الموضوع: لو رجع بيك الزمن للوراء ... كنت هتتجوز ولا لأ ؟

الكلام مش موضوعى لأن ببساطة دى قصة من تاليفى واخراجى
جمعت فيها معظم الحاجات اللى شفتها فى جوازات كتير
ممكن تكون السبب ان الأنسان مش سعيد حتى لو معاه ست كويسة
للفت النظر مش للتعميم ان كل زوج مش سعيد هو كده

للفت النظر ان الأنسان ممكن يكون عمل ذنوب فى حياته شؤمها هو اللى مخليه مش سعيد وبيبص لنص الكوباية الفاضى ومش بيركز على مميزات مراته ومحدش بياخد كل حاجة


لأ ممكن طبعا يكون فى ست نكدية وست مبتسمعش الكلام و....

ومش متحاملة على الرجالة كل الحكاية ان الوضع هنا ان كل الناس تقريبا يا عينى داخلة تقول مكنتش هتجوز تانى وبتشتكى من مراتتها فعشان كد الرد من ناحية واحدة لو كان ستات هى اللى بتشتكى من اجوازها كنت رديت بطريقة مختلفة خالص وحقيقى فى الحياة الواقعية منعت ستات فعلا من انهم يطلقوا مع ان اجوازهم فعلا بيعملوا حاجات فظيعة ولو ان عرفت 60 واحدة فى حياتى حكوا لى اسرارهم مفيش منهم 10 سعدا مع اجوازهم

فممكن يكون الأحساس مشترك

هو متهيأله انه مش طايقها وهى بتفكر ان لو رجع بيها الزمن عمرها ما هتتجوزه
بس مين فيهم اللى غلطان ومين اللى هيحاول يصلح من نفسه

وميبقاش سلبى ومستسلم ان الحياة ذفت

ليه دايما هى اللى عليها الدور ده بس ليه مبيحاولش يحتويها واحترامها ليه يخليها تسمع كلامه مش عشان الفلوس؟

ومين بقى اللى عمل احصائية واكتشف ان سبب الطلاق كان الندية وهى الندية دى مكانتش باينة من الخطوبة

مفيش سبب عدم الأنفاق والخيانة السبب دلوقتى بقى من الست بس!!!!


ومتنكروش ان فى اساءة اختيار من البداية من الطرفين وناس داخلة تتجوز اى حد وخلاص !!!!

لما فى ناس مقتنعة فعلا وبتقول احنا لما ندخل البيت هناخدها يعنى هناخدها معندناش حد يدخل بيت ويخرج منه

فى حاجة فى الدنيا اسمها كده !!!والآخر لما ميبقاش فى تفاهم

وكل واحد فاكر انه هيغير التانى بعد الجواز

رفاهية !

اولا لو هتقارن بستات زمان صحتهم كانت احسن بكتيييير جدا

ثانيا كلهم تقريبا متستتين فى البيت محدش بيطلب منها تشتغل وتصرف
وانا شخصيا جدتى كان بيبقى عندها بال 3 خدامات فى البيت
على الأقل لازم خدامة واحدة واتفرج على افلام الابيض والأسود هتلاقى دايما فيه خدامين

اولا انا مش بستقى كلامى من الأفلام انا بقول جدتى وسلايفها واصحابها وقرايبها كان عندهم خدامين وبعدين دول اشتغلوا خدامين ليه دى مش النقطة اللى بنناقشها هنا

المشاركة الأصلية كتبت بواسطة elbeheri

ايووووووة طبعا رفاهية !!
الغسل كان زمان بأيه ودلوقتى بأيه ؟ دولقت اصعب صح !
الكنس شرحه
الطبخ شرحه وكان زمان فى اختراع اسمه ميكرووويف ههههههههه!والله كنت متأكده انك هتقول كده بس مش معنى ان فى مكنسة كهربا انها مبتحتاجش مجهود ومش كل الناس عندها غسالة فول فى هاف ومش اى حد عنده غسالة اطباق وميكرويف
ولا عربية ورغم كده بتشتغل بره البيت احيانا نفس الشغل اللى جوزها بيشتغله وبعد كده يرجع يقرا الجرنان وهى تنضف وتطبخ وتغسل

انا شخصيا مليش فى التنضيف ده خالص ولا كل زمايلى وعمرى ما هشيل سجاجيد ومراتب واقطم ضهرى ومش مطالبة بكده اصلا وشايفاه حاجة صعبة جدا ومرهقة جدا خصوصا لو الشقة واسعة مش المكنسة الكهربا اللى هتسهل الموضوع !!!
لازم واحدة تيجى تنضف
التليفون عند الجيران
التليفزيون - النت - السيارة اللى تحت البيت وحاجات كتتتتتير ..............
فاكره لب البطيخ اللى كان بيتعمل على النار - ولا العنب اللى بيتعمل زبيب ولا ماحضرتيهوش !!لا والله محضرتهوش ومش معنى ان ده مبيتعملش ان دى رفاهية مقاييس الرفاهية عند سيادتك غريبة شوية
وبعدين رجالة زمان كانت صحتهم احسن كتير زى ستات زمان - يعنى الظروف متساوية

