لو رجع بيك الزمن للوراء ... كنت هتتجوز ولا لأ ؟

**waelfarid** · 04-07-2011 05:49 AM

الواحدة اللي مبتسمعش الكلام بتبقي عاملة زي مليونية بلطجية
قبر يلم العفش

**nicegypt** · 04-07-2011 05:55 AM

المشاركة الأصلية كتبت بواسطة BRAZILI

ماشى ..... عشان يستريح و يريح دماغه

اول ما اتجوزت ..... كل شوية هات كبريت ......... حاضر
هات كبريت ........ حاضر
بعدين لما اتخنقت ........ قلت هو انا اهبل ولا ايه .........؟؟؟؟
بقيت اجيب الكبريت بالقروصة ....... بعدين قلت كبريت ايه و هبل ايه ........ انا ح اجيب ولاعات احسن

طيب لية حضرتك مجبتش اشعال ذاتى من البداية وفرن كهربا + ميكرويف وتبقى ريحت دماغك ؟؟ كدة دى غلطتك :)
-------

المشاركة الأصلية كتبت بواسطة BRAZILI

... بس بصراحة اول سنتين فى الجواز دول اهم سنتين فى حياتك الزوجية كلها ....... يا تبرمج النظام زى ما انت عايز ........... يا تتبرمج انت ......... و انت و شطارتك

ولية ميكونش عليها جزء وعلى حضرتك جزء يكون فية تناسب بين الاتنين ؟ الحياة بالنصف ف كل حاجة .. مش بس ف الاكل

موضوع البرمجة ويا الراجل يبرمج مراتة .. يأما هية تبرمجة .. فبصفتى مـبرمج

لما واحد من الاتنين يبرمج
التانى يبقى بيجي علية وعلى حقة .. والطرف التانى بيسكت اكراماَ وتقديراَ لة .. يعنى لو الراجل جية على مراتة وهي
وافقت دة مش معناة انتصاااااار .. لاء انت كدة ممكن تيجي عليها وهي عشان مقدراك وبتحبك هتسكت .. يبقى من الاولي
ان الحياة تكون منااصفة .. اي بالنصف .. وكلة علية مسؤليات سواء الراجل او المرأة .. وحياتنا ما هي الا تـدرج للمراحـل
لكل مرحلة مسؤليتها ومتطلباتها :) كلامى بشكل عام وغير موجة للاحد بعينة

**Ghosts** · 04-07-2011 06:13 AM

المشاركة الأصلية كتبت بواسطة waelfarid

الواحدة اللي مبتسمعش الكلام بتبقي عاملة زي مليونية بلطجية
قبر يلم العفش

هههههههههههههههههههههه .....
وللأسف النوع دة من الستات مينفعش معاة حاجة غير التفجير ....

**abou_ruqi** · 04-07-2011 09:10 AM

يا جماعة في حاجتين صغيرين وصا عليهم الشرع ,وفعلا لو ظبطوهم كل حاجة تتظبط

لها عليك النفقة ولك عليها الطاعة

اظبطها كده محدش يصرف على البيت مليم واحد غيرك
ومحدش ليه رأي غيرك , حترتاحوا انتوا الأتنين

**محمد عز** · 04-07-2011 09:15 AM

الجواز والحياة الاسرية ليها طعم تانى

الاستقرار النفسي والعاطفي مطلوب ومهم

طبعا الجواز مسئولية كبيره جدا جدا جدا ..... زى ما انت بتاخد لازم تدى

لكن للاسف فيه ناس كتيرة تحب تاخد بس وده اكبر غلط

في ناس بتتخنق من المسئوليه ده وبالتالى بيكره الجواز وطول ما هو قاعد عمال يندب فى حظه ، العيال والطلبات ووووو....

لكن لو تحملت المسئوليه وشاركت شويا فى مهام البيت هترتاح وتريح اللى حواليك

على فكره شغل البيت وتربيه الاولاد من اصعب الشغلانات فى الدنيا، بالتالى اللى يفتكر انه مراته قعدة فى البيت مرتاحة وسعيدة يبقى غلطان بالعكس ده بتقوم بالمهمة الصعبة بالنيابة عنك

يعنى انا بجيب طلبات البيت من غير ما مراتى تطلب

ادخل المطبخ افتح التلاجة ومكان التخزين اعرف البيت ناقصه ايه واجيبه

**أحمد كمال** · 04-07-2011 09:54 AM

المشاركة الأصلية كتبت بواسطة waelfarid

الواحدة اللي مبتسمعش الكلام بتبقي عاملة زي مليونية بلطجية
قبر يلم العفش

+1111111111111111111111111111111111111111111111111 11111111111111111111111111111111111111111111111111 1111111111111111111111

يلعن يحرق أبو ده صنف يا شيخ

**hobiko** · 04-07-2011 10:25 AM

المشاركة الأصلية كتبت بواسطة Ghosts

مشاركة جميلة جدآ ....

