سؤال في أسعار الزيوت

**Zika9909** · 03-07-2011 12:35 PM

أنا سألت في بنزينتين "تعاون" عن سعر زيت 3000 كيلو، في أول بنزينة قال لي بـ 67 جنيه أما البنزينة الثانية قال لي بـ 55 جنيه و زيت 5000 كيلو بـ 67 جنيه !!!
طب أنا أصدق مين فيهم؟ مع العلم إن البنزينتين "تعاون" و هما الاتنين في نفس المنطقة و نفس الشارع و المسافة بينهم لا تتعدى 1 كم، أكيد واحد فيهم حرامي يا إما الأول بيغلي السعر يا إما الثاني هيبيع لي حاجة مغشوشة.
أرجو الإفادة.

**essamenen** · 03-07-2011 03:47 PM

التعاون xpl sl انا لسه شاريه من اسبوع 74 جنيه مواصفاته apl sl وهو الى بيمشى 5000 كيلو وهو نفس المواصفات الى فى موبل 5000 اهم حاجه تشوف المواصفات اى الحرف الى بعد s كل لما يبعد فى الترتيب يبقى افضل يعنى a ثم b ثم c وهاكذا
يعنى m افضل من l و l افضل من g

**Zika9909** · 03-07-2011 04:26 PM

المشاركة الأصلية كتبت بواسطة essamenen

التعاون xpl sl انا لسه شاريه من اسبوع 74 جنيه مواصفاته apl sl وهو الى بيمشى 5000 كيلو وهو نفس المواصفات الى فى موبل 5000 اهم حاجه تشوف المواصفات اى الحرف الى بعد s كل لما يبعد فى الترتيب يبقى افضل يعنى a ثم b ثم c وهاكذا
يعنى m افضل من l و l افضل من g

ألف شكر، أنا ماكنتش أعرف حتة الحروف دي خالص.
أنا غالبًا هحط زيت من البنزينة الثانية لأن أنا بصراحة مش مقتنع إن زيت تعاون 3000 كيلو بـ 67 جنيه، ده حتى الزيت إللي حضرتك حطيته 5000 كيلو sl (يعني مواصفاته كويسة) و بـ 74 جنيه يعني فرق 7 جنيه في 2000 كيلو و دي تخلي الواحد يشك.
عمومًا شكرًا ليك مرة تانية على ردك و على الإفادة.

**Ashraf_Ibrahim** · 03-07-2011 07:03 PM

لا متشكش ولا حاجة
زيوت التعاون زادت من يومين اتنين فقط لا غير حسب معلوماتي -لأن عمي شغال في شركة التعاون- وقد يكون والله اعلم ان فيهم بنزينة مزودتش السعر لأن الزيادة كانت 20 جنيه على جميع الأنواع

**Zika9909** · 03-07-2011 10:32 PM

المشاركة الأصلية كتبت بواسطة Ashraf_Ibrahim

لا متشكش ولا حاجة
زيوت التعاون زادت من يومين اتنين فقط لا غير حسب معلوماتي -لأن عمي شغال في شركة التعاون- وقد يكون والله اعلم ان فيهم بنزينة مزودتش السعر لأن الزيادة كانت 20 جنيه على جميع الأنواع

المشاركة الأصلية كتبت بواسطة abokoko

apl\ sl
كان ب 73 وبقي ب 85

apl\ sm
كان ب 89 بقي ب 95

ده اللى قالى عليه واحد شغال فى بنزينة التعاون

شكرًا على ردودكم.
و غالبًا ظن Ashraf_Ibrahim صحيح لأن البنزينة الأرخص أسعارها كانت مكتوبة على ورقة و متبروزة على الحيطة و ما أظنش إنهم بروزوها في اليومين إللي فاتوا، و كمان في البنزينة الغالية قالوا لي إن أسعار زيوت التعاون كلها غليت.

شكرًا شكرًا شكرًا لكل إللي ردوا على أسئلتي و وضحوا لي كل إللي كان غايب عن ذهني.

**Ashraf_Ibrahim** · 04-07-2011 02:50 AM

والله انا بفكر اجرب التعاون :d
عمي اللي شغال في الشركة دا بيحطه للنوبيرا بتاعته
يعني هو انا هخاف على عربيتي اكتر منه :d
قعدت اتكلمت معاه قلي كل الزيوت واحد وكلهم بيعبوا من مكان واحد
اللي بيفرق بس اسم الشركة بس والدعايا
قلي حاجة زي التعاون وزيوت مصر عشان شركات حكومية مقيدة ببنود معينة في الدعايا فعشان كدة مش ظاهرة في الصورة اوي
فبفكر اجربه تغييرة الزيت الجاية مش عارف ايه رأيكم يا شباب ؟!

**beshomilan** · 04-07-2011 01:27 PM

والله انا بفكر اجرب التعاون :d
عمي اللي شغال في الشركة دا بيحطه للنوبيرا بتاعته
يعني هو انا هخاف على عربيتي اكتر منه :d
قعدت اتكلمت معاه قلي كل الزيوت واحد وكلهم بيعبوا من مكان واحد
اللي بيفرق بس اسم الشركة بس والدعايا
قلي حاجة زي التعاون وزيوت مصر عشان شركات حكومية مقيدة ببنود معينة في الدعايا فعشان كدة مش ظاهرة في الصورة اوي
فبفكر اجربه تغييرة الزيت الجاية مش عارف ايه رأيكم يا شباب ؟!

انا مقتنع بكلامك جدا على فكره وانا قلت بينى وبين نفسى انى هستعمله من اول تغيير الزيت الجاى
انا دايما بستعمل شل اصفر وجربت من كام يوم توتال 3000 ولا حسيت باى فرق بين الاتنين
وقلت هستعمل التعاون المرة الجاية وعلطول وحرام السرقة واللى بندفعه فى منتج ميستاهلش تمنه
وانا اولى بالتوفير ومش هخسر حاجة بالتجربة ونشجع بقا صناعة بلدنا..يمكن نلاقى فيها الخير

بس ياريت حد من الاعضاء يقولنا احدث اسعار زيوت التعاون وكل واحد بيعمل كام كيلو ولون الجركن وفرق الحروف والمناسب لعربيتى الاكسيل وشكرا جزيلا