الموضوع: شكر وعرفان الى استاذ مصطفى (prisoner)

ودا العادي من مصطفى بيه

المشاركة الأصلية كتبت بواسطة h a r d

السلام عليكم

فى البدايه احب اشكر المجهود الجميل لاصحاب الكرستاله
ودائما فى الخير

وشكرا وعرفان خاص لاستاذ مصطفى الملقب ب prisoner على كرم اخلاقه وذوقه
وانا سعيد فعلا بتعارفى عليه وان شاء الله ديما نتجمع فى الخير

انا كان طلبى الطاسه الاصليه للكرستاله واستاذ مصطفى متاخرش بصراحه
ورغم انى كنت طالب واحده بس وده هيعمل مشكله فى بقيت الطاسات
بس متاخرش وبدون مقابل
الى عاوز حاجه فى الكرستاله بقى فرصه استاذ مصطفى موجود وبلاش :ka_che1[1]:

شكرا ليك مره تانيه وان شاء الله اتجمع مع بقيت رجاله الكرستاله قريب واتعرف على بقيت الناس الجميله
فى الرابطه

تقبلوا مرورى

ياخبر ابيض كل ده انا والله مصدوم من العنوان ومكنتش مصدق ايه ياعم عصام ده انا عايز اقولك انى انا مكسوف منك جدا لانك جيب المشوار ده كله انا لسة شايف الموضوع حالا ليه بس كده والله انا معملتش حاجة والله انا اللى سعيد انى اتعرفت على شخص جميل ومحترم وكعادة نايل موتورز مشفتش منه غير كل خير والله كنت بحكى لمومو عليك امبارح والله انا اللى بعتذر لانى والله مابصيت فيهم خالص وواضح انك كنت عايز حاجة انظف من دى شوية صعبت عليا انك تيجى المشوار ده كله وفى الاخر متلاقيش اللى انت طالبه وانا والله معملتش اى حاجة دى حاجة بسيطة جدا جدا مش زى اللى الناس المحترمة اديتهوللى وانا اللى اسعد انى اتعرفت عليك وواضح انك وحش فى الكيا انا دخلت الكيا وشفت قد ايه انك محبوب من الناس الزملاء المحترمين وفعلا اللى ماشفكش يبقى مايعرفكش خالص حضرتك اللى فى قمة الذوق والاخلاق والله ويزيدنى شرف وفعلا اللى عايز حاجة فى الكريستالة انا والله تحت امره وبدون مقابل اذا كان فى استطاعتى ولما تعرف بقيت رجالة ميتسوبيشى هاتعرف انى اقل واحد فيهم ده من الماقبلة سمعت عن ناس مكنتش جت كنت مخضوض وعندك يعنى ناس جامدة بس اخاف انسى حد صبوحة ربنا يهون عليه ويقويه وجرجاوى باشا حبيب قلبى والكابتن مومو والاستاذ محمود بقى قمة قمة فى الاخلاق والاحترام وفؤة والكابتن عمرو خاص للتصوير هههههه وابوحمزة اللى مش فاكرنى والدكتور محمد والمهندس طارق زويل بصراحة المجموعة دى استحالة تتنسى ده غير بعض الاسماء للاعضاء المحترمين اللى اساميهم تخض طبعا عمد الميتسوبيشى وبصرحة محدش خالص قصر فى اى مشورة من الاول خالص لغاية وقتنا هذا اذا كان فيه شكر فينسب الى المنتدى الجميل ده اللى عرفنا على ناس تعرف ازاى تكون فعالة ومفيدة الف الف شكر على كل كلمة تحياتى وتقبل مرورى