محتار بين النيسان قاشقاى والكيا كارينز

**yassal** · 03-07-2011 08:44 PM

السلام عليكم - ياجماعة الخير بالله عليكم أفيدونى - أنا بدور على سيارة عائلية واعتمادية وتكون فى رينج 150 ألف - بفكر فى النيسان قاشقاى بس متخوف انها لسه جديده ومحدش جربها هنا فى مصر وقطع غيارها لسة مش موجودة بكثرة مع العلم أنها سيارة يابانى وتقفيل انجليزى يعنى من الاخر تحفة وفيها كماليات كتير زى مصابيح زينون وسقف بانوراما وحساسات للمطر وللضوء ومفتاح ذكى وحاجات تانية كتير ومن ناحية تانية بفكر فى الكيا الكارينز خصوصا انها متجربة فى السوق والناس بتشكر فيها وقطع غيارها متوفرة مع ان الكماليات الداخلية أقل بكتير - أفيدونى أفادكم الله

**yassal** · 03-07-2011 10:39 PM

فين الردود ياشباب؟؟؟؟؟؟؟؟؟

**medododo** · 03-07-2011 10:47 PM

http://www.nilemotors.net/Nile/225374-a.html

http://www.nilemotors.net/Nile/219747-a.html
راجع الموضوعات دي
بس لو عايز رأيي طبعا نيسان

**pirlo2000** · 03-07-2011 11:28 PM

عيب القاشقاي الوحيد انها مانيوال.... لو اوتوماتيك انا كنت مفكرتش و جبتها..... لو مش فارقة معال توكل علي الله... بس انا اسمع انها ب 160

قطع غيار انا معاك مش منتشرة بس انت مع توكيل من احسن التوكيلات في مصر.. و بكرة تلاقيها بقت انتشر في الشارع كعادة اي عربية في مصر..... ده ال cayene بقت منتشرة و بشوفها كتير جدا! ..قاشقاي عربية فيها كل حاجة .... تحس انها نيسان مورانو صغيرة..... و ياباني انجليزي .... يعني من الاخر !

و ربنا يوفقك انشالله

**mohaismail** · 03-07-2011 11:31 PM

لو مش فارقة معاك موضوع المانيوال يبقى تجيب قاشقاى لان مفيش وجه للمقارنة

**yassal** · 04-07-2011 12:09 AM

شكرا ياشباب على النصيحة - أنا شايف ان كل الأراء ترجح القاشقاي باستثناء انها مانيوال - وده مش فارق معايا كتير مع العلم انى بستمتع بسواقة المانيوال أكتر من الأوتوماتيك - أكيد النيسان تكسب الكيا بس القلق فى انها لسة مش منتشرة وقطع غيارها لسه فى علم الغيب - والله المستعان

**M.Alaa92** · 04-07-2011 12:20 AM

بص يا باشاحضرتك ناوى تجيب العربية و تقعد معاك فترة ولا حضرتك من هواة التغير؟
اذا كنت من هواة التغير فيبقى الكارينز افضل من حيث اعادة البيع لانتشارها بس لازم تتقبل قلة الكماليات مقارنة بالنيسان
اما لو حتعقد فترة يبقى النيسان عشان فيها كماليات اعلى من الكارينز بس ده على حساب قلة انتشارها و مانيوال و بالتالى اعادة البيع ابطء من الكارينز و بالتالى النيسان تديك احساس بالتفرد و التميز عن الكيا اللى بقت منتشرة بشكل فظيع
بالنسبة للتوكيل التوكيلان من التوكيلات المحترمة اللى ف مصر

**MaZaGAngeE** · 04-07-2011 03:27 AM

قاشقاي الاوتو هتنزل قريب
و اختار النيسان طبعا
فرق كبير جدا بين العربيتين

**medododo** · 04-07-2011 09:33 AM

يا شباب بالنسبة للأوتو موجودة برة وليا واحد صاحبي ماشي في إجرائتها هينزلها من الخليج
بس طبعا 2000 سي سي
وطبعا أغلي بسبب الجمارك
qashqai-Nissan Kuwait Official Site