ربنا يسعد كل أيامك ....
الرجالة اللى بتشتكى من طلبات الستات مش بيتدلعوا ولا حاجة ....
بس هما زعلانين عشان حاجة من أتنين ....
يا أما راجل زعلان عشان المدام بتطلب بأفترى ومش حاسة هو بيتعب أزاى عشان يقدر يجيب الفلوس ....
أو راجل زعلان عشان المدام مش مركزة أو مش عارفة البيت ناقصة أية فكل شوية تلاقيها بتكلمة ....
ملهاش دعوة بقى هو فى أجتماع مهم أو سايق ....
المهم أنة لازم يرد وخلاص فبالتأكيد الزن دة بيخنق الراجل و بيخلية متعفرت ....
اللى يخنق أكتر بقى أنة لما يروح يلاقى مراتة نسيت تقولة على حاجات تانية كان المفروض يجيبها ....
كل دة وأحنا بنتكلم فى بند وااااااااااااااااحد بس وهو بند الطلبات ....
و زى ما حضرتك عارف الجواز فية بنود تانية كتييييييييييييييييييييييي يييييير ....

+1111111111111111111111111111111111

أبقى قاعد فى اجتماع مع وزير الكهرباء ....... تلاقى التليفون بيرن ...... أكنسل ...... مافيش فايدة ...... أرد بالعافية ...... عايزن لبن ..... هو ده وقته ...... أقفل ....... كمان ساعة ...... التليفون بيرن ...... أرد ...... هو لسه الأجتماع ما خلصش ...... انتو بتكلموا في ايه كل ده ........ يا ستى و انت مالك ...... أقفل ...... كمان ساعة ...... التليفون بيرن ...... لأ مش ممكن الأجتماع طول أوى ....... أبقى بشد فى شعرى

....... طيب خلاص الولد عايز كورن فليكس .......

فى النهاية ...... أجى اسيب الأجتماع و أمشى ....... يقولولى طب حنعمل ايه فى ميزانية المشروع ...... ألاقى نفسى بقول الكورن فليكس أهم

**kar!m** · 04-07-2011 10:27 AM

من أظرف التعليقات اللى سمعتها عن الجواز .. واحد زميلنا كان بيسأل واحد متجوز .. ايه رأيك فى الجواز؟

قاله فاكر لما كنا نروح زمان الاهرامات و فى أوضه فاضيه فوق الهرم و نكون كلنا عاوزيين نطلعها .. و بعدين واحد يطلع و هدومه تتبهدل ويلاقيها أوضه فاضيه مافيهاش حاجه .. و هو نازل يلاقى واحد طالع عاوز يشوف الأوضه فيها ايه .. يقول له يابنى ارجع دى أوضه فاضية مافيهاش حاجه .. هتتبهدل على الفاضى .. انما هو يصر انه يطلع و يشوفها بنفسه و يتبهدل و برضه و هو نازل يلاقى واحد تانى طالع يقول له نفس الكلام و برضه ميسمعش الكلام .. و هكذا .. و هكذا

**alaasaid** · 04-07-2011 10:38 AM

المشاركة الأصلية كتبت بواسطة kareemz

من أظرف التعليقات اللى سمعتها عن الجواز .. واحد زميلنا كان بيسأل واحد متجوز .. ايه رأيك فى الجواز؟

قاله فاكر لما كنا نروح زمان الاهرامات و فى أوضه فاضيه فوق الهرم و نكون كلنا عاوزيين نطلعها .. و بعدين واحد يطلع و هدومه تتبهدل ويلاقيها أوضه فاضيه مافيهاش حاجه .. و هو نازل يلاقى واحد طالع عاوز يشوف الأوضه فيها ايه .. يقول له يابنى ارجع دى أوضه فاضية مافيهاش حاجه .. هتتبهدل على الفاضى .. انما هو يصر انه يطلع و يشوفها بنفسه و يتبهدل و برضه و هو نازل يلاقى واحد تانى طالع يقول له نفس الكلام و برضه ميسمعش الكلام .. و هكذا .. و هكذا

تعليق تحفة و فى الجون تمام , هو الجواز فعلا كدة

الموضوع: لو رجع بيك الزمن للوراء ... كنت هتتجوز ولا لأ ؟

LinkBack

أدوات الموضوع

عرض

-

-

-

-

-

المواضيع المتشابهه

كل الشباب هتتجوز بجنيه وبس

لو رجع بيك الزمن للوراء هل كنت ها تشترى اوبترا ايضا ؟

لو عاد بك الزمان للوراء كنت حاتشترى نيسان صنى تانى

الى ملاك الاوبترا لو الزمن رجع للوراء هل هتفكر تشتري اوبترا ؟

ياترى لو الزمن رجع للوراء كنت برضه هتشتري هيونداي(ياريت كل يقول رايه) ؟

الكلمات الدلالية لهذا الموضوع

المفضلات

المفضلات

ضوابط المشاركة