الموضوع: مسعدة في تسقيط متور للريجاتا وياريت لو أنجكشن

المشاركة الأصلية كتبت بواسطة subzero772

سلام عليكم

عاوز أسقط متور تمبرا علي فيات ريجاتا من غير أي تعديييل خالص فأية المتور ألي ينفع
و مواصفاتة
وعوزة بالتكيف
يعني شديد ويستحمل
ويكون قطع غيارة متوفرة
ومش معقد

هتالولي هاات بتاع ريجاتا
هاولك عاوز واحد من الموديالات الحديثة عشان يبقي نضيف ويستحمل التكيف

الماتور الى هينفعك ماتور التمبرا 1600 كربراتير لان الانجكشن مش هيشتغل عندك عشان له تظبيط وضفيره خاصه بيه فخليك فى العاده
ولم تجيبه هاتو كامل بمعنى الكمبروسير يكون راكب طرمبه البور وسعره هيكون 2000 او 2200 انت وشطرطك وموجود بكثره فى عزبه شلبى
بخصوص التكييف انت هتشوف واحد بتاع تكيفات هيقول لك اذا كان التلاجه الى بتركب تحت التبلوه بتاعت الرجاتا هتمشى ويظبط لك الدنيا لان كل الى بيجى مع الماتور من ادوات التكييف الكمبروسر
وقطع غيار الماتور متوفره ورخيصه نسبين والشغل فيه سهل مش معقد

فيه موتور ريجاتا 100s اللى هو 1600 سى سى 2 كامه و يعمل بنظام الهاف انجكشن (رشاش واحد و حقن نقطى) بيطلع 100 حصان
و اساسا بيجى معاه طمبوره سير التكييف لان العربيه دى مكيفه و اكيد معاه الكونترول بتاعو و الضفيره

تركيبه هيستلزم الغاء الكاربيراتير العاده و تعديل فى الضفيره علشان الكونترول مختلفه لكن صدقنى اداء العربيه بعد تركيبه هيختلف تماماً

لو لقيته هتلاقيه فى بورسعيد و احتمال ضعيف فى الحرفيين او عزبه شلبى و لن يقل ثمنه عن 3000 جنيه

فيه عندك 3 خيارات

مكنه لانشيا 1600 ديدرا
مكنه ريجاتا 100s 1600 100 حصان و ديه سعرها 3200 و هتغير طنابير و صره و كبلان و بتيجي مع الكمنه عامه
مكنه ريجاتا 2000cc و سعرها 4300 و موجوده في عزبه شلبي و ده قوته 115 حصان

بس انا عن نفسي عملت حاجات كتير في ريجاتا بس احسن حاجه وصلتلها تعديل في المكنه الاصليه بس تعديل في حاجات كتير و كانت غبيه و مفتريه و عزم غبي و 200 كيلو بتيجي كده وقتي....وانا والله ما بحوور بس ناس كتير اوي مكنوش مصدقين العربيه ازاي بتتشألب كده

يلا زمان بقي....ربنا يخليلي الهوندا :)