اللي يشرب من ميه النيل حيجيله امراض كتير

**Moh.Fahmy** · 02-05-2008 06:45 PM

اسمحولي يا جماعة اني طرح الموضوع الحساس جدا ده نظرا لخطورته الشديدة

انا بحكم عملي من ضمن اهتماماتي نقاوة مياه الشرب اللي بشربها لانها كباية الميه دي حاجة مش سهلة لكن للاسف المسئولين عندنا حيتحاسبوا جامد قوي علي اللي بيعملوه فينا
يا جماعة لو حد فيكوا تيسر له و عمل تحليل لمياه الشرب حيصدم صدمة كبيرة جدا من كمية الطحالب و المعادن الزيادة و الاملاح اللي المفروض لا تزيد من 5 الي 50 جزء في المليون و احنا اقل ميه عندنا تتجاوز 280 علي احسن تقدير
طيب الاملاح الزيادة و القرف اللي في الميه ده حيروح فين غير الكلي و الكبد اللي مصر تتمتع بأعلي نسبة اصابة بالفشل الكلوي و فيروسات الكبد المسببة لسرطان الكبد الذي يأتي في الترتيب الثالث للاشياء المسببة للوفاه
انا الحمد لله ركبت جهاز معالجة مياه منذ فترة و حمدت الله عز وجل الي انني لم يحدث لي مكروه حتي تركيب الجهاز و عاهدت نفسي ان اطفالي و اسرتي امانة في عنقي فصممت علي شراء هذا الجهاز رغم ارتفاع ثمنه وقتها الا انني جعلته و اولي الالوليات عندي فهو يعطيني كوب ماء مطابق للمواصفات العالمية الاملاح فيه لا تزيد عن 25 جزء في المليون و كمية المعادن المسموح بها عالميا و التي يحتاجها جسمي و الحمد لله اشعر بفرق كبير فزجاجة المياه اصبحت لا تفارقني ففي السيارة توجد و مع زوجتي ايضا
الذي جعلني اطرح هذا الموضوع الان انني لاحظت ان الصينين دخلوا في اللعبة و بدأوا ينتجون اجهزة معالجة المياه العالية التكنولوجيا بمنطق التقليد الصيني فأصبحوا يقلدون وحدة المينبرين و هي العصب الاساسي لهذه الوحدة لان الماده الداخلية فيه هي مادة طبيعية من لحاء اشجار معينة في بعض الدول الافريقية
فلا ينخدع احدكم بالكلام المعسول الذي ينتهجونه اصحاب هذه الشركات لانهم يستغلون جهل معظم العملاء بهذا الموضوع و يعيطوهم مصطلحات جامدة كلها غش و خداع
فاذا نويت الشراء فلا تشتري سوي الامريكي المكتوب علي كرتونته و مكوناته صنع في Usa لان الولايات المتحدة هي الرائدة في هذا المجال و منتجاتها خاضعة لمعايير جودة عالية جدا غير الصيني اللي بيتعمل تحت بير السلم
ممكن الواحد يشتري لمبة صيني او كاسيت صيني انما حاجة متعلقة بالصحة و تكون غير خاضعة لاي معيار من معايير الجودة يبقي حرام علي لاني كده زي اللي بينتحر او بيقتل نفسه
الموضوع كبير جدا و انا اردت فقط من باب الامانة ان ابلغ بما اعرفه

محمد فهمي

**Dr_Smart** · 02-05-2008 06:51 PM

شكرا على الموضوع الهام جدا ده

وللأسف عندنا في مصر نعمه كبيرة ( النيل ) لكن نقول لمين ... صرف المجاري ومخلفات المصانع اكيد أثرت عليه أثر كبير وربنا يستر على صحتنا منه .

ممكن حضرتك تقولنا نوع الفلتر اللي استخدمته وسعره كام وممكن ألاقيه فين ؟

**Moh.Fahmy** · 03-05-2008 08:43 AM

بالفعل استاذ احمد موضوع تلوث المياه ده بقي بشع جدا جدا
انا كنت زي كتير اقرأ الجملة دي و ما تشلغش بالي لغاية لما شوفت بعيني منظر الميه جوه الكباية اللي بنشرب فيها فاخدت قراري في دقيقة اني لازم اركب الجهاز ده
جهاز R.o عبارة عن ست مراحل تنقية و مزود بموتور صغير 24 فولت وله تنك سعته 12 لتر و مزود بحنفية شيك جدا
هو اسعار الجهاز بتتراوح من 1000 جنيه الي 2000 جنيه بنفس الفكرة و المواصفات كمان انما بتفرق في الخامات يعني جهاز اكوا بيور اللي عندي موتوره جاك امريكي و الشركة نفسها عالمية و حاصلة علي شهادات جودة بالاضافة للعامل المساعد داخل مجموعة الفلاتر من اجود المنتجات و بيخضع لمعايير جودة عالية جدا و توجد شهادة ضمان لمدة سنة شاملة سوء الاستخدام و الصيانة مجانية لمدة سنة ايضا و التوكيل الخاص بالجهاز في اسكندرية عامل تخفيض و خدمات اضافية زي الصيانة المجانية مثلا مش حتلاقيها في القاهرة وسعر الجهاز في اسكندرية مع امكانية تركيبه في اي مكان 2000 و سعره في القاهرة 2250
و علي فكرة صاحب التوكيل عامل الموضوع انساني من الدرجة الاولي لظروف خاصة به لانه فقد احدي ابنائه بسبب فشل كلوي بالاضافة طبعا لهامش ربح الا انه يتمني تواجد هذا الجهاز في كل بيت
باقل الاسعار و الجهاز معتمد و عليه ضمان 10 سنوات من الشركة الام مطبوعة علي الكرتونة

