اولا البنزين: العربية كنت مصفر العداد ومفولها وبع فترة لقيتها العربية بتاكل بنزبن بالعبيط لدرجة اني عملت 185 كم وبعدبن فولتها ودفعت 56 جنبه .؟؟؟؟؟؟؟؟؟؟؟؟؟؟
ملحوطة يمكن تفرق: انا كان في اوقات بقعد فيها بالساعنين مشغلها ومشغل التكييف وهي واقفة وما قرصتش بيها إلا مرة واحدة وعرقت الشكمان مرتين.
ثانيا صوت تصفير: الكاوتش لغاية دلوقتي ما اتغيرش وهي موديل 2007 والتيل كنت مغيره في التوكيل من حوالي شهر ونص. لما بدوس فرامل بسمع صوت تصفير وخصوصا بالنهار.
هل دي مشكلة فرامل ولا كاوتش.
ثالثا: امبارح وانا في سيتي وكنت بطلع من الجراج والدنيا واقفة على المطلع بتاع الجراج وطبعا عامل ميزان مع البنزين والدبرياج والهاند بريك في نفس الوقت
وبعد ما طلعت حاسس ان دواسة الدبرياج نزلت شوية وبعدين رجعت تاني عادية بس حاسس ان في تقطيعة في النص وانا بدوس.
وكنت شامم ريحة شياط جامدة بعد ما طلعت على طول (اكن واحد بيعمل برن اوت) معرفش دي بتيجي منين وسببها ايه ؟؟؟؟؟ وهي هي نفس اللي كنت بشمها لما بحاول اعمل برن اوت.
العربية 1600 مانيوال 2007 عاملة 22600 كم
عملت صيانة ال 10000 وال 20000 وغيرت تيل وخرطت الطنابير فقط
عايز اعرف المشكلة في ال 3 حاجات ممكن تبقى من ايه.؟؟؟؟؟؟؟؟؟؟؟
سؤال برا الموضوع شوية ايه هي اضرار البرن اوت او تعريق الشكمان