الموضوع: زيت فتيس mmt

المشاركة الأصلية كتبت بواسطة hazimtahaz88

اولا اشكرك على التوضيح التفصيلي المفيد ده بجد يا فندم
انا فى الخدمة....كنت كتبت لك رد كامل شامل وفى اثناء المعاينة طار يا خسارة انا حرد تانى بس بأختصار

الحكايه بقى اني رحت اعمل الفحص المجاني بتعهم ده..وبامره كان لوك الحزام بتاع السواق عندي معلق فغيرته..(ضمان طبعا)...هوا فعلا انا شفته امبارح بليل قبل ما انزل والعربيه بارده خالص وارض مستوية ...فعلا نازل شوية عن low زي ما قلت لحضرتك يعني
سيادتك تزود بنفسك بمياه مقطرة (الصبح بادرى قبل ما تدور الموتور وعلى ارض مستوية) المستوى المطلوب بين علامتى full - low لا تملئ لغاية الfull علشان تسيب المياه تتمدد براحتها داخل القربة وبعدين دور وتانى يوم اكشف ويمكن تحتاج تزود شوية كمان - لو بتستخدم التسخين فى المقصورة فى الشتاء لازم تعمل حساب المياه بتاعتها : بعد التزويد اول مرة شغل الموتور للتسخين وحول زر الحرارة فى التكييف الى السخن وشغل المروحة وزر الac لمدة 3 دقائق (افتح الشبابيك واستحمل الحر الإجبارى ده) وبعدين انظر لمستوى القربة
.....وقلي محتاج فلتر تكيف حسب نوعية الطرق اللى بتمشى عليها والجو المحيط يعنى لو مدقات او شوارع مرملة او جو مرمل يبقى غير بدرى ... بس ممكن قبل التغيير يتم التنظيف (وده كمان لفلتر الهوا بالمحرك) بهوا مضغوط كل 3 اشهر علشان جو مصر المحروسة والتلوث خصوصا مع الخماسيين الجميلة

ومحتاج مساعد امامي شمال وكالبر امامي شمال برده بتاع الفارامل وتيل خلفي.....تخيل؟؟؟
المساعد امامى على حسب معلوماتى المساعدين بيتغيروا سوا افضل (زى حالة تغيير الكاوتش)
سؤال خبيث شوية (ابعد يا شطان ابعد يا شطان) هما كشفوا على المساعدين ازاى بالنظر ولا اجهزة؟ والتغيير فى الضمان شامل قطع الغيار والعمالة والفك والتركيب وعمل ضبط زوايا ولا اهيه؟؟؟؟
التيل الخلفى قرأت عنه بالمنتدى عيب صناعة (عيب جودة التيل وبيبوظ الطنابير) مطلوب منك البحث عن الموضوع ده بالمنتدى للإستفادة من خبرات الأخوة بالمنتدى....مطلوب منك التأكيد على التوكيل تغيير التيل الخلفى والأمامى والكشف على الطنابير وكتابة ذلك فى امر التشغيل وتأخذ منه صورة قبل ما يأخذوه منك عند استلام سيارتك

ده الي طلع في الكشف يعني....بالنسبه للكالبر والمساعد الاستاذه الي هناك
(طبعا مش مهندسه خالص)
حضرتك قرأت مواضيعى فى تقييم اداء التوكيل / احذروا الاعيب التوكيل......هاهاهاها الهانم دى ازاى لسه قاعدة فى مكانها ده انا لو مش شخص محترم وبامسك نفسى فى تعاملاتى كان زمانى عملت عليها فرح...اكيد ماحدش قدم شكواه فيها بالطريقة السليمة (انا قدمت الشكوى لمديرها لازم بقى رماها) احسن حل نقدم شكواى مكتوبة وتسلم لإدارة العلاقات العامة (كل حسب مشكلته معاها) لان حتى الأتصال وتقديم شكوى على الرقم المختصر بتاعهم ما بتعملش حاجة....
انا رأى ان توكيل تويوتا كان من افضل ويجوز لسه برضه من افضل التوكيلات وان نسبة الشكاوى للسيارات فى الصيانة لإجمالى عدد السيارات التى تم عليها الصيانة قد تكون نسبة قليلة بس تؤثر فى درجة ثقة العميل فى السيارة ودرجة ولاءه للشركة والشركة اصلا تمر بمشكلة كبيرة جدا فى البيع وبدلا من محاولة تصليحها بتقوم بالتركيز فى زيادة الصيانة علشان الآرباح ماتقلش


