شكرا على الرد
أنا أقصد أنا مسلف عربيتى لواحد صاحبى مثلا و عمل هو حادثة بعربيتى و نزلو القسم من الذى سيتحمل النتائج و السيارة غير مؤمن عليها
شكرا
عرض للطباعة
مين اللى غلط مش صاحبك يبقى صاحبك هو اللى حيتحمل النتائج
لكن يشترط أن يكون صاحبك معاه رخصه
لأن سماحك لشخص لا يحمل رخصه بقيادة سيارتك يرتب عليك مسئوليه نتيجه للخطأ الذى إرتكبته
إيه هو الخطأ الخطأ إنك سمحت له بقياده السياره رغم أنه لا يحمل رخصه
وما دام لا يحمل رخصه يبقى فى نظر القانون مبيعرفش يسوق
وما دام مبيعرفش يسوق وإنت إديتله السياره رغم ذلك يبقى إنت مسئول عن هذا الخطأ وما تبعه من ضرر
معلش يا أستاذ محمد ابراهيم تاعبينك معانا.
لو تتكرم حضرتك و تشرحلنا, كيف يتم تحميل المسئولية لاحدى طرفى الحادث, يعنى عربيتين خبطوا فى بعض, أنا كل اللى أعرفه انو اللى بيكون ورا هو الغلطان, طب بالنسبة للحالات الأخرى زى التقاطعات, و الطرق المزدوجة, و فى حالة قامت سيارة بقطع الطريق على أخرى. مين الى بيبقى غلطان.
و شكرا لسعة صدرك.
السؤال الخامس
لو شفت حادثة قدامى و الفاعل هرب اعمل ايه؟
السؤال ده إجابته بسيطه
وتتمثل فى إلتقاط رقم السياره الفاعله ومواصفتها كلما أمكن ذلك يعنى مثلا نقول ( عربيه مرسيدس 200 سوداء ونقول الطراز والوصف لها إن أمكن ورقمها كذا وأهم شىء الرقم طبعا )
ومن ثم إبلاغ شرطه النجده للحضور لأتخاذ اللازم ونقل المصاب ونحو ذلك
ثم الشهاده فى المحضر بكيفيه وقوع الحادث وإثبات رقم السياره فى المحضر
الموضوع ده حيضيع منك شويه وقت لكن لا شك إن ثوابه كبير
طب لو لا قدر الله عملت حادثة وكان معاايا ناس اصحابي في العربية
وحدث وفيات او اصابات اية الوضع القانوي هنا
العربية ملاكي طبعا
السلام عليكم
الاخوه الاعضاء انا شايف ان الموضوع لاقى اهتمام بس فى كسل فى مشاركة الاعضاء
فلو ممكن نطور الموضوع و كل واحد حصل معاه موقف يحكية عشان الباقى ممكن يستفيد من
على فكرة انا كان هدفى من الاول فى الموضوع ده ان احنا نبطل حالة اللامبلاه اللى علية الناس عند وقوع لا قدر الله اى حادث و لو بسيط و نبطل كلام (معلش و الله يعوض عليك مش تحاسب و هو انا الل غلطان و الشتايم )
و يبقى سلوكنا فى المواقف ده حضارى يعنى كل واحد غلط يبقى عارف غلطة و يكون عارف حقة
يا ريت نكمل انا حاسس ان فى ناس و انا منهم استفاد من الموضوع
و السلام عليكم و رحمة الله و بركاتة
و كل سنة و انتم طيبين
اللى اعرفة ان الناس اللى فى العربية معاك مسؤليتك... فا لو حصل حادث و حد من الناس دى اتصاب او توفى لا قدر الله و كنت انت الغلطان (قيادة برعونة - تحت تاثير الخمر - الخ...) فا انت المسؤل عنهم شرعا و قانونا... اما اذا كان طرف تانى هو المخطىء فهو بيتحمل تبعة الحادث فيما يخصك و يخصهم
انا كنت قريت ان لو حصل حادث لسبب فنى فى العربية فا انت المسؤل برضة... يعنى لو كاوتش ضرب و العربية اتقلبت انت المسؤل عن الاصابات
MMamdouh
شكرا ليك على هذا الرد للاخ محمد ممدوح
انا كنت سمعت عن الموضوع ده
كان اتنين اصحابى عملوا حادثة بس الحمد لله طلعوا منها سلام
فى القسم الظابط سأل الزميل اللى مكنش سايق
تتهم الراجل ده بمحاولة قتلك و بيشاور على الزميل الاخر
ف استغرب و قالو ده كان هيموت معايا
بس كلام حضرتك وضحى ليه الظابط سال زميلى السؤال ده
و شكرا ليك