لو رجع بيك الزمن للوراء ... كنت هتتجوز ولا لأ ؟

**MNabeih** · 04-07-2011 11:03 AM

و الله العظيم ايوة
لأن انا فعلا بحب مراتي, ربنا يخليهالي يا رب و كل اللي بيضايق الناس من كل حاجة عايزين عايزين و البوتاجاز و الكبريت و اللبن و الحوارات دي بحس فيهه بنشوة و سعادة و انا بعملها لناس انا بحبهم و براعي ربنا فيهم.
و اظن اللي مضايق الناس من الجواز هو المسئولية.
ما انا بردو مش متجوز واحدة غصب عني يعني, شوف انت قبل الجواز كنت بتحلم بخطيبتك اللي المفروض دلوقتي مراتك ازاي؟؟؟؟
بس هو بيني و بينكم في زوجات بيزودوها بس النوع دة بيبقي عاوز معاملة خاصة و هي هاتتعدل معاك طوالي.
و الزميل اللي بيسأل كنت هاتتجوز نفس الزوجة, الحمد لله بردو ايوة.
و تحياتي للجميع

**shady_hamdy** · 04-07-2011 11:12 AM

اصعب واحدة ممكن نعيش معاها الى مبتسمعش الكلام و تعاند و دة تشلك و تموتك بدرى و الفنهاية مبررها انك اسلوب مش هوا الى بيخليك تعاند و انك لما تقول ما انا اسلوب بيوصل لكد علشان انتى عندية تقولك ما هوا المفروض تتعامل معايا على انى عنديا و فى الاخر يجيلك جلطة فى اسرع وقت

**Mahmoud Mosaad** · 04-07-2011 11:27 AM

لا لا لا لا لا
ما انا كنت راجل حر وزي الفل

**Ghamrawy** · 04-07-2011 11:58 AM

المشاركة الأصلية كتبت بواسطة hobiko

+1111111111111111111111111111111111

أبقى قاعد فى اجتماع مع وزير الكهرباء ....... تلاقى التليفون بيرن ...... أكنسل ...... مافيش فايدة ...... أرد بالعافية ...... عايزن لبن ..... هو ده وقته ...... أقفل ....... كمان ساعة ...... التليفون بيرن ...... أرد ...... هو لسه الأجتماع ما خلصش ...... انتو بتكلموا في ايه كل ده ........ يا ستى و انت مالك ...... أقفل ...... كمان ساعة ...... التليفون بيرن ...... لأ مش ممكن الأجتماع طول أوى ....... أبقى بشد فى شعرى

....... طيب خلاص الولد عايز كورن فليكس .......

فى النهاية ...... أجى اسيب الأجتماع و أمشى ....... يقولولى طب حنعمل ايه فى ميزانية المشروع ...... ألاقى نفسى بقول الكورن فليكس أهم

فعلا و النوعية دى من الستات تخلى الراجل لا مؤاخذة دايما مضروب على دماغه و مش عارف يفكر و لا فى نفسه و لا فى شغله حتى و تبقى الحياه عبارة عن سلسلة لا تنتهى من الطلبات المستفزة سواء ضرورية او غير ضرورية و غير كده كمان فى ستات لما تحس ان زوجها معاه فلوس لازم تخترع اى حاجة علشان تشطب على الفلوس دى ............

للاسف فى زوجات مش عارفين ان لو الزوج ارتاح و لقى وقت يشغل مخه أكيد مش هو لوحده اللى شأنه حايرتفع

لأ دى العيلة كله

**elbeheri** · 04-07-2011 12:15 PM

المشاركة الأصلية كتبت بواسطة mmffor

انا الحمدلله لا اندم كثيرا على القرارات التي اتخذتها في حياتيلاني من الصابرين و ربنا يعيننا على ما اصابنا
بس لو رجع بيا الزمن ان شاء الله حأجل الجواز عدة سنين و افكر مليون مرة قبل ما اشيل كفني على ايدي

