معقولة 3 شهور و لم استلم الضمان ؟ ده عادى ولا نصب ؟

**okky222** · 02-05-2008 06:02 PM

السلام عليكم
بقالى 3 شهور و لسة ما استلمت الضمان من شركة العقاد موتورز اللى خلف جامع رابعة العدوية . و سيارتى اللانوس داخلة على ال 4000 كم و لسة مش عارف اعمل لها صيانة الألف الأولى . ماذا تفعل لو كنت مكانى ؟ ؟
و شكرا

**ahmed1981** · 02-05-2008 07:16 PM

أقوم بالإتصال بجهاز حماية المستهلك
وأبلغهم بالأمر خطوة خطوة
بالإضافة لعمل محضر إثبات حالة والإحتفاظ بصورة منه
لأن هذا الوضع اللي حضرتك فيه غالباً نصب ولو تأخرت عن كده ممكن تضيع حقك

**Ahmed_ragab** · 02-05-2008 07:56 PM

ربنا يبشرك بالخير انا استلمت نوبيرا من 20 يوم تقريبا ولسة مستلمتش الضمان وبدات اقلق
طيب انت سالت على صيانة الالف كان فى بعض الاعضاء بيقولوا انك ممكن تعملها بدون الضمان
طمنى علشان انا عامل حوالى 950 كيلو وداخل على الالف

**toto73us** · 02-05-2008 10:55 PM

اعتقد ان التوكيل بياخر اصدار الضمان و دة اتعمل مع واحد صحبى اتخر حوالى شهر و نصف بس كان مشترى العربية من شركة ديو المعادى و لازم تزن و تروح تعمل شبورة قلق للمحل اللى انت شارى منة العربية بس يكون فى يوم وسط الاسبوع و فى اوقات العمل من 10ص الى 2 ظهرا ( يعنى ابعد عن الاجازات ) و طلب منهم يتصلو بالشركة و تعرف الضمان هيجى امتى ولو وصلت انك تروح تجيبة و معاك حد من المعرض روح اصل دة حقق و اوعى تفرط فية

**ahmed_hassieb** · 03-05-2008 01:08 AM

طيب وأيه مصلحة التوكيل فى تأخير شهادات الضمان ؟

مش يمكن المعارض اللى بتستنى تجمع شوية شهادات تجيبهم مرة واحد كل فترة

**aboelshoog** · 03-05-2008 04:07 PM

السلام عليكم

اخوكم بردة لسة جايب لانوس 2008 زيرو ولسة مش عارف ارخص عشان النمر مش فية فى المرور ولا لوحة واحدة من اسبوع وشوية المهم فى المعرض بتاع سمير ريان قالولى ان الضمان بتاع الوكيل بيجى بعد الترخيص هوا الكلام دة سليم ولا لا يعنى لازم ارخص الاول وبعد كدة استلم الضمان فعلا

شكرا ليكم

والسلام عليكم ورحمة الله وبركاتة

**sokasoon** · 03-05-2008 04:35 PM

انا هقولكم اللى حصل معايا لما جيت استلم العربية

انا حجزت العربية فى ابو غالى اللى فى شارع النزهه واستلمت من جسر السويس

اخدت العربية من غير الضمان سألتهم على الضمان قالولى بعد صيانة الالــف

لما جيت اعمل صيانة الالــف حجزت الصيانة فى توكيل ابو غالى اللى فى المعادى

لما روحت طلبو منى الضمان قوتلهم انهم قالولى هستلمو فى صيانة الالــف فأتصلو بجسر السويس

قالولى الضمان هناك واحنا هنعملك صيانة الالــف بس تبقا تجيبلنا الضمان وعملت الصيانة

ومشيت ولما جيت اعمل صيانة ال5000 روحت جسر السويس اخدت الضمان بس كان هناك زحمة

جدااا فخدت الضمان ومشيت وروحت يوم تانى ابوغالى المعادى وعملت الصيانة وشافو الضمان

وختموه انى عملت الصيانتين الالــف وال5000

ماحـــدش يقلــق خـالـص ومن حقك تعمل الصيانة لحد ما تستلم الضمان

**Ahmed_ragab** · 03-05-2008 11:12 PM

المشاركة الأصلية كتبت بواسطة sokasoon

انا هقولكم اللى حصل معايا لما جيت استلم العربية

انا حجزت العربية فى ابو غالى اللى فى شارع النزهه واستلمت من جسر السويس

اخدت العربية من غير الضمان سألتهم على الضمان قالولى بعد صيانة الالــف

لما جيت اعمل صيانة الالــف حجزت الصيانة فى توكيل ابو غالى اللى فى المعادى

لما روحت طلبو منى الضمان قوتلهم انهم قالولى هستلمو فى صيانة الالــف فأتصلو بجسر السويس

قالولى الضمان هناك واحنا هنعملك صيانة الالــف بس تبقا تجيبلنا الضمان وعملت الصيانة

ومشيت ولما جيت اعمل صيانة ال5000 روحت جسر السويس اخدت الضمان بس كان هناك زحمة

جدااا فخدت الضمان ومشيت وروحت يوم تانى ابوغالى المعادى وعملت الصيانة وشافو الضمان

وختموه انى عملت الصيانتين الالــف وال5000

ماحـــدش يقلــق خـالـص ومن حقك تعمل الصيانة لحد ما تستلم الضمان

معلش يا باشا استفسار يعنى انا اروح اعمل صيانة الالف من غير الضمان وهيقبلوا اكيد ولا استنى الضمان
ولا فى رقم اسال بية
معلش طولت عليك

**toto73us** · 03-05-2008 11:37 PM

يا جماعة دة مشترى العربية من 3 شهور هو المعرض هيعد 3 شهور عشان الضمان وبعدين الراجل عمل 4000 كيلو بالعربية هو فاضل اية
احنا لية بنستنى على حقنا

**sokasoon** · 04-05-2008 12:17 AM

المشاركة الأصلية كتبت بواسطة medoelboss

معلش يا باشا استفسار يعنى انا اروح اعمل صيانة الالف من غير الضمان وهيقبلوا اكيد ولا استنى الضمان
ولا فى رقم اسال بية
معلش طولت عليك

طبعا تروح تعمل الصيانة فى ميعادها وعرفهم انك لسه ما استلمتش الضمان

الموضوع: معقولة 3 شهور و لم استلم الضمان ؟ ده عادى ولا نصب ؟

LinkBack

أدوات الموضوع

عرض

-

-

-

-

المواضيع المتشابهه

للبيع كاسيت سيارة رودستار RoadStar CD880-BT استعمال ستة شهور (ما زال فى الضمان)

انا بكرة رايح صيانة 1000 والعربية عاملة 900 كيلو عادى ولا مش عادى ؟

موضوع الضمان بتاع اسبيرانزا الصيانات كل 5000 كيلو او 3 شهور

بحس أن الباور بيتقل شويه مع التكييف عادى ولا مش عادى

10000ك فى 8 شهور ونصف كتير ولا عادى؟؟

الكلمات الدلالية لهذا الموضوع

المفضلات

المفضلات

ضوابط المشاركة