محمد فهمي

**محمد ابراهيم 1** · 03-05-2008 09:04 AM

تحيا جمهوريه مصر العربيه

**Moh.Fahmy** · 03-05-2008 09:15 AM

ازيك يا محمد باشا وحشني كتير و الله
طبعا تحيا مصر و نص و تلات تربع اللي بتشربنا انضف ميه و تأكلنا احسن اكل و معيشانا احسن عيشة في الدنيا كلها
خلينا نشوفك علي شحتوت كده

محمد فهمي

**sherif_84** · 03-05-2008 10:16 AM

انا مركب عندي فلتر ناشيونال ياباني اشتريناه من السعودية وجميل جدا في تنقية المياه والفلتر بيتغير كل 9 شهور
استاذ محمد ابراهيم .. ممكن تقولي العربية التـــويوتـا اللي في توقيعك اسمها ايه
شكرا

**Moh.Fahmy** · 03-05-2008 10:23 AM

الله ينور عليك شريف باشا ..لان الميه بتاعتنا دي ما تتشربش من الحنفية مباشرة ابدا..تعمل كوارث
لكن اي فلتر بينقي الشوائب و يشيل ريحة الكلور و الشبة الزيادة و بس
يعني ما بيقللش الاملاح الزايدة عندنا قوي و بتوصل الي 290 جزء في المليون و هي المفروض ما تعديش 50 جزء في المليون و لا بيقضي علي المعادن الزايدة و لا الطحالب
و الله انا مركبه عشان اطفالي حرام و هما بيبدأوا حياتهم يشربوا التلوث ده كله
و ربنا يستر علي الجميع

محمد فهمي

**دموع الثلج** · 03-05-2008 12:01 PM

طيب ايه الحل ممكن حد يقولى تفاصيل اكثر عن موضوع الفلتر ده

عندنا الميه بتنزل من الحنفيه بعض الاوقات لونها جير ابيض واللى اعرفه ان الميه عديمه اللو ن لالالا الميه فى منطقه الهرم خصوصا ميه جيريه مش عارفه ازاى لو سبتها دقايق يختفى اللون وترجع الميه لطبيعتها طبعا انا نفسى اعرف ليه الميه لونها كده لكن مستحيل اشرب منها

بشترى ميه معدنيه عشان الشرب والاكل كنت افتكر ان ده الحل لكن بعد ما قريت فى الجرايد تحقيق عن شركات تعبئه المياه وبتصريحات واعتراف بعش الشركات والتقارير ان الميه ذى اى ميه من الحنفيه مش اكثر من انها مقطره وخلاص غير الزجاجات اللى لاتخضع للمواصفات وانها مصنعه من مواد بلاستيكيه ضاره

يعنى بجد عظيمه يا مصر

طيب يا جماعه اللى يعرف موضوع ع الفلتر ده بيحتاج مساحه قد ايه وبيعمل زحمه ولا عادى وبيتكلف كام

لانى اظن هيبقى ارخص من الميه المعدنيه اللى بنشتريها

**hamdy** · 03-05-2008 12:55 PM

يا جماعة طب ممكن اجيب المياه المعدنية بدل الفلتر مؤقتا ؟
ولان الشئ بالشئ يذكر سمعت ان الميه عمتا بتتفاعل مع الحاويات المصنوعة من البلاستيك وتسبب السرطانات ؟
يا تري ايه وجه الصحة في الكلام ده ؟

**Moh.Fahmy** · 03-05-2008 01:20 PM

المشاركة الأصلية كتبت بواسطة hamdy

يا جماعة طب ممكن اجيب المياه المعدنية بدل الفلتر مؤقتا ؟
ولان الشئ بالشئ يذكر سمعت ان الميه عمتا بتتفاعل مع الحاويات المصنوعة من البلاستيك وتسبب السرطانات ؟
يا تري ايه وجه الصحة في الكلام ده ؟

حتي الميه الطبيعية اللي احنا بنقول عليها معدنية لان مصر مافيهاش ميه معدنية خالص صحيح عند تحليل زجاجة مياه نستلة و دي المفروض انضف ميه طبيعية في مصر الا انه وجد بها ارتفاع ملحوظ في نسبة المعادن و معني كلمة ملحوظ يعني بتبقي شايف صدأ يطفو علي سطح الميه و ارتفاع في نسبة الاملاح يصل الي 200 رغم ان المكتوب علي الزجاجة هو 180 جزء في المليون و في كل الاحوال النسبة عالية جدا لان النسبة العالمية يجب الا تتعدي 50 جزء في المليون
و الله انا كان امامي اولويات تانية كتير غير تركيب جهاز معالجة الميه ده الا ني حطيت ده في كفة و صحة اطفالي و زوجتي و انا في كفة و طبعا مافيش اهم من صحتك انت و اسرتك لدرجة اني يوميا لما بزور امي باخدلها 3 زجاجات ميه من عندي عشان ما تتعاملش مع ميه الحنفية خالص

محمد فهمي

الموضوع: اللي يشرب من ميه النيل حيجيله امراض كتير

LinkBack

أدوات الموضوع

عرض

اللي يشرب من ميه النيل حيجيله امراض كتير - انشر الموضوع فى :

-

-

-

-

-

-

-

-

المواضيع المتشابهه

هدية جامدة اووووووووي للفياتاوية و اللي بيحبوها و اللي ميعرفش كتير عن فيات يدخل فورا

بجد اللي بيعملوه الدكاترة ده .. كتير

يا جماعة حد اتعامل مع السمكري اللي في المنيل ورا مدرسة النيل للبنات؟؟؟

الكلمات الدلالية لهذا الموضوع

المفضلات

المفضلات

ضوابط المشاركة