وبررضه مين قال للك انى بتكلم عن اللى بتشتغل ؟
انا قصدى اللى متستتين ودول بيمثلوا 90% من المتزوجات مش عارفة انت منرفز نفسك كده ليه!
برضه الأحصائيات بتاعتك اثبتت ان 90 % من المتزوجات متستتات ما شاء الله امال بتشتكوا ليه ان شغل الستات مقعد الرجالة عالقهاوى
وفى متستتين وعندهم خدامات كمان ولا انتى مش عارفة ؟ بنسبة كام محبتهاش دى ليه
واللى مريح مراته كتر خيره وهو حضرتك متعرفش ان شرعا اللى كان عندها خدامة فى بيت اهلها الزوج مطالب يستتها ويوفر لها خدامة
وبعدين افلام الابيض والاسود دى كانت لما الدنيا رخيصة
دلوقت المعيشة نااااااااار واللى عنده طفلين بيحارب عشان يأكلهم ويعلمهم والحرب دى مبتجيش على دماغها برضه وعلى حساب طلباتها

ياريت تهدى اسلوبك شوية او هضطر متكلمش معاك

المشاركة الأصلية كتبت بواسطة elbeheri

والله انا هادى مش عارف ليه انت حاسه انى مش هادى ؟

اسمحى ليا ارد لعلى حضرتك نقطة نقطة :

1- بس انا ضحكت على حاجة هو مجهود الغسيل والكنس والطبخ اكبر بدون الاجهزة الحديثة ولا العكس ؟ المشكلة انك بتقارن وطالما الستات دلوقتى محضروش وابور الجاز والغسيل فى حلة الغلى مش هيقولوا بقى اه كده اريح
هو بالنسبة لنا شىء متعب خصوصا مع الشغل غسيل ونشر وتنضيف وطبيخ ومذاكرة للولاد وطبعا لازم مع كل ده تهتم بنفسها للزوج والا ...

عارف امتى هيبقى اريح لو طلع دلوقتى اجهزة بتريح اكتر يعنى مكنسة بتمشى فى البيت تكنس لوحدها ودى شفتها فعلا عالتلفزيون
حاجة تاخد بالها من الكل اللى عالنار فى حر المطبخ كده يعنى : )

لو انت رجعت من الشغل وعملت الحاجات دى ولقيت نقسك مش تعبان مع انى اشك يبقى ده عشان صحتك احسن من الست وبرضه بتقدر عالمجهود العضلى اكتر منها حتى لو صحة الرجالة دلوقتى اقل من زمان هيفضلوا اقوى جسديا من الستات

2- موضوع اللب والزبيبب على سبيل المثال البسيط جدا على تعاون الزوجة مع زوجها وتوفيرها لبعض البنود ولو بسيطة ولاتذكر -مش زى انتى ما فهمتى -التوفير لازم يبقى بالطريقة دى
ماهى لو عملت له مخلل مثلا ومربى فى البيت تبقى وفرت له تمن الجاهز ولا هى بتيجى فول اوبشن طبيخ ومربات ومخللات وتورتات : )

3- موضوع اللى متستتين يمثلوا 90% من المتزوجات انا اقصد على مستوى البلد كلها وبرضه على مستوى البلد مستحيل يكون 90 % ابدا ولا نسبة قريبة من دى واسأل وليس على مستوى القاهرة فقط وانا برضه مش متنرفز
4- طبعا انا متوافق معاك فى الراى ان الراجل اللى ربنا فاتح عليه يريح مراته ويجيب ليها خدامة اذا كان فى بيت والدها خدامة بس اللى ما يكونش فى بيت ابوها خدامة تطلب خدامة ليه ؟؟



بص هو رأى الأئمة الأربع اصلا ان المرأة للأستمتاع وليست للخدمة
ولا حتى تخيط له حاجة
بس طبعا ده مش بيتطبق وفى العصر الحديث العلماء قالوا تطبخ له وكده من باب العشرة بالمعروف بس على قدر طاقتها (هى وطاقتها بقى محدش يتأمر عليها) يقوم هو بقى يحولها لخدامة رسمى وينهكها تماما فى شغل البيت اللى هو شايفه بسيط بالأجهزة الحديثة !!! وبعد ما تعمل يقول ده متعملش ليه ويزعق!!!
ولا من باب العشرة بالمعروف برضه يبقى فى شوية ويحاول يريحها

مش لازم خدامة مقيمة زى زمان

بس على الأقل واحدة تيجى تنضف البيت لأن ده مجهود كبير

فى مثلا ناس اعرفهم بيجيبوا واحدة تنضف الحوض والمطبخ كل يوم بس اللى بيقرف يجيب غسالة اطباق

والحاجات دى مش مكلفة للدرجة المهولة يعنى ما هو برضه بيصرف فلوس على حاجات ملهاش لزمة يبقى ده اولى