انا زيك بالضبط كنت هأجل الجواز سنين وسنين يمكن لحد الاربعين

**tamer_a7** · 04-07-2011 12:25 PM

nooooooooooo يعني لا

**wael3m** · 04-07-2011 12:28 PM

يا جماعة دا انا فرحى بعد 13 يوم حرام عليكم كلامكم دا ههههههههههههههههههههههههه ه

انا عارف ان الجواز صعب لانه من الاخر خالص مسئولية واول كام سنة بتكون صعبة شوية
لانك بتعيش مع انسانة مكنتش تعرفها قبل كدا ( فترة الخطوبة غير محسوبة لانك دايما بتشوفها فى احسن حال )
فعلى ما تتعودوا على طباع بعض المسئلة بتاخد وقت شوية واحتمال يحصل خلافات ومناوشاوت بالاسلحة الخفيفة والثقيلة الى ان تنتهى الحرب بمعاهدة سلام على ان تجدد كل فترة .... التجديد دى بقى هو المهم انك تاخد المدام تفسحها شوية

أحلى ما قرأت عن الزواج كالاتى
( واحد بيسأل شيخ هو ايه مفهوم الزواج قاله يابنى الزواج دا عامل زى برميل العسل اوله حلو
واخره فى قعر البرميل زفت
رد الراجل عليه وقاله : اظاهر انا خدت البرميل بالمقلوب )

ههههههههههههههههههههههههه ههههههههههههههههههههههههه ه

**Kareem.ElAraby** · 04-07-2011 12:28 PM

الحمد لله لسه متخرج و فاكس لموضوع الجواز و عاملهم عبيط في البيت و بأتلكك ب أول شغل و ما عنديش وقت و المرتب
و التعليقات تبشر الواحد و الحمد لله و بالذات موضو ع أوضه الاهرمات ده :]
مالها العربيات و خليني فيها يا عم علي الاقل بتسمع الكلام بنزين تمشي, فرامل تقف :]:]

**Mahmoud Mosaad** · 04-07-2011 12:35 PM

المشاركة الأصلية كتبت بواسطة wael3m

يا جماعة دا انا فرحى بعد 13 يوم حرام عليكم كلامكم دا ههههههههههههههههههههههههه ه

انا عارف ان الجواز صعب لانه من الاخر خالص مسئولية واول كام سنة بتكون صعبة شوية
لانك بتعيش مع انسانة مكنتش تعرفها قبل كدا ( فترة الخطوبة غير محسوبة لانك دايما بتشوفها فى احسن حال :0002014a:)
فعلى ما تتعودوا على طباع بعض المسئلة بتاخد وقت شوية واحتمال يحصل خلافات ومناوشاوت بالاسلحة الخفيفة والثقيلة الى ان تنتهى الحرب بمعاهدة سلام على ان تجدد كل فترة .... التجديد دى بقى هو المهم انك تاخد المدام تفسحها شوية

أحلى ما قرأت عن الزواج كالاتى
( واحد بيسأل شيخ هو ايه مفهوم الزواج قاله يابنى الزواج دا عامل زى برميل العسل اوله حلو

واخره فى قعر البرميل زفت

رد الراجل عليه وقاله : اظاهر انا خدت البرميل بالمقلوب

)

ههههههههههههههههههههههههه ههههههههههههههههههههههههه ه

وائل باشا ازيك
مبروووك يا ريس ومتقلقش كلنا لها
هههههههههههههه

صحيح الفرح هيكون في ايطاليا ولا المحلة

-

الموضوع: لو رجع بيك الزمن للوراء ... كنت هتتجوز ولا لأ ؟

LinkBack

أدوات الموضوع

عرض

-

-

-

-

-

-

المواضيع المتشابهه

كل الشباب هتتجوز بجنيه وبس

لو رجع بيك الزمن للوراء هل كنت ها تشترى اوبترا ايضا ؟

لو عاد بك الزمان للوراء كنت حاتشترى نيسان صنى تانى

الى ملاك الاوبترا لو الزمن رجع للوراء هل هتفكر تشتري اوبترا ؟

ياترى لو الزمن رجع للوراء كنت برضه هتشتري هيونداي(ياريت كل يقول رايه) ؟

الكلمات الدلالية لهذا الموضوع

المفضلات

المفضلات

ضوابط المشاركة