرمه طيب عدي يا سيدي طالما جنبنا طيب انا قاعد في البيت كتير اليومين دول قول وانا أقابلك حتي وربنا يكرمك ويكرمه وعلي فكره هو أحمد وليس محمد ولكن مش هتفرق ههههههه

بالنسبة لموضوع القلق ده فعايز أقابلك ولما نتقابل هقلك علي وصفه هتريحك من القلق نهائي ههههههههههه
ان شاء الله
بس لما نتقابل ههههههههههههههه عشان أشوقك و أخليك تيجي ههههههههه