بتقولي انا هطلبهملك علشان مش موجودين عندنا...وهتغيرهم في الضمان (الكالبر الامامي ما هو الكالبر؟ والمساعد الشمال الامامي الشمال واليمين + تيل الفرامل الأمامى والخلفى) مطلوب مستند او تقابل حد مدير (العباسية) بالدور الثانى يؤكد لك هذا الكلام وانه تم طلبه فعلا ومنتظر استلامه بتاريخ كذا (والتأكيد معه التغيير بالضمان شامل قطع غيار + فك وضبط وتركيب والتأكيد انك تمشى بالسيارة بهذه الحالة ام لا ) انا لا اثق فى هذه البنى ادمه بس ولما اروح ساعتها عايز اعرف من حضرتك....انا لغايه دلوقتي الحمد لله عمري ما غيرت تيل ...بس مش غريبه ان التيل الخلفي هوا الي يخلص قبل الامامي... حسب معلوماتى وتجربتى العملية 21 عام سواقة ان التيل الخلفى عمره ضعف التيل الأمامى وهى المشكلة عندك ان فيه عيب فى جودة التيل المركب فى الكورولا الجنوب افريقى طبقا لكلام الأخوة بالمنتدى ضرور ابحث عن مناقشتهم فى هذا الموضوع علشان يكون عندك خلفية كافية على الموضوع لان رأى تغير الأمامى والخلفى فى الضمان)
..وبالنسبه لطبيعه الطرق....انا الى حد ما الطرق كلها ازفلت العادي...(طبع اعمل حساب الحفر والمبات الغريبه بتاعت مصر يعني :d ) وطبعا ما وضحتليش هما بيضين ملهم ولا فيهم ايه...كل الي قالتوهلي اننا هنبعت نجبهم وهنغيرهملك على الضمان..؟؟؟؟ بس انا المساعد عمري ما سمعتله صوت او حاسيت بحاجه غريبه عند المطبات او على الطريق مثلا...بس مش مشكله ادام على حسبهم يبقى يتغير طبعاا؟؟؟؟ انا عايز حضرتك بس تسعدني ...اعمل ايه في الميه زود بمياه مقطرة مع اتباع الطرق السليمة لتزويد المياه ويفضل وهى باردة الصبح على ارض مستوية وثانيا التيل؟؟؟ اغيروا في التوكيل التيل فى التوكيل وعلى حسابهم وامامى وخلفى ولا في انواع بره احسن...مع العلم ان الامامي اكيد جي في السكه يعني؟؟؟

واسف للاطاله..بس انت ربنا بعتك ليا من السماء

انا دايمان فى الخدمة وعلى فكرة فى خبرات واراء حلوة جدا فى المنتدى واكيد احسن من رأى... بس الرأى الأول والأخير لك انت...انت اكثر واحد ادرى بموضوعك ولازم تسمع الرأى المكتوب لك وتدرسة كويس بعقلك وحكمتك انت وعندك كتيب المستخدم للسيارة والبحث بالمنتدى....وبالتوفيق وفى انتظار ردك

اسف هذه المرة لن اراجع ما كتبته احسن يضيع زى اللى قبله وبالتوفيق ان شاء الله

معلش يا باشا انا تاعب حضرتك على الاخر والله )

ما اعتقدش انهم كشفوا على المسعدين باي جهازم مجرد النظر يعني....واعتقد انه لما بيكون في تغير اي حاجه تبع الضمان مابيبقاش في اي رسوم خالص..(انا غيرت الكلس وغيرت لوك الحزام ) قبل كده وماخدوش مصنعيه يعني والكلام ده


اوك انشاء الله هروح اجيب النهرده مية مقطرة واعملها انا.....
بس التيل اكيد هيعدوا يقولوا ده استهلاك مش عيب صناعه والكلام الفاضي بتعهم ده...( تخيل الانسه بقولها انا 3 مره اكلمكوا على الصفاره مع الفارمل وبتكشوفوا وتقوليلي نضفنا التيل بس وهوا كويس مش محتاج يتغير) ترد الانسه تقولي لا لا الصفاره ده شي طبيعي في العربيه...طبعا نرفزتني الكلمه دي ولما هبيت فيا راحت قلتلي حاضر حاضر هخليهم يكشفوا عليها ولو في حاجه محتاجه تتغير هنغيرهالك...وطبعا انسى

