السلام عليكم

**new_pharmacist** · 04-07-2011 12:20 AM

اهلا بيكم اخوانى الاعزاء اجمل زملاء فالمنتدى
عاوز استشارة صغيرة
انا بكرة نازل اخلص باذن الله فسيارة من اتنين محتار بينهم
واحده فيات 132 /1600 موديل 75 بس كشفت عليها كل حاجه تمام جنوط سبور اربع كاوتشات تيوبلس بطاريه جديده رخصه تبدا من اربع ايام بس
بس العربيه فيها صدا جوة الشنطه قالولى ده يزودها ميقللهاش ومتفيمه بس ازازها خفيف اوى فالفتح حاسه سايب وراشه قوايم الابواب بس طالب فيها 18000
اه وفيها تنفيس فالشكمان بسيط
بس العربيه واقفه تجنن والراجل مظبطها تشد العين

والعربيه اللتانيه فيات نوفا 128 موديل 97 بس رخصتها تخلص شهر 10 مش راشه خالص بس انا شايف فى تانيه فباب الشنطه واللى شافهالى قالى فى خرمين فالشنطه بس مياثروش عليها

دى عامله 17500

هو نصحنى ب128 وقالى احسن عشان جديده بس قالى سوقها لو حبيت ابيعها مش مرغوبه

فياترى انهى افضل
انا محتار وبكرة همضي عقد واحده فيهم ياريت حد ينصحنى
هى مش محتاجه اى حاجه

هو قالى الاتنين احلى من بعض بس بيرجح النوفا عشان موديلها احدث بس وقالى سعرها كده لقطه بس شكلها محتاجه نظافه

**abofarah** · 04-07-2011 12:28 AM

ربنا يوفقك للخير
و من رأيى الخاص و دى وجهة نظرى انا لو مكانك اركب مازدا 323
و توززز الف مره فى 132 و ال 128

المازدا برقبة العربيتين دول و اسال و يا ريت متتسرعش و انت بتشتر ى و واصبر على قد ما تقدر ..

و الله الموفق

**new_pharmacist** · 04-07-2011 01:46 AM

هو بس دول المتاحين ادامى فحدود الفلوس انا معايا لحد 18 او 19 الف
وخصوصا انا عاوزها هتعلم عليها واظبط سواقتى لانى هستلم عربيه زيرو تبع الشغل قريب فعاوز دى مؤقت وممكن ابيعها بعد كده او اسيبها للبيت

بس محتار بين الاتنين دول 132
و128
وانا ميال اكتر ل132 شكلها عاجبنى ونظيفه المعرض ملمعها
بس الراجل اللى جبته يساعدنى معرفه قالى النوفا احلى

**mostafa mahmod** · 04-07-2011 02:16 AM

انا من رايى ال 128 احسن لانها اجدد و اصغر علشان تتعلم عليها و اعاده بيعها سريع جدا - دى 128 يا باشا يعنى كتكوته الشعب كله - ال 132 حلوه و كل حاجه بس قديمه و فيها صدأ و كبيييييييييييييييره اوى على انك تتعلم عليها و راشه قوايم و شكمان و اكيد لما تشتريها هتلاقيها محتاجه شويه حاجات تانى

بص ياما تاخد ال 128 ياما تستنى و تشوف مازدا زى ما قالك abofarah بالظبط

و ربنا يعترك فى حاجه كويسه

**AHMED REFAT** · 04-07-2011 02:22 AM

اخى الحبيب .. انا اعتقد والله اعلم ان ال 128 انسب من جهات كثير.. اولا الموديل اعلى وهذا يترتب عليه جودة الحالة نسبيا .. ثانيا قيادة ال 128 اخف كثير من 132 خصوصا انها 1600 يعنى ما فيش باور وهى عربية تقيلة فعلا ( الباور فى ال2000 بس ) ثالثا الباروما الى فيها هايجى عليها يوم ولازم تترمم وتدهن وده ها يعيب بخلاف الخرمين فى شنطة ال 128 اللى ممكن تركب سبويلر وتستفيد بالخرمين وفى نفس الوقت تداريهم .. موضوع البيع واللع فى سوق مصر ده حاجة ترجع لله اولا واخيرا رزق بحت انا شوفت عربيات ما حدش يعرف ماركتها وكانت بتباع وياثمان كمان .. لكن من ناحية السواقة ومن ناحية الحالة ومن ناحية الموديل توكل على الله فى ال128 .. والله اعلم فهذا رأيى المتواضع

**ahmdmagdy** · 04-07-2011 02:29 AM

طبعا 128 من ناحيه الموديل و سهوله سوقتها و تكاليف تشغيلها

**AHMED REFAT** · 04-07-2011 02:32 AM

المشاركة الأصلية كتبت بواسطة ahmdmagdy

طبعا 128 من ناحيه الموديل و سهوله سوقتها و تكاليف تشغيلها

+111111111111111111111

**new_pharmacist** · 04-07-2011 02:55 AM

يعنى رايكم اتكل على الله فال 128 ومش هتعب من كبالن وكده؟

**new_pharmacist** · 04-07-2011 03:14 AM

طب ناس قالتلى ال128 الجديده نوفا مش حلوة ولا عمليه زى ال128 القديم ياترى رايكم ايه

**elhelwany188** · 04-07-2011 10:39 AM

السلام عليكم ورحمة الله وبركاته
بص يااخى الكريم
بالنسبة ليك انت عاوز عربية تتعلم عليها وبعد كده تبيعها علشان ان شاء الله العربية الزيرو ربنا يباركلك فيها
بص ياباشا يبقى انت بتدور على عربية تخبط بيها لحد ما تتمكن من السواقة وبعد كده تلم اللى حصل فيها باقل التكاليف وتبعها
فاحسن اختيار ان شاء الله 128 بس الاول اعمل استخارة ثم توكل على الله