الموضوع: غسالات الأطباق هل هى مفيدة ومريحة ؟؟؟!!

المشاركة الأصلية كتبت بواسطة azmeralda

بس انا كنت سألت والراجل قال بتغسل التيفال والستانلس عادى بتشيل الرف وتحط الحلل ؟

السلام عليكم
مضبوط للغساله الصغيره اما الوسط و الكبيره فيه انواع لما حضرتك تشيلى الرف العلوى كفاءه الغسيل بتقل لان الرف بيكون متوصل ليه مروحه علويه
فى انواع من المتوسطه و الكبيره المروحه العلويه مثبته فى سقف الغساله و بكده لو حضرتك حطيطى حلل كبيره مافيش مشكله
و هى بيتغسل كل الانواع التيفال و الاستانلس و الالومينيوم بكفاءه شرط ميكونش فيها خضار محروق و محتاج يطلع بسلك المواعين

دمتى بود

المشاركة الأصلية كتبت بواسطة azmeralda

جزاك الله خيرا

طب ما تقوللنا الأنواع انهى بقى؟

السلام عليكم

بتختلف الاراء فى المنتدى و خصوصا كوجهه من عضو لاخر
لكن راى الشخصى بالنسبه للمقاس الصغير
ال جى للاسباب التاليه
2 مروحه غير الرشاشات اللى فى الشاسيه من جوه - يعنى نظافه اكثر و الاهم من كده صناعه كورى او تايلندى و اخيرا الباب بيتفتح جزئين لتحت و لفوق فمبتخدش مكان .

و فيه نوع تانى وستنجهاوس 50 * 50 *50- عندى - 2 مروحه تحت و فوق - مالهاش حل - اى حاجه عاوز انظفها بخلاف الصحون - بانظفها فيها و النتيجه ممتازه - بس موش عارف ان كانت موجوده دلوقتى و الا لا - لانها عندى من 9 سنوات

اما المقاس المتوسط 45*85*56

1/ من الكورى:- وايت ويل /ال جى
2/ من الاوروبى :-انديست / اريستون/بوش/ويست بوينت/ زانوسى / اليكترولكس /
3/ الامريكى :- وستنجهاوس / جنرال اليكتريك / ميتاج .

و طبعا فى انواع ثانيه بس من وجهه نظرى دول كويسين ..
دمتم بود

المشاركة الأصلية كتبت بواسطة azmeralda

جزاك الله خيرا واضح ان فريش دى بره المواضيع خالص
بس بيقولوا لما تكون مستوردة مش بيبقى لها صيانة
عند صاحبة ماما امريكية من يوم ما باظت وهى عملاها دولاب

السلام عليكم

لم اقصد ان فرش موش حلوه :-
1/ اول ما اتصنعت خصوصا المقاس الصغير 50*50*50 كانت ممتازه لان بعض من مكوناتها كانت اوروربيه - اختى عندها واحده من 10 سنوات - شغاله كويس بس البارومه ابتدت تسرح فيها - لكن شغاله و التوكيل افادوا بان معش ليها شاسيهات علشان تتغير .
2/ معظم المنتجات اللى ببتتقفل عندنا فى مصر - لا اعيب فى اى ماركه - بيتحط معاها مكونات صينى او تركى - علشان توفير فى تكلفه المنتج النهائيه و بالتالى عامل الجوده بيكون معقول لكن موش ممتاز - و الاهم الصيانه اللى بعد البيع.
3/ الغساله الامريكى اللى حضرتك معموله دولاب - - ابعتى لى الصوره او الموديل و ان شاء الله ابعت لحضرتك حد يحاول يحدد العطل اللى فيها و ايه امكانيه تصليحه.و تتكلف كام.
دمتى بود