انا المشكله المره الي فاتت كنت مستعجل ومش فاضلهم...بس المرا الجيه يا انا يا هما بقى علشانا ان اتخنقت منها



انا بكرة الصبح هكلم قطع الغيار واشوف الاجات دي موجوده ولا لا...علشان الوك ده قلي المهندس قبل كده انه مش موجود عندنا ولما يجي هنكلمك...بعديها كنت رايح اشتري فلتر زيت وهوا بالصدفه بساله في الوك عندك قلي اه موجود...طيب ده بيج؟؟ قلي اه بيج ؟؟قلتله امال البني ادم الي جوا ده بيقول ما فيش ليه..وهكذا


انشاء الله افضى بس شوية وهكلم قطع الغيار وارحلهم لو الحاجات موجوده

بس ما اعتقدش انهم هغيروا المساعدين الاتين مع بعض....على فكرة انا بحافظ على العربيه على قد ما اقدر....والمطبات بالراحه خالص..بس احينا طبعا انت عارف الحفر المفجاه وانت ماشي بسرعه بقى وكده يمكن ده السبب
انشاء الله ابقى اقولك ايه الي حصل معايا
والف شكر لاهتمامك ده بجد

راي حضرتك اني ازود الشوية دول ميه مقطرين انا....ممكن اعملها بره طيب ؟؟؟ولا استنى لغايه ما روح وانا بغير القطع التانيه؟؟؟


بالنسبه للمساعدين..انا ما بحملش على العربيه خالص...بس ممكن يكون مطب مثلا...والله اعلم

الكالبر ده حاجه في الفرامل (تقريبا كده والله اعلم ده الي بيبقى مسؤول عند ضم التيل على الطانبير عند الفرملة) وياريت لو حد في المنتدى يفدنا اكتر لو يعرفوا ايه وظفتوا ...وبكم وكده.؟؟

امبارح رحت التوكيل....والمهندس عملي كشف على المساعد والكالبر من تاني علشان يتاكد اهم محتاجين يتغيروا فعلا (ادام على حسابهم بقى ) بس والحمدلله غيرتهم المشكله انه خلاني غيرت التيل معاهم مش عارف ليه (وطبعا على حسابي) مع اني لما شفت القديم لسه قداموا شويةة حلوين..... وقلي على الميه زودها اي ميه عاديه او مقطره مش مشكله.....
المهندس قلي تقريبا انت كلت بيه حفره او اي حاجه علشان الكالبر والمساعد في نفس المكان محتاجين يتغير(الكالبر بقى طلع الحديده الي ماسكه التيل ) ماعرفش ايه الي بوظها بس
هوا التيل القديم ده ارميه ولا ممكن استعمله تاني هوا حالتوا لسه قداماو كتير فعلا؟؟؟؟؟
دفعت بس 582 تمن التيل بتركيبه بس.....بس فعلا الواحد بيحس بفيده الضمان...ده كان زماني دافع بتاع 4000 ولا حاجه غير التيل مثلا
احلى حاجه اول ما رحت كانت الانسه الي في الاستقبال كانت هتودي الحجز للانسه رنا برده..جريت عليها وقلتلها اي حد تاني غرها قالتلي حاضر وودتني عند مهندس ...والحمد لله كان كويس الا حد مااا

هما المهندسين الي في فرع العباسيه اتغيروا ولا اتقلوا ولا راحوا فين؟؟؟؟

المشاركة الأصلية كتبت بواسطة Unendlich

معلش بعد إذن حضرتك سؤال :
هي المهندسة رنا دي اللي هي طويلة و محجبة, في العباسية ؟
أصل لو هي أنا مستعد نروح سوا نولع فيها والبنزين علي كمان :)

هيه بعنهااااااا ب.......... (اللهم اني صائم بقى )

انت حضرتك كمان ليك موقف معاها ولا ايه؟؟؟؟

بجد الانسه دي عااااااااااار على توكيل تويوتااا
انا عملت فيها شكوا المرة الي فاتت
وكنت هدبس فيها المرادي بس خليت الاستقبال يغيرها بسرعه


بنيزين العربيه عليك ماشي بس معلش البنزين الي هنحتاجوا جوا التوكيل سيبه عليا انا يا باشا :D

المشاركة الأصلية كتبت بواسطة unendlich

أنا الحمدلله فشيت غلي و مسحت بـكرامة اللي جابوها الأرض أول امبارح

ليه بس خير ايه الي حصل؟؟؟؟؟